އޭޑީއެޗްޑީ އަލާމާތް ހުންނަ ނަމަ ޑޮކްޓަރަށް ނުދައްކާ ނުހުންނާތި

އަންޓްރީޑެޓް އެޓެންޝަން ޑެފިސިޓް ހައިޕަރ އެކްޓިވް ޑިސްއޯޑަރ (އޭޑީއެޗްޑީ) އަކީ ކަންކަމަށް އެޓެންޝަންދޭ އުދަގޫވާ ކަމެކެވެ. އޭޑީއެޗްޑީގެ ސަބަބުން މީހާގެ ގައިގައި ވަރުނެތް ކަމުގެ އިހްސާސް ކުރެވެއެވެ.

ދިރާސާތަކުން ދައްކާގޮތުގައި އެމެރިކާގައި %8.4 ކުޑަކުދިން އަދި %2.5 ބޮޑެތިމީހުންގެ އޭޑީއެޗްޑީ ހުރެއެވެ. އަދި ކުޑަކުދިން އޭޑީއެޗްޑީއަށް ހުށައެޅެނީ 3 އަހަރަށްވުރެވެސް ހަގުއިރުއެވެ.

advertisement

ކުޑަކުދިންގެ ކިބައިން ފެނިދާނެ ބައެއް އޭޑީއެޗްޑީ އަލާމާތްތައް:

• ދުވާލުގެ ވަގުތުގައި ކަމަކަށް މާބޮޑަށް ގެއްލިފައި ހުރުން ނުވަތަ ޑޭ ޑްރީމިންގ
• ކަމަކަށް ފޯކަސް ކުރަން އުނދަގޫވުން
• ކެއަރލެސް މިސްޓޭކް ހެދުން
• އެހެންމީހުން ވާހަކަދައްކާއިރު ޝައުިގުވެރިކަން ނުދިނުން
• ކަންކަން މެނޭޖްކުރަން ނުވަތަ އޮގަނައިޒްކުރަން އުނދަގޫވުން
• ކޮންމެހެން ކުރަންޖެހޭ ކަންކަން ހަނދާންނެތުން ނުވަތަ ނުކޮށް ދޫކޮށްލުން
• އިރުޝާދަށް ބޯލަނބަން އުނދަގޫވުން
• ރިސްކީ ކަންކަން ކުރުން

އޭޑީއެޗްޑީ ހުންނަ ބޮޑުމީހެއްގެ ކިބައިންވެސް މިއީ އާންމުކޮށް ފެނިދާނެ އަލާމާތްތަކެވެ. އެހެންނަމަވެސް އެކި މީހުންގެ ކިބައިން ފެންނަ އަލާމާތްތައް ތަފާތު ވާނެއެވެ. އޭޑީއެޗްޑީ ހުންނަ މީހަކަށް ދިމާވެދާނެ އެހެން ބައެއް ކަންކަމުގެ ތެރޭގައި:

• އަޑުއެހުމަށް އުނދަގޫވުން
• ޑިޕްރެޝަން
• ކަންކަން ދަސްކުރުމަށް އުނދަގޫވުން
• ނިދަން އުނދަގޫވުން

އޭޑީއެޗްޑީ ހުންނަ މީހަކަށް ކައުންސިލިން ހޯދިދާނެއެވެ. ކުޑަކުއްޖަކަށްނަމަ މިކަންކަންވެސް ކޮށްލެވިދާނެއެވެ.

• ކުރަންޖެހޭ ކަންކަން ލިޔެފައި ބެހެއްޓުން
• ބޮޑެތި ކަންކަން އެކިއެކި ޓާސްކް ތަކަށް ބަހާލުން
• ސްކޫލް އެއްޗިއްސާއި ކުޅޭއެއްޗެހި ފަދަ ތަކެތި އޮގަނައިޒްކޮށްފައި ބެހެއްޓުން
• ކަމެއް ހާސިލްވުމުން އެކަން ފާހަގަކުރުން