ބުރަކޮށް ވަޒީފާގައި އުޅެން ޖެހުނަސް ރަނގަޅު ސިއްހަތެއްގައި ހުރެވިދާނެ!

ގިނައިރު ވަޒީފާ އަދާކުރާ މީހުންގެ އެންމެ ބޮޑު ޝަކުވާއަކަށް ވެފައި އޮންނަނީ ރީތި ޝޭޕަކަށް އަދި ރަނގަޅު ސިއްހަތެއްގައި ނުހުރެވޭ ވާހަކައެވެ. މަސައްކަތުގައި ބުރަކޮށް އުޅެން ޖެހުމުގެ ސަބަބުން ކަސްރަތަށް ވަގުތު ހުސްނުކުރެވޭ ވާހަކައެވެ. ވަރުބަލިވެފައި ހުރުމުގެ ސަބަބުން ކަސްރަތައް ދާނެހާ ހިތްވަރެއް ނުހުންނަ ވާހަކައެވެ. މިއީ ހައްތާހާވެސް ގިނައިރު ވަޒީފާގައި ތިބޭ މީހުން އެ މީހުންގެ ހަށިގަނޑަށް އަންނަ ބަދަލުތަކާއި ގުޅިގެން ކުރަމުން އަންނަ ޝަކުވާތަކެއެވެ. އެހެންނަމަވެސް އެއްވެސް ކަމަކީ ހައްލެއް ނުހޯދޭނެ ކަންތައްތަކެއް ނޫނެއެވެ. ބޭނުންވަނީ ކަންކުރުމުގެ ޝައުގާއި ހިތްވަރެއެވެ.

މި އާރޓިކަލްގައި ބުރަކޮށް މަސައްކަތް ކުރަމުންވެސް ތިމާގެ ހަށިގަނޑު ރީތި ބައްޓަމަކަށް ބަހައްޓަން ކުރެވިދާނެ ކަންތައްތަކަށް ބަލާލާނަމެވެ.

advertisement

ގަނޑިއަށް ނިދުން އެންމެ މުހިއްމު ކަންތައް؛

ބުރަކޮށް މަސައްކަތް ކުރާ ނަމަ ނިދި ހަމަކުރުމަކީ ވަރަށް މުހިއްމު ކަމެކެއެވެ. އެންމެ މަދުވެގެން ހަތް ގަނޑިއިރުގެ ނިދި ހަމަކުރަން ވާނެއެވެ. އެހެންކަމުން ނިދުމަށް ވަކި ގަނޑިއެއް ކަނޑައެޅުމަށްފަހު އެ ގަނޑީގައި ނިދަން އޮށޯތުމަށް ސަމާލުކަން ދޭން ވާނެއެވެ. ކިތަންމެ ޝައުގުވެރިކަމެއް އޮތް ނަމަވެސް ނިދާ ގަނޑި އަށް ބަދަލުނުގެނެސް އެ ގަނޑިއަށް ނިދަން އޮށޯންނަން ސަމާލުކަން ދޭންވާނެއެވެ.

ވަގުތު ކުޑަ، ފަސޭހަ، ކެލޮރީ ގިނައިން އަންދާލާ ވޯކް އައުޓެއް؛

ގިނައިރު މަސައްކަތް ކުރަންޖެހޭ ނަމަ ބޭނުންވާ ވަރަށް ކަސްރަތު ކުރަން ވަގުތު ނުލިބޭނެއެވެ. އެހެންކަމުން އެ ލިބޭ ކުޑަވަގުތުކޮޅަކީ ވީހާވެސް ބޮޑަށް ފެޓްސް އަންދާލާ ވޯކް އައުޓްއަކަށް ހެދުން މުހިއްމެވެ. އަދި މި ވޯކް އައުޓް ތިމާ އަށް ކުރަން އެންމެ ފަސޭހަ ގަނޑިއެއް ކަނޑައެޅުމަށްފަހު ކުރާށެވެ. އަދި މިއީ ހެބިޓަކަށް ހަދާށެވެ.

 ދުރާލާ ގިނަ ދުވަހަށް ކައްކާލާ، އަދި ސިމްޕަލް ޑައިޓެއް؛

މަސައްކަތުގައި ބުރަކޮށް އުޅޭއިރު، ކޮންމެ ވަގުތަކު ހަށިގަނޑަށް ފާއިދާ ހުރި ރަނގަޅު ކާއެއްޗެއް ތައްޔާރުކޮށްލަން އޮންނާނީ ވަގުތު ނުލިބިފައެވެ. އެހެންކަމުން ދުރާލާ ހަފްތާއަކަށް ވާ ވަރަށް ތައްޔާރުކޮށްލާފައި، ފްރިޖްކޮށްފައި ބެހެއްޓުމުން، އޯވަރ އީޓިން އަދި ސިއްހަތަށް ގެއްލުން ހުރި ކާނާ އާއި ދިމާލަށް ދިޔުން ދުރުހެލިވެގެންދާނެއެވެ.