މާބަނޑު ދުވަސްވަރު ވޭޕް ކުރެވޭނެތަ؟

މިހާރު ސިނިގިރޭޓް ބޯ މީހުންގެ ދެ މެދުގައި އެންމެ އާއްމު އެއްޗަކަށް ވެފައި އޮންނަނީ އީ ސިނގިރޭޓް ނުވަތަ ވޭޕިންގ އެވެ. ވޭޕިންގެ ތެރެއަށް ސިނގިރޭޓް ބޯ ގިނަ މީހުން ވަދެގެންފައި ވަނީ ސިނގިރޭޓް ވިއްކާ އަގުބޮޑުކުރި ހިސާބުންނެވެ. އެ މީހުން ބުނާ ގޮތުން ވޭޕިންގ އަށް ބަދަލުކޮށްލުމުން އަތުން ސިނގިރޭޓް ކުރަންޖެހޭ ހަރަދަށް ވުރެ ކުޑަވެގެންދެއެވެ. ނަމަވެސް ދިރާސާތަކުން ދައްކާ ގޮތުގައި ވޭޕިން އަކީ ސިނގިރޭޓް އަށް ވުރެވެސް ނުރައްކާތެރި އެއްޗެކެއެވެ. ހާއްސަކޮށް މާ ބަނޑު މީހުންނަށް މީގެ ނުރައްކާ ބޮޑެއެވެ.

މާ ބަނޑު ދުވަސްވަރު ވޭޕް ކުރުމަކީ ރައްކާތެރި ކަމެއް ނޫނެއެވެ. ވޭޕްގައި ހިމެނޭ ނިކޮޓިންގެ ސަބަބުން ކުއްޖާގެ ސިކުނޑި އުފެދި ބޮޑުވުމަށް ހުރަސްއަޅައި، އެހެނިހެން ގުނަވަންތައް އެއްކޮށް މުޅި އުމުރަށް ހަލާކުކޮށްލައެވެ. އެހެންކަމުން މާ ބަނޑު ދުވަސްވަރު ވޭޕް ކުރުމަކީ ވަރަށް ނުރައްކާތެރި ކަމެކެއެވެ. މީގެ އިތުރުން ވޭޕްގައި ހިމެނޭ ފްލެވަރިންގ އަކީވެސް ކުއްޖާއަށް ރައްކާތެރި އެއްޗެއް ނޫނެއެވެ.

advertisement

މާ ބަނޑު ދުވަސްވަރު ސިނގިރޭޓް ބުއިން ހުއްޓާލުމަކީ ބަނޑުގައި އޮންނަ ދަރިފުޅަށް އެންމެ ރައްކާތެރި ގޮތެއެވެ. މާ ބަނޑު ވުމުން އެކަން އިގޭ ހިސާބުން ހުއްޓާލުމަކީ އެންމެ ރައްކާތެރިގޮތެއެވެ. އެކަމަކު އެންމެ ރައްކާތެރި އަދި އެންމެ ފާއިދާ ބޮޑު ގޮތަކީ މާ ބަނޑުވުމުގެ 15 ހަފްތާ ކުރިން ސިނގިރޭޓް ބުއިން ހުއްޓާލުމެވެ.