ވައި ނުސާފް ވުމުން ބަނޑުގައި އޮންނަ ދަރިފުޅަށް ކިހާ އަސަރެއް ކުރޭ؟

ވައި ނުސާފުވުމުގެ ސަބަބުން ބަނޑުގައި އޮންނަ ދަރިފުޅަށް އޭގެ ނޭދެވޭ އަސަރުކުރާކަމަށް ދިރާސާއިން ދައްކައިފިއެވެ. ވައި ނުސާފުވުމަކީ ބަނޑުގައި އޮންނަ ތުއްތު ދަރިފުޅުގެ ހެދިބޮޑުވުމަށްވެސް އޭގެ ނޭދެވޭ އަސަރުކުރާކަމެކެވެ.

ވައި ނުސާފުވުމުގެ ސަބަބުން ބަނޑުގައި އޮންނަ ދަރިފުޅަށް އަސަރުކުރާ މިންވަރު ބައެއް ކަންތައްތަކުގެ ސަބަބު ތަފާތެވެ. އެގޮތުން ދަރިފުޅު ވައި ނުސާފުވެފައިވާ މިންވަރަށް ހުށައެޅިފައިވާ މިންވަރާއި، އެ ސަރަހައްދެއްގައި ވައި ނުސާފުވެފައިވާ މިންވަރާއި، އެތަނެއްގައި ހޭދަކޮށްފައިވާ ވަގުތައް ބިނާވެއެވެ.

advertisement

ގޭތެރޭގައާއި އަދި ގެއިން ބޭރުގައިވެސް ވައި ނުސާފުވާ ކަހަލަ ކަންތައްތަކާއި ދިމާވެދާނެއެވެ. އޭގެތެރޭގައި:

• ބޭރުތެރޭގައި ވައި ނުސާފުވުމުން ފޮގް އުފެދިފައިވުން
• ބޭރުތެރެއާއި އަދި ގޭތެރޭގައިވެސް އަދިފާނުގެ ދުން، ނުވަތަ ސިނގިރޭޓުގެ ދުން އައުން
• ސިނާއީ މަސައްކަތްތައް ކުރުމުގެ ސަބަބުން އަންނަ ނުސާފުކަމާއި ކެމިކަލްގެ ސަބަބުން ވައި ނުސާފުވުން
• ގޭތެރޭގައި ބޭނުންކުރާ ބައެއް ކެމިކަލްތައް (ފާރުގައިލާ ކުލަ، ފާހަނާ ސާފުކުރާ ކެމިކަލް)

މިކަމުގެ ސަބަބުން ދިމާވާ މައްސަލަތަކުގެ ތެރޭގައި:

• ދުވަސް ނުފުރާ ވިހެއުން
• ވިހާއިރު ދަރިފުޅު މަރުވެފައި އޮތުން (ސްޓިލް ބަރތް)
• ދަރިފުޅުގެ ބަރުދަން އެކަށީގެންވާ ވަރަށް ދަށްވުން
• މަންމަ އަށް ސިއްހީ މައްސަލަތައް ދިމާވުން، މިސާލަކަށް، ލޭ މައްޗަށް ދިޔުން
• ދަރިފުޅު ފުއްޕާމޭ ހެދިބޮޑުވުމުގައި މައްސަލަ ހުރުން

ވައި ނުސާފުވުމުގެ ސަބަބުން މާބަނޑު މީހުންގެ ބަނޑުގައިވާ ދަރިފުޅަށް އަސަރުކުރާކަމަށް ދިރާސާތަކުން ދައްކާއިރު މިކަންކަމަކީ ބައެއް އަންހެނުންނަށް ދިމާވާ ހާލަތެކެވެ. އެހެންކަމުން ރަނގަޅު ގޮތަކީ މާބަނޑު ދުވަސްވަރުގައި ވައި ނުސާފުވުމާއި ތަފާތު ކެމިކަލްތަކާއި ދުރުވުމެވެ.

އަދި ގޭގައި ފަޔަރ ޑިޓެކްޓަރ ބޭންދުމާއި، މާސްކް އެޅުމާއި، ގޭގައި ވައި ސާފް ކުރާ ފިލްޓަރ ހަރުކުރުމާއި، އަލިފާން ރޯވާ ތަންތަނުން ނުތިބުން މުހިއްމެވެ.