ތުރުތުރު އަޅާ ބަލީގެ އަލާމާތްތައް ލަސްކުރުމަށް ގިނަގިނައިން ހިނގާ

ޕާކިންސަންސް ޑިޒީޒްއަކީ ބްރެއިން ޑިސްއޯޑަރއެކެވެ. މި ބަލީގެ ސަބަބުން މީހާ ތުރުތުރުއަޅައި، ހިނގަންއުނދަގޫވެ މީހާ ބެލެންސްކުރަން އުނދަގޫވެއެވެ. އަދި ބަލީގައި ބޮޑުވަރުވާއިރު މީހާއަށް ވާހަކަދައްކަންވެސް އުނދަގޫވާ ފަހަރު އާދެއެވެ.

މިއީ ވަރަށް ގިނަ މީހުންނަށް ދިމާވާ މައްސަލައެކެވެ. މުޅި ދުނިޔެއިން ބަލާއިރު މި ބަލި ޖެހިފައިވާ މީހުންގެ ތެެރޭގައި 10 މިލިއަން މީހުންނަކީ އުމުރުން 60 އަހަރުން މަތީގެ މީހުންނެވެ. ނަމަވެސް މިއީ ހަމައެކަނި އުމުރުން ދުވަސްވީ މީހުންނަށް ޖެހޭ ބައްޔެެއް ނޫނެވެ. ބަލި ޖެހިފައިވާ ކޮންމެ 10 މީހަކުން 1 އަކީ އުމުރުން 50 އަހަރުން ދަށްމީހެކެވެ.

advertisement

މި ބަލީގެ ބައެއް އަލާމާތްތައް:

• އަތާއި ފައި ތުރުތުރުއެޅުން
• ހަރަކާތްކުރަން އުނދަގޫވުން
• ހިންގާއިރު ނުވަތަ ކޮށްޅަށް ހުންނައިރު ބެލެންސް ކެޓުން.

މި ބަލި ޖެހެން މެދުވެރިވާ ސަބަބެއް ހޯދިފައެއް ނުވެއެވެ. ނަމަވެސް މާހިރުން ލަފާކުރާ ގޮތުގައި މި ބަލި ޖެހެން މެދުވެރިވާ ސަބަބަކަށް ޖެނެޓިން އަދި މާހައުލު ވެދާނެއެވެ.

މި ބައްޔަށް އޮތް އެންމެ ރަނގަޅު ފަރުވާއެއްކަމަށް ހޯދުންތަކުން ދައްކަނީ ގަވައިދުން ކަސްރަތުކުރުމެވެ. ގަވައިދުން ކަސްރަތުކުރަނަމަ ބެެލެންސް ކުރުމާއި އަދި ހިނގުމަށް އެހީތެރިވެދެއެވެ. ގަވައިދުން ކަސްރަތުކުރާނަމަ ދުރު މުސްތަޤްބަލަށްވެސް މިކަމުގެ ފައިދާ ކުރާނެކަމަށް ހޯދުންތަކުން ދައްކައެވެ.

މީގެއިތުރުން މަސައްކަތް ކުރުމަކީވެސް މި ބަލި ސަލާމަތްވުމަށް ކުރެވިދާނެ ކަމެކެވެ. ގޭތެރޭގެ އަދި އެނޫންވެސް މަސައްކަތްތަކުގައި ޝާމިލްވެ އުޅުމަކީ މީހާގެ ހަށިގަނޑަށް ކަސްރަތު ލިއްބައިދޭނެކަމެކެވެ.