އެކަނި ވަގުތު ހޭދަކުރަން ބައެއް މީހުންނަށް އުނދަގޫ

އެކަނި ވަގުތު ހޭދަކުރުމަކީ ވަރަށް ގިނަ މީހުންނަށް ކުރަން އުނދަގޫ ނުވަތަ ނުކުރެވޭ ކަމެކެވެ. މިފަދަ މީހުން ތަނަކަށް ދިޔަނަމަވެސް އަދި ކާންދިޔަނަމަވެސް އެކަނި ދިއުމަށް ފަސްޖެހެއެވެ. ނަމަވެސް ބައެއް މީހުންނަކީ އަމިއްލައަށް ވަގުތު ހޭދަކުރާ މީހުންނެވެ.

އަމިއްލައަށް ވަގުތު ހޭދަކުރަން އުނދަގުލީ ކީތްވެ؟

advertisement

އަމިއްލައަށް ވަގުތު ހޭދަކުރަން ބައެއް މީހުން ފަސްޖެހޭ ސަބަބުތަކެއް ހުރެދާނެއެވެ. އަދި ބައެއް ފަހަރު އަމިއްލައަށް ވަގުތު ހޭދަކުރަން ނުކެރެނީ ކީތްވެގެންކަން ބައެއް މީހުންނަށް ނޭންގިދާނެއެވެ. ނަމަވެސް މީގެ ސަބަބުން އޮޅުންފިލުވުމަކީ ވަރަށް މުހިންމު ކަމެކެވެ. އަމިއްލައަށް ވަގުތު ހޭދަކުރަން ބައެއް މީހުންނަށް އުނދަގޫ ސަބަބުތަކުގެ ތެރޭގައި ހިމެނޭ ބައެއް ކަންތައްތަކުގެ ތެރޭގައި:

މާބޮޑަށް ކަންކަމާއި ވިސްނުން

އެކަނިވުމުން ގިނަ ފަހަރު މާބޮޑަށް ކަންކަމާއި ވިސްނޭ ގޮތް ބައެއް މީހުންނަށް ދިމާވެއެވެ. އަދި އެކަނިވެރިކަމުގެ އިހްސާސް ކުރެވެއެވެ. މީގެސަބަބުން މީހާއަށް ހިތްދަތިކަން އިހްސާސްކުރެވޭ ފަހަރުވެސް އާދެއެވެ.

އެހެންމީހުން ތިމާ އެވޮއިޑްކުރާ ކަމުގެ އިހްސާސް ވުން

އެކަނި ވަގުތު ހޭދަކުރަން ބައެއް މީހުނަށް ނުކެރޭ ސަބަބުތަކުގެ ތެރޭގައި ތިމާއަކީ ބޭކާރު މީހެއްކަމަށް އިހްސާސްވެ އެހެންމީހުން ތިމާ އެވޮއިޑްކުރާ ކަމަށް ހީވުން ހިމެނެއެވެ.

އެންޒައިޓީ ހުރުން

އެންޒައިޓީ ހުރުމުގެ ސަބަބުންވެސް ބައެއް މީހުންނަށް އެކަނި ވަގުތު ހޭދަކުރަން އުނދަގޫވެއެވެ.

އެކަނި ވަގުތު ހޭދަކުރަން ކުރެވިދާނެ ކަންތައްތައް:

އެކަނި ވަގުތު ހޭދަކުރާނެ ގޮތުގެ ޕްލޭންއެއް ހެދިދާނެއެވެ. މީގެ ސަބަބުން ތިމާ ކުރަންވީ ކޮންކަމެއްތޯ އިނގި އެކަނިވެރިކަމުގެ އިހްސާސްވާލެއް ކުޑަވާނެއެވެ.

އައު ކަންތައްތައް ތަޖިރިބާކުރުން

އައު ކަންތައްތައް ތަޖުރިބާކުރުމަކީ ތިމާ އެކަނިވެރިކަމުގެ އިހްސާސްވާލެއް ކުޑަކޮށްދޭނެކަމެކެވެ. އަދި މިއީ މީހާ ބިޒީވާނެ ކަމެއްވެސްމެއެވެ. އެގޮތުން ތިމާގެ ހޮބީތަކަކީ ކޮބައިތޯ ބަލައި އެކަންކަން ތަރަޤީކުރެވިދާނެއެވެ.

އެކަނި ހުންނަން ދަސްކުރުން

އެއްފަހަރު ނަމަވެސް އެކަނި ވަގުތު ހޭދަކޮށްފިނަމަ 2 ވަނަ ފަހަރު މީހާ އެކަމަށް ތައްޔާރުވާނެއެވެ. އެހެންކަމުން އެކަނި ވަގުތު ހޭދަކުރުމަކީ ކުރެވޭނެކަމެކެވެ.

ހިތްއެދޭ ކަންތައްތައް ކުރުން

އެކަނި ހޭދަކުރާ ވަގުތުގައި ތިމާ ހިތްއެދޭ ކަންތައްތައް ކުރާށެވެ. އަދި ތިމާ ހިތްގަޔާނުވާ ކަންތައްތައް ކުރުމުން ދުރުވުމަކީ ކުރެވިދާނެ ވަރަށް މުހިންމު ކަމެކެވެ.