ޓީޗަރުންގެ ނަފްސާނީ ދުޅަހެޔޮކަމަށް އިސްކަންދިނުން މުހިއްމު

ކޯވިޑް19 ގެ ޕެންޑަމިކްގެ ސަބަބުން ގިނަ ބައެއްގެ ދިރިއުޅުމަށް ބޮޑު އަސަރެއް ކުރިއެވެ. ޕެންޑަމިކްގެ ސަބަބުން ގިނަ ބައެއްގެ މެންޓަލް ހެލްތައްވެސް ވަނީ އަސަރުތަކެއް ކޮށްފައެވެ. ގިނަ ބަޔަކު ގޭގައި މަސައްކަތްކުރަންޖެހި ބޭރަށް ނުނިކުމެވި ގިނަ ދުވަސްތަކެއް ހޭދަކުރަންޖެހުނެވެ.

ޕެންޑަމިކްގެ ތެރޭގައި އެންމެ ބުރަކޮށް މަސައްކަތްކުރަންޖެހުނު އެއްބަޔަކަށް ހަމަގައިމުވެސް ޓީޗަރުން ވާނެއެވެ. މުޅި ދުނިޔެ ލޮކްޑައުންވެ ސްކޫލްތައްވެސް ބަންދުކުރަން ޖެހުނެވެ. ނަމަވެސް ގޭތެރޭގައި ލޮކްޑައުންގައި ތިބެގެން ޓީޗަރުން ވަނީ ކިޔަވައިދިނުމުގެ ކަންކަން ކުރިއަށްގެންގޮސްފައެވެ.

advertisement

ރާއްޖޭގައިވެސް ޕެންޑަމިކްގެ ތެރޭގައި ޓީޗަރުން ވަނީ ބުރަ މަސައްކަތްތަކެއް ކޮށްފައެވެ. ގިނަ ކުދިންނާއި ޓީޗަރުން ތިބީ މި ހާލަތައް ތައްޔާރުވެގެނެއްނޫނެވެ. ކްލާހެއްގައި ކުދިންނަށް ކިޔަވައިދިނުމަށްވުރެ އޮންލައިންކޮށް އެތައް ކުދިންނަކަށް ކިޔަވައިދިނުމަކީ ވަރަށް ބުރަބޮޑު މަސައްކަތެކެވެ. މިއީ މެންޓަލީވެސް މީހާއަށް އަސަރުތަކެއް ކުރުވާނެ ކަމެކެވެ. އެހެންކަމުން ކޯވިޑްގެ ތެރޭގައި މެންޓަލީ އެންމެބޮޑު އަސަރެއް ކުރުވި ބަޔަކަށް ޓީޗަރުން ވާނެއޭ ބުނުމަކީ ދޮގަކަށް ނުވާނެއެވެ.

ކެއިސަރ ފެމިލީ ފައުންޑޭޝަންއިން ކުރި ދިރާސާއަކުން ދައްކާގޮތުގައި ކޯވިޑް ޕެންޑަކިންގެ ސަބަބުން %90 މުވައްޒަފުންނަށް އެންޒައިޓީއާއި ޑިޕްރެޝަންއަށް ދިޔައެވެ. އަދި ޓީޗަރުންގެ ތެރެއިން %84 މީހުން ކޯވިޑް ޕެންޑަމިކްގެ ސަބަބުން ސްޓްރެސްވިކަމަށް މި ދިރާސާގައި ވަނީ ބުނެފައެވެ.

ސްޓްރެސްވާ ވަގުތުގައި ޓީޗަރުންނަށް ކުރެވިދާނެ ބައެއް ކަންތައްތައް:

• މެންޓަލް ހެލްތާއި ގުޅޭގޮތުން އެހެން މީހުންނަށް ވާހަކަދެއްކުން
• އަމިއްލަ ނަފްސަށް ވަގުތު ހުސްކޮށް ނަފްސަށް އަޅާލުން
• އަމިއްލައަށް ކޮންޓްރޯލް ނުވާ ކަންކަމާއި ކޮންޓްރޯލްވާ ކަންކަން ހުންނާނެކަން ދެނެގަތުން
• އެހީތެރިކަން ބޭނުންވާނަމަ އެހެންމީހުންގެ އެހީއަށް އެދުން