ރާއްޖޭގައި ވަރި އެހާ ގިނަ: ބައިވެރިޔާއާއި ދުރުވާންވީ ކިހާހިސާބަކުން؟

2 މީހަކު ކައިވެންޏަކާއި ހަމައަށްދަނީ ވަރަށް ލޯބިންނެވެ. ނަމަވެސް ކައިވެނީގެ ފަހުން ދިމާވާ ކަންތައްތަކުގެ ސަބަބުން 2 މީހުން ވަކިވާންޖެހޭ ފަހަރުވެސް އާދެއެވެ. ނަމަވެސް އުފެދޭ ސުވާލަކީ ބައިވެރިޔާއާއި ދުރަށްގޮސް ގުޅުން ނިންމާލާންވީ ކިހާ ހިސާބަކުންތޯއެވެ. މިކަންތައްތައް ފެންނަނަމަ ތިޔަ ގުޅުމައިގެން ކުރިއަށް ދިއުމާއިމެދު ވިސްނާލާށެވެ.

އަމިއްލަ ނަފްސު ތިމާއަށް ގެއްލުން

advertisement

ތިމާގެ ބައިވެރިޔާ އުފާކޮށްދިނުމަށް ތިމާގެ އަމިއްލަ ނަފްސު ބަދަލުކުރަންޖެހޭނަމަ މިއީ ތިޔަ ގުޅުމުގައި ދެމިހުރުމަށް ސުވާލުކޮށްލަންޖެހޭ ކަމެކެވެ. ބައިވެރިޔާއަށްޓަކައި ތިބާ ބަދަލުވެ އަމިއްލަ ނަފްސަށް އަމިއްލަ ނަފްސު އޮޅޭ ހިސާބަށް ބައެއް ގުޅުންތަކުގައި ދެއެވެ. ލޯބިވާނަމަ ބައިވެރިޔާ ބަދަލުކުރަން މަސައްކަތެއް ނުކުރާނެއެވެ. އެއާއިހިލާފަށް އެކަކު އަނެކެއްގެ ގޮތުގައި ގަބޫލުކުރާނެއެވެ.

ތިޔަ ގުޅުމުގައި އުފާވެރިކަމުގެ އިހްސާސް ނުކުރެވުން

2 މީހަކު ދިރިއުޅުން ފަށައިގެން ކުރިއަށްދާއިރު އެ ގުޅުމުގައި 2 މީހުންވެސް އެކަކު އަނެކަކުދެކެ ލޯބިވެ، އުފާވެރިކަމާއިއެކު އުޅުމަކީ ވަރަށް މުހިންމު ކަމެކެވެ. ނަމަވެސް ބައިވެރިޔާއާއިއެކު އުޅޭއިރު އުފާވެރިކަމުގެ އިހްސާސް ތިމާއަށް ނުކުރެވޭނަމަ 2 މީހުން އެކުގައި ދުވަސްތައް ހޭދަކުރުމާއިމެދު ވިސްނާލަންޖެހެއެވެ.

އިހްތިރާމް ނުކުރުން

ކައިވެނިކޮށްގެން އުޅޭއިރު އެކަކު އަނެކަކަށް އިހްތިރާމް ކުރުމަކީ ވަރަށް މުހިންމު ކަމެކެވެ. ތިބާގެ ބައިވެރިޔާ ތިބާއަށް އިހްތިރާމް ނުކުރާ ކަމުގެ އިހްސާސް ކުރެވޭނަމަ އެއީ “ހެލްތީ ރިލޭޝަންޝިޕް” އެއް ނޫނެވެ.

އަނިޔާކުރުން

އަނިޔާކުރުމަކީ އެއްވެސް ހާލަތެއްގައި ކޮށްގެންވާނެކަމެއްނޫނެވެ. އެހެންކަމުން ތިބާގެ ތި ގުޅުމުގައި އަނިޔާލިބޭ ނަމަ އެއީ ތިޔަ ގުޅުން ނިންމާލަންވީކަމުގެ ހެއްކެކެވެ.

އަނެކާގެ ހިޔާލަށް އިހްތިރާމް ނުކުރުން

2 މީހަކު ކައިވެނިކޮށްގެން އުޅޭއިރު އެކަކު އަނެކެއްގެ ހިޔާލަށް އިހްތިރާމްކުރަންޖެހެއެވެ. ނަމަވެސް އޭގެ ބަދަލުގައި އަބަދު އެކަކު ބޭނުންވާ ގޮތައް ކަންތައްތައް ވާނަމަ އެއީ ކަމިޔާބު ގުޅުމެއް ނޫނެވެ.

އިތުބާރު ނުކުރެވޭ ކަމުގެ އިހްސާސް ކުރެވުން

ގުޅުމެއް ވަރުގަދަވެ އޮންނާނީ އެކަކު އަނެކަމަށް ފުރިހަމައަށް އިތުބާރުކުރާނަމައެވެ. ނަމަވެސް އިތުބާރު ކުރުމަށް ހުރަސްއެޅޭފަދަ ކަންކަން ވާނަމަ ބައިވެރިޔާއާއި އެވާހަކަ ދައްކާ ހައްލު ލިބޭތޯ މަސައްކަތްކުރާށެވެ.

ބައިވެރިޔާގެ ފަރާތުން މިކަންކަން ފެންނަނަމަ މިކަންތައްތައް ރަނގަޅު ކުރުމަށް ބުނާށެވެ. އަދި އެއްވެސް ހާލަތެއްގައި މިކަންކަން ރަނގަޅު ނުވެއްޖެނަމަ އެންމެ ރަނގަޅު ގޮތަކީ ދުރުވުމެވެ.