މުޖުތަމައު އިން ބާކީ ކޮށްފައި ހުންނަހެން ހީވޭތާ؟

މުޖްތަމައުގެ ތެރޭގައި ބައެއް ފަހަރު ބައެއް މީހުން ބަލައިނުގަންނަ ފަހަރު އާދެއެވެ. ވަރަށް ގިނަ ސަބަބުތަކާއިހެދި މުޖްތަމައުން ނުވަތަ ގުރޫޕްއެއްގެ ތެރޭގައި މީހުން ބާކިކޮށްލައެވެ. މިފަދަ ބައެއް ސަބަބުތަކުގެ ތެރޭގައި އެމީހަކު ގަބޫލުކުރާ ގޮތެއްގެ ސަބަބުން، ނުކުޅެދުންތެރިކަމެއްގެ ސަބަބުން، މާލީ ތަނަވަސްކަން ހުންނަގޮތުން، ނުވަތަ ދީނީ ގޮތުންވިއަސް ބައެއް ފަހަރު މުޖްތަމައުގައި މީހުން ބާކީކުރާތަން ފެނެއެވެ.

މިއަދު މުޖްތަމައުގައި އަދި ސްކޫލްތަކުގައިވެސް މިކަން ވަނީ ވަރަށް ބޮޑުވެފައެވެ. މުޖްތަމައުގެ ތެރޭގައި ނުވަތަ ގްރޫޕެެއްގެ ތެރޭގައި އެ ކުއްޖަކު ނުވަތަ މީހަކު އަޅާ ހެދުމެއްގެ ގޮތުން ނުވަތަ އަޑުއަހާ މިއުޒިކެއްގެ ސަބަބުން ވިއަސް ބާކީކޮށްލާފަހަރު އާދެއެވެ.

advertisement

ނަމަވެސް މިއީ ވަރަށް ބޮޑު މައްސަލައެކެވެ. އިންސާނަކަށްވީތީ ކޮންމެ މީހަކީވެސް މުޖްތަމައުގައި ބަލައިގަނެފައިވާ މީހެއް އަދި މުޖްތަމައުގެ ކަންކަމުގައި ބައިވެރިކުރާ މީހަކަށް ވާންޖެހެއެވެ. މުޖްތަމައުން އެމީހަކު ބާކީކުރާނަމަ އެކަމުގެ ނޭދެވޭ  އަސަރު އެމީހަކަށް ވަރަށް ބޮޑަށް ކުރެއެވެ. އެގޮތުން ބަލާއިރު މީހާ މާބޮޑަށް އެކަނިވެރިވުމާއި، ޑިޕްރެޝަންއަށް ދިއުމާއި، ވެލްބީންއަށްވެސް މިކަމުގެ ސަބަބުން އަސަރުކުރެއެވެ.

ކޮންމެ މީހަކީވެސް ހަޔާތުގެ ކޮންމެވެސް ހިސާބެއްގައި މިކަމާއި ކުރިމަތިލާންޖެހިފައިވާނެ މީހެކެވެ. މުޖްތަމައު ކޮންމެވެސް ގޮތެއްގައި އެމީހަކު ބަލައިގަތުމަށް ދެކޮޅު ވެފައިވާނެ މީހެކެވެ. މިފަދަ ކަމެއް ދިމާވެއްޖެނަމަ މިކަންތައްތަކަށް ވިސްނާލާށެވެ.

• ކޮންމެވެސް ހުނަރެއް ހުންނާނެ

މުޖްތަމައުގައި އެމީހަކު ބާކީކޮށްލި ނަމަވެސް ތިމާއަކީ ބޭކާރު މީހެއްކަމަށް ގަބޫލު ނުކުރާށެވެ. ތިމާގެ ދިރިއުޅުމުގައި މަޤްސަދެއް ވާނެއެވެ ތިމާއަކީ މުޖްތަމައުއަށް ބޭނުންތެރި ކޮންމެވެސް ހުނަރެއް ނުވަތަ ކަމެއް ހުންނާނެ މީހެކެވެ.

• މުޖްތަމައު ބަލައިގަތުމަކީ ހުރިހައި ކަމެއްނޫން

ރައްޓެހިންގެ ތެރެއިންވިއަސް ނުވަތަ އޮފީސް މާހައުލުގައިވިއަސް ވަކި ގްރޫޕަކަށް ތިމާ ޕިޓްވުމަކީ ކޮންމެހެން ކުރަންޖެހޭ ކަމެއްނޫނެވެ. އެކަމަށް އަޅައިނުލާ ދިރިއުޅުމައިގެން ކުރިއަށްދާށެވެ. އުފާވެރިކަން ލިބޭނެއެވެ.

• މުހިންމީ ގިނަ ރަހުމަތްތެރިން ތިބުމެއްނޫން

ބައެއް މީހުންނަށް ވިސްނިފައި އޮންނަނީ ރަހުމަތްތެރިން ގިނަވުމަކީ އެންމެ މޮޅު ގޮތް ކަމަށެވެ. ނަމަވެސް މިއީ ކުށްހީއެކެވެ. ބޭނުމަކީ ރަހުމަތްތެރިން ގިނަވުމެއް ނޫނެވެ. މަދު ރަހުމަތްތެރިންތަކެއް ތިބިނަމަވެސް އެއީ ރަނގަޅު ބަޔަކަށް ވުން މާ މުހިންމެވެ.