ކަސްރަތު ކުރިއަސް ނަތީޖާ ނުފެންނަނީ ކީއްވެ؟

ކަސްރަތުކުރިނަމަވެސް އޭގެ ނަތީޖާ ނުފެންނަ ކަމުގެ ޝަކުވާ ވަރަށް ގިނަ މީހުން ކުރެއެވެ. އަދި ބައެއް ފަހަރު ކަސްރަތުކުރަން ފޫހިވާ ފަހަރުވެސް އާދެއެވެ. ކަސްރަތު ކުރިނަމަވެސް އޭގެ ނަތީޖާ ނުފެންނަނީ ކޮންމެވެސް ކަމެއް ގޯސްކޮށް ކުރެވޭތީއެވެ. މި އާޓިކަލްގައި މި ހިމަނާލަނީ ކަސްރަތު ކުރިނަމަވެސް އޭގެ ނަތީޖާ ނުފެންނަ ބައެއް ސަބަބުތަކެވެ.

ލަނޑުދަނޑި ކަނޑައެޅުން

advertisement

ބައެއް މީހުން ކަސްރަތު ކުރަން ފަށާއިރު އެކްސްޕެކްޓޭޝަން މާބޮޑަށް ހައިކޮށް ފަށައެވެ. އެހެންމީހުންނާއި ތިމާއާއި އަޅާކިޔައެވެ. ނަމަވެސް ގަބޫލުކުރަންވީ ހަޤީގަތަކީ ކޮންމެ މީހެއްގެ ހަށިގަނޑަކީ ތަފާތު އެއްޗެއްކަމެވެ. އެހެންކަމުން އެކި މީހުންނަށް ނަތީޖާ ފެންނަން ނަގާ މުއްދަތު ތަފާތުވާނެކަމެވެ.

ގަވައިދުން ކަސްރަތުކުރުން

ކަސްރަތު ކުރަން ފަށާފައި އެކަން ހުއްޓާލުމުން ނުވަތަ ކަނޑައަޅާފައިވާ ޝެޑިއުލަށް ކަސްރަތު ނުކުރާނަމަ އެކަމުގެ ނަތީޖާއެއް ނުފެންނާނެއެވެ. އެހެންކަމުން ގަވައިދުން ކަސްރަތު ކުރުމަކީ ވަރަށް މުހިންމު ކަމެކެވެ.

ތިމާގެ ބެސްޓް ދިނުން

ބައެއް މީހުންނަށް ކަސްރަތުކުރަން ފަށާފައި ވަކި ހިސާބަކުން ވަރުބަލިވެގެން ހުއްޓާލެވެއެވެ. 20 މިނެޓުގެ ކަސްރަތެއް ކުރާނަމަ 10 މިނެޓް ފުރިހަމަކޮށްފައި ހުއްޓާލެވޭ ފަހަރުވެސް އާދެއެވެ. ނަމަވެސް ނަތީޖާ ހޯދަން ބޭނުންވާނަމަ އެކަން ކުރަންއޮންނަ ގޮތައް ކުރުމަކީ ވަރަށް މުހިންމު ކަމެކެވެ.

ވޯކްއައުޓް ބެލެންސް ކުރުން

ހަދާ ވޯކްއައުޓްތައް ބެލެންސް ކުރުމަކީ ކަސްރަތުކުރާއިރު ނަތީޖާ ނެރުމަށް ވަރަށް މުހިންމު ކަމެކެވެ.

ކަސްރަތުކުރާއިރު އަރާމުކުރުމަށް ގިނަ ވަގުތު ހޭދަނުކުރުން

ކަސްރަތުކުރާއިރު އަރާމުކުރުމަށް ވަރަށް ގިނަ މީހުންނަށް ގިނަ ވަގުތު ނެގެއެވެ. މިސާލަކަށް 2 މިނެޓު ކަސްރަތުކުރުމަށްފަހު 3 މިނެޓް އަރާމުކުރުމަށް ހޭދަކޮށްފާނެއެވެ. މިއީ ނަތީޖާ ފެނުން ލަސްވާނެކަމެކެވެ.

އިންސްޓްރަކްޓަރެއްގެ އެހީ ހޯދުން

އަމިއްލައަށް ކަސްރަތުކުރާއިރު ނަތީޖާ ނުފެންނަ ކަމަށް އިހްސާސް ކުރެވޭނަމަ އިންސްޓްރަކްޓަރެއްގެ އިރުޝާދާއިއެކު ކަސްރަތުކުރުމަކީ ވަރަށް މުހިންމު ކަމެކެވެ.

ރަނގަޅަށް ނިދުން

ކަސްރަތުކުރާއިރު އެންމެ އެދެވޭގޮތުގައި ނަތީޖާ ނުފެންނަނީ ނިދުމުގެ އާދަތައް ހުންނަ ގޮތުންކަމަށްވެސް ވެދާނެއެވެ. އެހެންކަމުން އަވަހަށް ނިދާފައި އަވަހަށް ހޭލުމަކީ ވަރަށް މުހިންމު ކަމެކެވެ.

ކެއުމުގެ އާދަތައް

ކެއުމުގެ މިންގަނޑާއި ކެއުމުގައި ބޭނުންކުރާ ތަކެތީގެ ސަބަބުންވެސް ކަސްރަތުކުރާއިރު ނަތީޖާ ނުފެނިދާނެއެވެ.