ވަގުތު މެނޭޖްކުރަން އެނގުމަކީވެސް ހުނަރެއް

ކޮންމެ ދުވަހެއްގެ މަސައްކަތުގައި ވަގުތު ނެތިގެން އުޅޭ މީހުން ވަރަށް ގިނައެވެ. ކުރަންޖެހޭ މަސައްކަތެއް އެއޮންނަ ވަގުތައް ނުނިމިގެން ނުވަތަ އެކަމެއް ނުކުރެވިގެން އުޅެންޖެހެއެވެ. ވަގުތި މެނޭޖްނުކުރެވި ކުރަންޖެހޭ ކަންތައްތައް ނުކުރެވުމަކީ މީހާއަށް ހާސްކަމާއި ކަންބޮޑުވުން ލިބޭކަމެކެވެ.

ވަގުތު މެނޭޖްކުރުމަކީ ކުރެވިދާނެ ކަމެކެވެ. އެގޮތުން ވަގުތު މެނޭޖްކުރުމަށް ކުރެވިދާނެ ބައެއް ކަންތައްތައް މި އާޓިކަލްގައި ހިމަނާލާނަމަވެ.

advertisement

ހާސިލްކުރަން ބޭނުންވާ ލަނޑުދަނޑި ކަނޑައެޅުން

ވަގުތު ސަލާމަތްކުރަން ބޭނުންވާނަމަ ވަކި ލަނޑުދަޑިއެއް ކަނޑައަޅާށެވެ. އަދި އެކަމަށް މަސައްކަތްކުރާށެވެ. އެއިރުން ބޭކާރު ކަންކަން ކުރުމަށް މަގުތެއް ހޭދައެއް ނުވާނެއެވެ.

ޕްލޭން ކުރުން

އާންމުގޮތެއްގައި ވަގުތު ބޭކާރުވެގެންދަނީ ވަކި ޕްލޭންއެއް ނެތި ކަންކަން ކުރެވޭތީއެވެ. އަދި ތިމާ ތައްޔާރުކުރާ ޕްލޭން ފަސޭހައިން ފެންނާނެގޮތަކަށް ބަހައްޓާށެވެ. އެއިރުން ޕްލޭންކުރި ގޮތައް އަމަލުކުރަން ހަނދާންވާނެއެވެ.

ކަންކަން އޮގަނައިޒްކުރުން

އޮގަނައިޒްކުރަން ދަސްނުވެ ވަގުތު ސަލާމަތެއް ނުކުރެވޭނެއެވެ. މިސާލަކަށް އޮފީހަށް އަންނަ ތައްޔާރުވާއިރު ތިމާ ލާން ގެންގުޅޭ އަންނައުނު ނުވަތަ ރީތިވާން ބޭނުންވާވެސް އެހެން ސާމާނެއް ނުފެނިގެން ލަސްވެދާނެއެވެ. އެހެންކަމުން ގޭތެރެއާއި އަދި އޮފީހުގައިވެސް ތަކެތި އޮގަނައިޒްކޮށް ބަހައްޓަން އާދަކުރާށެވެ.

މުހިންމު ކަންކަން ތަރުތީބުކުރޭ

އެންމެ މުހިންމު ކަންކަމަކީ ކޮބައިތޯ ބަލައި އެކަންކަން ކަނޑައަޅާށެވެ. އެއިރުން ވަގުތު ނެތިގެން މުހިންމު ކަމެއް ނުކުރެވި ނުވަތަ ހަނދާންނެތި ނުދާނެއެވެ.

ނޫނެކޭ ބުނަން ދަސްކުރޭ

އޮފީހުގެ މާހައުލުގައާއި އަދި ގޭތެރޭގެ މާހައުލުގައިވެސް ތިމާއަށް ކުރެވޭނެ ކަންކަމާއި ނުކުރެވޭނެ ކަންކަން ހުންނާނެއެވެ. އެހެންކަމުން މިކަންކަން ދެނެގަންނާށެވެ. ވަގުތު މެނޭޖްކުރުމުގެ ކުރިން ނޫނެކޭ ބުނަންޖެހޭ ހާލަތްތަކުގައި ނޫނެކޭ ބުނަން ދަސްކުރުމަކީ ވަރަށް މުހިންމު ކަމެކެވެ. އޮފީހުގައި ތިމާއަށް ހަވާލުކުރާ ކޮންމެ ކަމަކަށް އާންއެކޭ ބުނާނަމަ ވަގުތު ހޯދުމަށް އުނދަގޫވާނެއެވެ.