ނޭވާހިއްލާމީހުން ޢާއްމުގޮތެއްގައި ފަތިހު ނޭވަޔަށް އުދަނގޫވާލެއް ބޮޑުވަނީ ކީއްވެ؟

ނޭވާހިއްލާ މީހުންނަށް ފަތިސްގަޑީގައި ނޭވާއަށް އުނދަގޫވާމިންވަރު އިތުރުކަމަށް ދިރާސާއަކުން ދައްކައިފިއެވެ.

ހާރވާޑް މެޑިކަލް ސްކޫލްއިން ކޮށްފައިވާ މި ދިރާސާއިން ދައްކާގޮތުގައި އެމެރިކާގައި 20 މިލިއަން މީހުންގެ ނޭވާހިއްލުމުގެ ބަލި ހުރެއެވެ. މީގެތެރެއިން %75 މީހުންނަށް ރޭގަނޑު ވަކިން ޚާއްސަކޮށް ފަތިސްގަޑީގައި ނޭވާއަށް އުނދަގޫވާކަމަށް ވަނީ ރިޕޯޓްކޮށްފައެވެ. މި ދިރާސާއިން ދައްކާގޮތުގައި އެވަގުތުގައި އާންމުގޮތެއްގައި ނޭވާއަށް އުނދަގޫވާ މިންވަރު އިތުރުވަނީ އެއީ އާންމުކޮށްވެސް ފުއްޕާމޭގެ މަސައްކަތްތައް ދަށްވާ ވަގުތަކަށްވާތީއެވެ.

advertisement

އުމުރުން ދުވަސްވީ މީހުންނަށް ވުރެން ޅައުމުރުގެ މީހުނަށް ނޭވާލުމުގެ ސަބަބުން ފުރާނައަށް ނުރަށްކާވާ މިންވަރު ބޮޑެވެ. ވައި ތަގައްޔަރު ވުން ނުވަތަ ދުން ހަށިގަނޑުގެ ތެރެއަށް ދިޔުމުން ނޭވާ ހިއްލުން ހުންނަމަ އޭގެ އަސަރު ބޮޑުވެ އެވެ. ރަނގަޅު ޑައަޓެއް ނުގެންގުޅުމުން ވެސް މީހާގެ ނޭވާ ހިއްލުމަށް އަސަރު ކުރާ ކަމަށް ފަހުގެ ދިރާސާ ތަކުން ދައްކަ އެވެ. 

ފިނި ކާ އެއްޗެހި، ލޮނުމެދު، އައިސް ކްރީމް ނުވަތަ ލެކްޓޯސް ހިމެނޭ ކިރު ފަދަ އެއްޗެހި ބޭނުން ކުރުމުން ނޭވާހިއްލުން ފަދަ ކަންކަން ދިމާވެއެވެ. އަދި، ސޯޑިއަމް ފަދަ މާއްދަ އެކުލެވޭ ބަންދު ކޮށްފައިވާ ކާތަކެއްޗާއި، ޖަންކް ފުޑް ފަދަ ތަކެތި ބޭނުން ކުރުމުން ވެސް ނޭވާހިއްލުން ދިމާވެދާނެއެވެ. ނޭވާ ހިއްލުން ނުވަތަ އެސްތުމާއަކީ ބިރުގަންނަން ޖެހޭ ބައްޔެއް ނޫންކަމަށް ޑޮކްޓަރުން ބުނެއެވެ. މިބަލީގެ ފަރުވާއެއްގެ ގޮތުން އިންހެލާއާއި ގުޅަބޭސް ބޭނުންކުރެވިދާނެކަމަށްވެސް ޑޮކްޓަރުން ބުނެއެވެ.