ޚަބަރު

ގްރޭޑް 8 ގެ ފަހުން ކަސްރަތު މުހިއްމު ނުވަނީތަ؟

29 ޑިސެމްބަރ 2021 - 17:36

ސްކޫލުތަކުގައި ޕ.އީ ގަޑީ ގައި ގެންދެވޭ ހަރަކާތް ތަކަކީ ދަރިވަރުންގެ ހެދިބޮޑުވުމަށް ވަރަށް މުހިއްމު ހަރަކާތްތަކެވެ. އެ ހަރަކާތްތަކާއި ތަމްރީންތަކުން ކުދިންނަށް ކަންކަމުގައި އިސްނަގައި, އެކުގައި މަސައްކަތް ކުރަންދަސްވެ, އެ ކުދިންގެ ވިސްނުމުގައި ގެންގުޅޭ އުކުޅުތައް ފުޅާވެގެންދެއެވެ.

advertisement

ސަބަބަކީ, އެ ފަދަ ކުޅިވަރުތަށް ކުޅެމުންދާއިރު, ވަކި ލަނޑުދަނޑި އެއް ހާސިލް ކުރަން, ވަށާއިގެން ވަމުންދާކަންކަން ތަހްލީލްކޮށް, މުހިއްމު ނިންމުންތަށް ނިންމަން ދަސްވެއެވެ. އަދި އެ ކުދިންނާއި އެހެން ކުދިންގެ ޕާފޯމަންސް އަޅާކިޔާ އިތުރަށް ރަނގަޅު ކުރުމުގެ ސަގާފަތެއް ކުދިންގެ މެދުގައި އުފެދި, ދުޅަހެޔު އަދި ‘އެކްޓިވް ލައިފްސްޓައިލް’ އަށް ލޯބި އުފެދެއެވެ.

ޕީ.އީ އަކީ ކުދިން ނަފްސަނީ އަދި ޖިސްމާނީ ދުޅަހެޔޮކަން އިރުރުކޮށްދޭ ކަމަކަށްވާއިރު, އެ ކުދިން އެފަދަ ކަންކަމަށް އެއްމެ ބޭނުންވާ އެއް އުމުރުގައި އެފަދަ ހަރަކާތްތަށް ހުއްޓާލުމަކީ އެއްމެ ރަނގަޅު ގޮތްތޯ އަޅުގަނޑުމެން ވިސްނާލަންޖެހެއެވެ.

ކުޅިވަރާއި ކަސްރަތުގެ ބައި ގްރޭޑް 9 އަކުން ފެށިގެން ސިލަބަހުން ނެގުމުން ކުދިންނަށް ދޭހަވަ ކަމަކީ، ކަސްރަތަކީ ކުޑަކުދިންނަށް އޮންނަން ޖެހޭ ކަމެއް ކަމަށް އެކަންޏެވެ. ނުވަތަ އެ ކުދިން ކިޔަވާ އެހެން މާއްދާތަކާ އަޅާ ބަލާއިރު ކަސްރަތު އެހާ މުހިއްމު ނޫން ކަމެވެ.

ރިއެކްޝަންސް
0
0
2
2
2
0
0