ސްޓޭޖް ބިރު ކެނޑުވުމަށް މިކަންކަން ކުރެވިދާނެ

ސްޓޭޖަކަށް އަރާ ވާހަކަދައްކަން ޖެހުމަކީ ވަރަށް ގިނަ މީހުން ބިރުގަންނަ ކަމެކެވެ. ކިތަންމެ ފަހަރަކު ސްޓޭޖަށް އަރައި ވާހަކަދައްކަން ޖެހުނަސް ބައެއް މީހުންނަށް އަދިވެސް މިބިރު ކަނޑުވާލެވިފައެއް ނުވެއެވެ. ސްޓޭޖްމައްޗަށް އަރައި ވާހަކަދައްކަން ބިރުގަންނަނަމަ މި ހިމަނާލަނީ އެބިރު ކުޑަކުރުމަށް ކުރެވިދާނެ ބައެއް ކަންތައްތަކެވެ.

ރަނގަޅަށް ތައްޔާރުވުން

advertisement

ރަނގަޅަށް އެ ވާހަކަދައްކަން ޖެހޭ ކަމަކަށް ތައްޔާރުވުމަކީ އަމިއްލަ ނަފްސާއިމެދު އޮންނަ އިތުބާރު ބޮޑުވާނެކަމެކެވެ. އެ އިތުބާރު ބޮޑުވިވަރަކަށް ބިރު ކެނޑޭނެއެވެ. އެހެންކަމުން ކުރީބައިގައި ދުރާލާ ތައްޔާރުވުމަކީ ސްޓޭޖްބިރު ކެނޑޭނެކަމެކެވެ. ގިނަަފަހަރު ބިރުގަންނަނީ އެންމެ އެކަށީގެންވާ ގޮތެއްގައި ތައްޔާރުނުވެ އަރަންޖެހޭތީއެވެ.

ތިމާއަށް ވާނެކަމަށް ގަބޫލުކުރުން

ނުވާނެކަމަށް ނިންމާ ތިމާއަކީ ދަށް މީހެއްކަމަށް ގަބޫލުކުރާނަމަ ގަންނަ ބިރު މާބޮޑުވާނެއެވެ. އެހެންނަމަވެސް އަމިއްލަ ނަފްސް އެކަމަށް ގާބިލްކަމަށް ގަބޫލުކުރާށެވެ.

ރޯލް މޮޑެއްއެއް ނެގުން

މަޝްހޫރު މީހަކު ރޯލް މޮޑެލްއެއްގެ ގޮތުގައި ނަގާށެވެ. އަދި އެމީހަކު ސްޓޭޖްމަތީގައި ވާހަކަދައްކާގޮތް ބަލައި ހަޑިގަނޑުގެ މޫމަންޓްސްތައް ގެންގުޅޭގޮތް ބަލައި ދިރާސާކުރާށެވެ. މިއީވެސް ސްޓޭޖް ބިރު ކެނޑުވުމަށް ކުރެވިދާނެކަމެކެވެ.

އަބަދުވެސް ދަސްކުރޭ

ސްޓޭޖް ބިރު ކެނޑުވުމަށް ކުރެވިދާނެ ކަންކަމާއި ގުޅޭގޮތުން ލިޔެފައި ހުންނަ ލިޔުންތައް ކިޔައި ދިރަސާކުރާށެވެ. މިއީވެސް އެހީތެރިވެދޭނެކަމެކެވެ.

މާހައުލު ތިމާ ކޮންފަޓަބަލްވޭ

ސްޓޭޖްއަށް އަރއި ވާހަކަދައްކަން ޖެހުމުން އެ މާހައުލަކީ ތިމާއަށް ކޮންޕަޓަބަލް ތަނަކަށް ހަދާށެވެ. މިސާލަށް ކައިރީގައި ފެންތައްޓެއް ބައިންދަން ބޭނުންނަމަ ނުވަތަ އިށީންނަން ބޭނުންނަމަވެސް އެވާހަކަ ބުނާށެވެ.

މީހާ ހަމަޖެހިލާ

ސްޓޭޖަށް އެރުމުގެ ކުރިން މީހާ ރަނގަޅަށް ހަމަޖެހިލުމަކީވެސް ބިރު ކެނޑުވުމަށް ކުރެވިދާނެކަމެކެވެ. މިސާލަކަށް ބިރުގަނެ ހާސްވާނަމަ ކުރެވިދާނެ ބްރީތިންގ އެކްސަސައިޒްވެސް ހުރެއެވެ. މިކަހަލަ ކަމެއްވެސް ކޮށްލެވިދާނެއެވެ.