މަހުގެ ބާވަތްތައް މާގިނައިން ނުކައި!

ދިވެހިންގެ ކެއުމުގައި މަހުގެ ބާވަތްތަކަކީ ވަރަށް އާންމު އެއްޗެކެވެ. ކޮންމެ ދުވަހެއްގެ ކެއުމުގައިވެސް މަހުގެ ބާވަތްތައް އަހަރެމެން އަންނަނީ ބޭނުންކުރަމުންނެވެ. ނަމަވެސް މަހުގެ ބާވަތްތަކަކީ މާގިނައިން ބޭނުންކުރުމުން އޭގައި ސިއްހަތައް ގެއްލުންދޭ ކަމެއްކަމަށް ބައެއް ދިރާސާތަކުން ދައްކައެވެ.

ދުނިޔޭގައި މަސްނުކާ މީހުންވެސް އުޅެއެވެ. ހަމައެކަނި މޭވާއާއި ތަރުކާރީ ކާމީހުންނަށް މަހުގެ ބާވަތްތައް ކާމީހުންނާއި އަޅާބަލާއިރު ހިތުގެ ބަލިތަކުންނާއި ކެންސަރު ބަލިން ރައްކާތެރިކޮށްދޭ މިންވަރު ބޮޑު ކަމަށް ދިރާސާތަކުން ދައްކައެވެ.

advertisement

އަވަހަށް ބަރުދަން ލުއިކުރަން ބޭނުންނަމަ މަހުގެ ބާވަތްތައް ކެއުން މަދުކޮށް، މޭވާއާއި ތަރުކާރީ ނުވަތަ ފަތްޕިލާވެލީގެ ޑައިޓެއް ކުރިއަށް ގެންދިއުމަށް ޑައިޓީޝަނުން އިރުޝާދުދެއެވެ. އަދި އެފަދަ ޑައިޓްތަކުން ލޭގެ ހަކުރު ރަނގަޅު މިނެއްގައި ބެހެއްޓުމަށް އެހީތެރިވެސްވެދެއެވެ. އެހެންކަމުން މަހުގެ ބާވަތްތަކަކީ މީހާގެ ބަރުދަން އިތުރުވާ އެއްޗެކެވެ.

ގިނަ ޑޮކްޓަރުން ވިދާޅުވާގޮތުގައި މަހުގެ ބާވަތްތަކަކީ ގިނަ އަދަދަކަށް ފެޓްސް ނުވަތަ ސަރުބީ ހިމެނޭ ބާވަތްތަކެވެ. ހަށިގަނޑުގައި ސަރުބީ އިތުރުވާނަމަ ހިތުގެ ދުޅަހެޔޮކަމަށް ބުރޫއަރައި، ހިތުގެ ބަލިތަކަށް ދައުވަތުދެވެއެވެ. އެހެންކަމުން ރަނގަޅު ގޮތަކީ މަސްކެއުން ހުއްޓައިލުން ނުވަތަ މަހުގެ ބާވަތްތައް ކެއުން މަދުކުރުމެވެ.

މަހުގެ ބާވަތްތަކުން ދުރުހެލިވެ މޭވާއާއި ތަރުކާރީ ކެއުން ގިނަކުރާނަމަ ހަށިގަނޑަށް ގިނަގުނަ ފައިބާ އަދި މިނެރަލް ލިއްބައިދޭނެއެވެ. ފައިބާގެ ސަބަބުން ހަށިގަނޑުގައިވާ ފައިދާހުރި ބެކްޓީރިއާއަށް ދިރުންދޭނެއެވެ.

ރަތްކަން ގަދަ މަހުގެ ބާވަތްތައް ހޮޓް ޑޯގް، ބޭކަން ފަދަ ދިލަޖައްސާފައި ހުންނަ މަހުގެ ބާވަތްތައް ބޭނުންކުރާ މިންވަރު އިތުރުވާނަމަވެސް ކެންސަރު ޖެހުމުގެ ފުރުސަތު ބޮޑުވެއެވެ. ހާއްސަކޮށް އުރަމަތީގެ ކެންސަރާއި ލޭގެ ކެންސަރު ޖެހުމަށް މަގުފަހިވެއެވެ.