މެނޮޕޯސް އައުމުގެ ކުރީކޮޅު ނިޝާންތައް ދެނެގަނޭ

އާރލީ މެނެޕޯޒް އަކީ އަންހެނަކު އޭނާގެ ޕީރިއަޑް 45 އަހަރު ވުމުގެ ކުރިން ހުއްޓުމެވެ. މިއީ ގުދުރަތީގޮތުން ނުވަތަ ނަގާ ބޭހެއް ނުވަތަ ޓްރީޓްމަންޓަކުންވެސް ވެދާނެގޮތެކެވެ. ކޮންމެ 100 އަންހެނަކުން 1 އަންހެނަކީ 45 އަހަރުވުމުގެ ކުރިން ޕީރިއަޑް ހުއްޓޭ މީހެކެވެ. އާންމުގޮތެއްގައި ޕީރިއަޑް ހުއްޓެނީ އުމުރުން 45 އަހަރާއި 55 އަހަރާއި ދެމެދުއެވެ. ނަމަވެސް އޭގެ ކުރިން ޕީރިއަޑް ހުއްޓިއްޖެނަމަ ޑޮކްޓަރަކަށް ދެއްކުން މުހިންމެވެ.

އާރލީ މެނެޕޯޒްގެ އަލާމާތްތަކަކީ ކޮބާ؟

advertisement

• ރޭގަނޑު ދާހިތްލުން
• ނިދަން އުނދަގޫވުން
• އެންޒައިޓީ
• ހަނދާނުގައި މައްސަލަހުރުން
• ބޮލުގައި ރިއްސުން

އާރލީ މެނެޕޯޒް އަށް ދިއުމުގެ ބައެއް ސަބަބުތައް:

އޯވަރީ މަސައްކަތްކުރުން ހުއްޓުން

އާރލީ މެނެޕޯޒް އަށް ދިއުމުގެ އަލާމާތްތަކުގެ ތެރޭގައި އަންހެނާގެ އޯވަރީ އާންމުގޮތެއްގައި މަސައްކަތްކުރަންޖެހޭ މިންވަރަށްވުރެ މަދުން ހޯމޯންސް އުފެއްދުން ހިމެނެއެވެ.

ކެންސަރަށް ފަރުވާ ހޯދުން:

ރޭޑިއޯތެރަޕީ ނުވަތަ ކީމޯތެރަޕީ ނެގުމަކީ އޯވަރީ ފެއިލްވެދާނެ ސަބަބެކެވެ. މިއީ ވަގުތީ ނުވަތަ ދާއިމީ ކަމަކަށްވެސް ވެދާނެއެވެ. ނަމަވެސް ކެންސަރަށް ފަރުވާ ހޯދާއިރު އާރލީ މެނެޕޯޒް އަށް ދިއުމަށް މަގުފަހިވާ ގިނަ ކަންކަން ހުރެއެވެ. އެގޮތުން އުމުރާއި، ނަގާ ޓްރީޓްމަންޓް، އަދި ހަށިގަނޑުގެ ރޭޑިއޯތެރަޕީދޭ ގުނަވަނަށް ބަލައި މިކަން ތަފާތު ވެދާނެއެވެ.

ސަރޖަރީކޮށްގެން އޯވަރީ ނެގުން

ސަރޖަރީއެއް ކޮށްގެން އޯވަރީ ނެގުމުގެ ސަބަބުން އާރލީ މެނެޕޯޒް އަށް މަގުފަހިވެދާނެއެވެ.