ކެޝޫ ނަޓުގެ ފައިދާ ވަރަށް ގިނަ

ކެޝޫ ނަޓަކީ ރާއްޖެއިންވެސް ވަރަށް ފަސޭހައިން ލިބެންހުންނަ އެއްޗެކެވެ. މިއީ ހަށިގަނޑަށް ގިނަ ފައިދާތަކެއް ލިއްބައިދޭ އެއްޗެކެވެ. އޭގެތެރޭގައި ޕްރޮޓީން، ފައިބަރ، ޒިންކު، ފޮސްފެރަސް، ހަށިގަނޑަށް ބޭނުންވާ ފެޓްސް އަދި އެންޓިއޮކްސިޑެންޓްސް ހިމެނެއެވެ.

ކެޝޫ ނަޓަކީ ކޮންމެ ދުވަހެއްގެ ކެއުމުގައިވެސް ބޭނުންކުރަން ވަރަށް މުހިންމު އެއްޗެކެވެ. ކެޝޫ ނަޓަކީ އެކެއުމުން ހަށިގަނޑަށް ވަރަށް ފައިދާ ކުރާ ބަދަނުގެ ބާވަތެކެވެ. އެގޮތުން ލިބޭ ފައިދާ ތަކުގެ ތެރޭގައި:

advertisement

ލޮލަށް ފައިދާކުރޭ
ކެޝޫ ނަޓުގައި ހިމެނޭ ލުޓެއިންގެ ސަބަބުން ”ރެޓިނާ” ރައްކާތެރިކޮށްދެއެވެ. ހަމައެހެންމެ ޒީޒަންތިން ރަނގަޅު ވަރަކަށް މީގައި ހުރުމުގެ ސަބަބުން މަސްކިއުލާ ޑީޖެނެރޭޝަން އިން ލޯ ރައްކާތެރިކޮށްދެއެވެ. އަދި ލޮލޮގެ ފެނުން ރަނގަޅު ކޮށްދީ ޔޫވީއިން ލޯ ރައްކާތެރިކޮށްދެއެވެ.

ހިތުގެ ބަލިތަކުން ރައްކާތެރިކޮށްދޭ
މީގައި ހިމެނެނީ 33% މެގްނީޒިއަމެވެ. މީގެ ސަބަބުން ހިތުގެ ބަލިތަކުން ރައްކާތެރި ކޮށްދެއެވެ. އަދި މީގައި ހިމެނޭ އެންޓި އިންފުލެމޭޓަރީ މާއްދާތަކާއި، ވިޓަމިންސްއާއި ފައިބަރއާއި އަދި މިނަރަލްސްގެ ސަބަބުން ދުޅަހެޔޮ ހިތެއް ލިއްބައިދެއެވެ.

ހަކުރު ބަލިން ރައްކާތެރިކޮށްދޭ
މީގައި ހިމެނޭ ކާބޯހައިޑްރޭޓްސް ދަށްވުމުގެ ސަބަބުން ހަކުރު ބަލިން ރައްކާތެރިކޮށްދެއެވެ. އަދި ފައިބަރގެ ސަބަބުން ބްލަޑް ޝުގާ ލެވެލް ކޮންޓްރޯލް ކޮށްދެއެވެ.

ދިފާއީ ނިޒާމު ވަރުގަދަ ކޮށްދިނުން
“ޒިންކް” މި މާއްދާ އަކީ މައިކްރޮބިކަލް އިންފެކްޝަނުން ދިފާއީ ނިޒާމު ވަރުގަދަ ކޮށްދިނުމަށް އެހީވެދޭ އެންމެ މުހިއްމު މާއްދާއެވެ. ކެޝޫ ނަޓުގައި މި މާއްދާ އެކުލެވިގެންވާއިރު ދިފާއީ ނިޒާމު އިތުރަށް ވަރުގަދަ ކޮށްދީ އެނިޒާމުގައި ހުންނަ ސެލްތައް ޑެވެލޮޕް ކޮށްދިނުމަށް އެހީވެދޭނެއެވެ.

ކޮލެސްޓްރޯލް ލެވެލް ކޮންޓްރޯލް ކޮށްދިނުން
ކޮލެސްޓްރޯލް މަތިވުމަކީ ހިތުގެ މައްސަލަތަކާއި ލޭގެ ހިނގުމަށް އަސަރު ކުރާ ކަމެކެވެ. ކެޝޫ ނަޓް ގަވާއިދުން ކައި ނަމަ ހަށިގަނޑަށް ފައިދާ ނުކުރާ ކޮލެސްޓްރޯލް މަދުކޮށްދިނުމަށް އެހީތެރިވެދެއެވެ.