ސެކަންޑް ހޭންޑް އެއްޗެހި ގަތުމަށް ބައެއް މީހުން ލަދު ގަންނަނީ ކީއްވެ؟

ސެކަންޑް ހޭންޑް އެއްޗެހި ގަތުމަކީ ތަކެތި ވޭސްޓް ކުރުމާއި ހަރަދުކުޑަކުރުމަށް ކުރެވިދާނެ އެޅިދާނެ މުހިއްމު އެއް ފިޔަވަޅެއެވެ. އާ އަހަރަކާއި ކުރިމަތިލައިގެން ކުރިއަށްދާއިރު، އާ އަހަރުގެ ރިސޮލިއުޝަން ތެރޭގައިވެސް ސެކަންޑް ހޭންޑް އެއްޗެހި ގަތުން ހިމެނިދާނެއެވެ. ރާއްޖޭގައިވެސް މިހާރު ސެކަންޑް ހޭންޑް އެއްޗެހި ގަންނަ މީހުން އެއްދުވަހުން އަނެއް ދުވަހަށް އަންނަނީ އިތުރުވަމުންނެވެ. މި ކަން ދޭހަވެގެން ދަނީ އިންސްޓަގްރާމް އާއި ތަފާތު ސޯޝަލް މީޑިޔާ އެޕްތަކުގައި ސެކަންޑް ހޭންޑް އެއްޗެހި ވިއްކާ މީހުން ގިނަ ވުމެވެ. ސެކަންޑް ހޭންޑް އެއްޗެހި ގަންނަންޖެހޭ ސަބަބުތައް ވަރަށް ގިނައެވެ.

advertisement

 އެންމެ ފަހަރަކު ބޭނުންކޮށްފައިވެސް އެއްޗެއް ހަލާކުނުވިޔަސް ފެނިގެންދަނީ އުކާލެވޭ ތަނެއެވެ. ކިތަންމެ އާ ކަމުގައިވިޔަސް ހެވެއެވެ. އޭގެ ބަދަލުގައި އޭތި ކޮންމެވެސް އެހެން ފަރާތަކަށް ދެވޭނެ ގޮތެއް ހެދުމަކީ މުހިއްމު ކަމެކެއެވެ. އެގޮތުން ބޭނުންކޮށްފައި އުކާލުމުގެ ބަދަލުގައި ސެކަންޑް ހޭންޑް ގުޑްސް ވިއްކާ ބަޔަކު ހޯދުމަށްފަހު، އެ ބަޔަކަށް ވިއްކާލުން މުހިއްމެވެ. އޭރުން ތިމާއަށްވެސް އޭގެއިން ކޮންމެވެސް އިތުރު އެއްޗެއް ލިބިފައި އަދި އެހެން މީހަކަށްވެސް އެ ހެޔޮ އަގުގައި ގަންނާނެ ފުރުސަތު ލިބިގެން ދިޔައީއެވެ.

އަބަދުވެސް އަހަރެމެންނަށް ބޮޑެތިވަމުން އަންނަ ކުދިންނަށް މި ދެއްކެނީ އިސްރާފު ކުރެވޭ ތަނެއެވެ. ސޭވް ކުރުމުގެ ރީތީ އާދަ ދެއްކޭނެ ތަނެއް ނުފެނެއެވެ. އަބަދުވެސް އެއްޗެއް ބޭނުންވާއިރު، އާ އެއްޗެއް ގަންނަން ފިހާރަތަކާއި ދިމާލަށް ކުދިންގެ އަތުގައި ހިފައިގެން ދެވޭ ތަން އާދެއެވެ. ކުދިންނަށް ސޭވްކުރުމުގެ ރީތި އާދަ ދަސްކޮށްދޭން ބޭނުން ނަމަ، އެ ކުދިންނަށް ސެކަންޑް ހޭންޑް އެއްޗެހި ބޭނުންކުރުމުގެ މުހިއްމު ކަން ވިސްނައިދީ އަދި އެއީ މައްސަލައެއް ނޫންކަން ބުނެދެވިދާނެއެވެ.

ކޮވިޑްގެ މި ހާލަތާއި އެކު ދުނިޔެވެސް އިގްތިސާދީ ބޮޑު ކްރައިސިސްއެއްގެ ތެރޭގައި އޮތް އިރު ހަރަދުތައް ކުޑަކުރުމަށް ކުރެވިދާނެ މުހިއްމު ކަންތައްތަކުގެ ތެރޭގައި ސެކަންޑް ހޭންޑް ތަކެތި ގަތުން އެއީ ކުރެވިދާނެއެވެ.