ލޯބިވާ މީހަކު ނިޔާވުމުން ހިތާމަ ކުރާ މީހަކަށް އެހީވާނީ ކިހިނެއް؟

ތިމާގެ ރަހުމަތްތެރިއަކު ނުވަތަ ގާތްމީހަކު ވަރަށް ބޮޑު ހިތާމައެއްގައި އުޅެފާނެއެވެ. ގާތްމީހަކު ނުވަތަ ލޯބިވާ މީހެއް ގެއްލުމުގެ ހިތާމަކޮށްފާނެއެވެ. އާއިލާއެއް ރޫޅިދާނެއެވެ. ނުވަތަ ވަޒީފާ ގެއްލިދާނެއެވެ. ނުވަތަ މިނޫންވެސް ބޮޑު ހިތާމައަކާއި ކުރިމަތިލާފާނެއެވެ. މިފަދަ ދަނޑިވަޅުތަކުގައި އެމީހަކަށް އާއިލާއާއި ގާތް ރަހުމަތްތެރިންގެ އެހީތެރިކަން ބޭނުންވާނެއެވެ. ނަމަވެސް މިފަދަ ދަނޑިވަޅެއްގައި އަނެކާގެ ފަރާތުން އަމަލުކުރާ ގޮތަކީ ވަރަށް މުހިންމު ކަމެކެވެ. މިފަދަ ދަނޑިވަޅުގައި އަމަލުކުރާނީ ކިހިނެތް؟

ކޮންމެ ދުވަހަކުވެސް އެމީހެއްގެ ހާލު ބެލުން

advertisement

ކޮންމެ ދުވަހަކުވެސް އެމީހެއްގެ ހާލު ބަލާށެވެ. ކައިރީގައި ނެތްނަމަ ގުޅައިގެން ނުވަތަ މެސެޖްކޮށްގެން ވިއަސް ހާލު އޮޅުންފިލުވާށެވެ.

އެއްވެސްކަމެއް ބޭނުންތޯ އޮޅުންފިލުވާ

ހިތާމައިގައި ހުންނަ މީހަކަށް އެހެން މީހުންގެ އަޅާލުން ވަރަށް ބޮޑަށްވެސް ބޭނުންވާނެއެވެ. އެފަދަ މީހުން އެހީއެއް ބޭނުންވި ނަމަވެސް އަމިއްލައަށް ބުނަން ގިނަފަހަރު ނުކެރޭނެއެވެ. އެހެންކަމުން ބޭނުންވަނީ ކޮންކަމެއްތޯ އަހާށެވެ. އަދި އެކަމެއް ކޮށްދޭށެވެ. ކިތަންމެ ކުޑަކަމެއް ކޮށްދިންނަމަވެސް އެއީ ވަރަށް ބޮޑު އެހީއަކަށްވާނެއެވެ.

އޭނާއަށްޓަކައި ހުރިކަން ބުނެދީ

އެކަނިވެރިކަމުގެ އިހްސާސް ވިޔަނުދީ އޭނާއަށްޓަކައި ހުރިކަން ބުނެދޭށެވެ. މިއީ ގާތް މީހެއްގެ ހައިސިއްޔަތުން ކުރެވޭނެ އެންމެ ބޮޑު ކަންތަކެވެ.

އޭނާއާއިއެކި ކޮންމެވެސް ކަމެއް ކޮށްލާ

ހިތްދަތި ކަމެއް ދިމާވުމުން ބޭރަށް ނިކުމެ އުޅުމަކީ އުނދަގޫ ކަމަކަށްވާނެއެވެ. އެހެންނަމަވެސް ބޭރަށް ގޮސް ކަމެއް ކޮށްލުމަށް ހުށައަޅާށެވެ. ހިނގާލަން، އެއްޗެއް ކާލަން، ނުވަތަ އިރުއަރާ ނުވަތަ އިރުއޮއްސޭ މަންޒަރު ބަލާލަންވެސް ދެވިދާނެއެވެ.