ކުއްޖާ ގޯސް ކަމެއް ކުރުމުން އަދަބު ދޭނަމަ ރަނގަޅުގޮތުގައި އަދަބު ދޭނީ ކިހިނެއް؟

ކުދިންކުރާ ކަންކަމުގެ ސަބަބުން އެކުދިންނަށް އަދަބުދޭން ޖެހިއްޖެ ނަމަ އެއީ ކުރަންޖެހޭނެކަމެކެވެ. ނަމަވެސް ބައެއް ފަހަރު ކުދިންނަށް އެކުދިންގެ އުމުރާއި ނުގުޅޭ މިންވަރަށް އަދަބު ދެވެއެވެ. ކުދިންނަށް ދެވޭ އަދަބުގެ ސަބަބުން އެކުދިންނަށް ގެއްލުން ލިބޭ ފަހަރުވެސް އާދެއެވެ. ވިސްނާލަންވީ ކަމަކީ ކުދިންނަށް އަދަބުދޭއިރުވެސް ޕޮޒިޓިވްކޮށް އަދަބު ދިނުމަށްށެވެ. ޕޮޒިޓިވްކޮށް ދެވިދާނެ ބައެއް އަދަބުތައް:

• މާކަރ ސިސްޓަމް

ސްކޫލްގެ މާހައުލާއި އެއްގޮތައް  މާކަރ ސިސްޓަމަކީވެސް ގޭގައި ކުދިންނަށް އަދަބު ދިނުމަށް ބޭނުންކުރެވިދާނެ ޓެކްނިކެކެވެ. އެގޮތުން ކުއްޖާ ގޯސްކަމެއް ކުރުމުން ބޯޑުގައި މާކަރުން ކުއްޖާގެ ނަމާއި ކުރި ކަންތައް ލިޔެވިދާނެއެވެ.

advertisement

• ލިޔުމުން އަދަބުދިނުން

ކުއްޖާ ގޯސްކަމެއް ކުރުމުން އަދަބު ދިނުމުގެ ގޮތުން ލިޔަން ދެވިދާނެއެވެ. ސްކޫލްގައިވެސް މިފަދަ އަދަބުތައް ކުދިންނަށް ދީއުޅެއެވެ.

• ގޭތެރޭގައި އެހީތެރިވުމަށް ދިނުން

ކުއްޖާކުރާ ގޯސްކަމެއްގެ އަދަބެއްގެ ގޮތުގައި ބަދިގޭގައި މަންމައަށް ވަކި ކަމެއްގައި އެހީވުމަށް ޖެއްސިދާނެއެވެ.

• ބޭރަށް ދިއުން މަނާކުރުން

ރަހުމަތްތެރިންނާއިއެކު ބޭރަށް ދިއުން މަނާކުރުމަކީ ދެވިދާނެ އަދަބެކެވެ. ނަމަވެސް މިކަން ކުރާއިރު ބެލެނިވެރިން ވަރަށް ވިސްނަންޖެހެއެވެ. އެއީ ބައެއް ފަހަރު މިކަމުގެ ސަބަބުން ކުއްޖާއަށް ނޭދެވޭ އަސަރެއްވެސް އައިސްދާނެތީއެވެ.

• އަވަހަށް ނިދަން ފޮނުވުން

ކުއްޖާ ކުރާ ގޯސްކަމަކަށް އަދަބު ދިނުމަށް އަވަހަށް ނިދަން ފޮނުވުމަކީ ކުރެވިދާނެ ކަމެކެވެ.

• ކިޔަވަންޖެހޭ ވަގުތު އިތުރުކުރުން

އެހެންޏާ ކިޔަވަންޖެހޭ ވަގުތަށްވުރެ އިތުރު ވަގުތު އަދަބު ދިނުމުގެ ގޮތުން ދަރިފުޅަށް ޖެއްސިދާނެއެވެ.