ޒުވާނުން މެދުގައި ޑިމޮކްރަސީއަށް އިތުބާރެއް ނެތް

މިއަދުގެ ޒުވާނުންގެ މެދުގައި ޑިމޮކްރެސީއާއިމެދު އޮންނަ އިތުބާރު އެހެން އުމުރުފުރާއަށްވުރެ ދަށްކަމަށް ދިރާސާއަކުން ދައްކައިފިއެވެ. ސެންޓަރ ފޯރ ދަ ފިއުޗަރ ޑިމޮކްރަސީ އެޓް ދަ ޔުނިވަރސިޓީ އޮފް ކެމްބްރިޖްއިން ކޮށްފައިވާ ދިރާސާ ރިޕޯޓުގައި ބުނެފައިވަނީ ދުނިޔޭގެ ހުރިހައި ކަންކޮޅުތަކެއްގައިވެސް އުމުރުން 18 އަހަރާއި 34 އަހަރާއި ދެމެދުގެ ޒުވާނުންގެ މެދުގައި ޑިމޮކްރަސީއަށް އޮންނަ އިތުބާރު ދަށްވެފައިވާކަމަށެވެ.

މި ދިރާސާގައި ގިނަ އަދަދެއްގެ ޒުވާނުން ވަނީ ބައިވެރިކޮށްފައެވެ. އެގޮތުން 5 މިލިއަނާއި ގާތްކުރާ އަދަދަކަށް މީހުން ވަނީ ދިރާސާގައި ބައިވެރިވެފައެވެ. އެއީ 160 ގައުމަކުންނެވެ.

advertisement

މި ދިރާސާގައި އެންމެ އިސްކޮށް އުޅުއްވި ރޮބާޓޯ ވިދާޅުވީ، މިއީ ތާރީހުގައިވެސް އެމީހުންގެ 20 އަހަރާއި 30 އަހަރުގައި ޑިމޮކްރަސީ މަސައްކަތްކުރާ ގޮތާއިމެދި ހިތްހަމަ ނުޖެހުނު ފުރަތަމަ ޖީލުކަމަށެވެ. ދިރާސާގައި ބައިވެރިވި %55 މީހުން ބުނެފައިވަނީ މިހާރު ޑިމޮކްރަސީގެ ކަންކަން ކުރިއަށްދާ ގޮތާއިމެދު އެމީހުން ހިތްހަމަ ނުޖެހޭކަމަށެވެ.

ދިރާސާގައި ބައިވެރިވި ބައެއް މީހުން ބުނެފައިވަނީ ޑިމޮކްރަސީގެ ސަބަބުން ޒުވާނުންގެ ތެރެއިން ގިނަ ބައެއްގެ ވަޒީފާ ގެއްލި އެކި މީހުންގެ މެދުގައި އާމްދަނީގެ ތަފާތުތަކެއް އައިސްފައިވާކަމަށެވެ.