އީޓީން ޑިސޯޑަރސް: ޒުވާން ކުދިންނަށް ދިމާވާ ބޮޑު މައްސަލައެއް

ފުރާވަރުގެ ކުދިން ނުކެއުން ނުވަތަ ނުކެވުމަކީ (އީޓީން ޑިސްއޯޑަރ) އެމޯޝަނަލް، ފިޒިކަލް އަދި މިޒާޖަށް އަންނަ ބަދަލުތަކެއްގެ ސަބަބުން ދިމާވާ ކަމެކެވެ. މި މައްސަލައަކީ ކުރީބައިގައި އެކަށީގެންވާ ފިޔަވަޅު ނާޅައިފިނަމަ ފަހުން މީގެ ނޭދެވޭ އަސަރުކޮށްފާނެކަމެކެވެ. އާންމުގޮތެއްގައި އީޓީން ޑިސްއޯޑަރ ދިމާވަނީ އުމުރުން 12 އަހަރާއި 13 އަހަރާއި ދެމެދުގެ ކުދިންނަށެވެ. މި މައްސަލަ އާންމުގޮތެއްގައި ދިމާވަނީ ކުޑަކުދިންނަށެވެ.

ސޯސަލް މީޑިއާއާއި އީޓިންގ ޑިސްއޯޑަރ

advertisement

އާންމުގޮތެއްގައި ކުދިން ނުކެއުމުގައި ސޯސަލް މީޑިއާ މުހިންމު ދައުރެއް އަދާކުރެއެވެ. ސޯސަލް މީޑިއާގައި ފެންނަ ބައެއް އެއްޗެހީގެ ސަބަބުން ކުދިން ނުކެއުމަށް މަގުފަހިވެއެވެ. އެފަދަ ތަކެތީގައި ބޮޑަށް ޕްރޮމޯޓްކޮށްފައި ހުންނަނީ ހިކި ކުދިންނަކީ ރީތި ކުދިންކަމަށެވެ. އަދި ހިކެންވީ ނުކައިކަމަށް ބުނެ ސޯސަލް މީޑިއާގައި ޕޯސްޓްތައް ހުރެއެވެ. މިފަދަ ލިޔުންތައް ކުދިންނަށް ފެނުމުގެ ސަބަބުން އެކުދިން ކެއުމަށް ދުރުވެއެވެ. އަދި ނުކާން އުޅެއެވެ.

ބެލެނިވެރިންނާއި ގާތްމީހުން އަމަލުކުރަންވީ ކިހިނެތް؟

ކުދިންގެ ކެއުމަށް އަންނަ ބަދަލުތަކަށް ބެލެނިވެރިން ވަރަށް ބޮޑަށްވެސް ސަމާލުވާންޖެހެއެވެ. އެހެންޏާ ކައިއުޅޭ ކުއްޖަކު ކުއްލިއަކަށް ނުކާން ފެށުމުން އެކަން ދެނެގަނެ ވީގޮތް އޮޅުންފިލުވަން ޖެހެއެވެ.

ކުއްޖާ ނުކެއުމަށް ދިމާވި ސަބަބު ކަނުލާ އަޑުއަހާށެވެ. އަދި މިކަމަށް ހައްލެއް ހޯދުމަށް ދިރާސާ ކުރެވިދާނެއެވެ. އަދި މިކަން ދިމާވާ އެހެން ބެލެނިވެރިންނާ ވާހަކަދައްކާށެވެ. ކަމާގުޅުންހުރި ފަރާތެއްގެ ހިޔާލުވެސް ހޯދިދާނެއެވެ.

އީޓިން ޑިސްއޯޑަރ ހުންނަ ކުއްޖެއްގެ ކިބައިން ފެންނާނެ އަލާމާތްތައް:

• ކާއެއްޗެއްސާމެދު ދެކޭގޮތް ބަދަލުވުން
• ކުއްލިއަކަށް މާބޮޑަށް ބަރުދަން ލުއިވުން
• ބަނޑަށް ތަދުވުން
• އަނބުރައިގަތުން، މާބޮޑަށް ވަރުބަލިވުން
• އިސްތަށިގަނޑާއި ހަންގަނޑު ހިކުން
• ބޮލުގައި ރިއްސުން