ދާހިތްލާތަ؟ ސަބަބުތައް މިއޮތީ!

އާންމުގޮތެއްގައި އެންމެންނަކީވެސް ދާލިތްލާ މީހުންނެވެ. ނަމަވެސް މާބޮޑަށް ލާހިތްލާމީހުން ތިބެއެވެ. މާގިނައިން ދާލިތްލުމަށް ކިޔަނީ “ހައިޕަރހައިޑްރޮއިސިސް” އެވެ.

މާބޮޑަށް ދާހިތްލާ ފޭރުން އެކަން ފެންނަން ހުންނަނަމަ އެއީ ވަރަށް ލަތުވެތި ކަމެކެވެ. އާންމުގޮތެއްގައި ދާހިތްލާ ސަރަހައްދުތަކުގެ ތެރޭގައި:

advertisement

• އަތް
• ފައި
• ކިހިލިފަތް
• މޫނު
• މޭމަތި
• ބުރަކަށި

އާންމުކޮށް މީހަކު ދާހިތްލާ މިންވަރާއި އަޅާއިތުރަށް ދާހިތްލުމުގެ ސަބަބުތަކެއް ހުރެދާނެއެވެ. އޭގެތެރޭގައި:

• ކަސްރަތުކުރުން

ކަސްރަތުކުރުމުގެ ސަބަބުން ހިތުގެ ތެޅުން މަތިވެ، ހަށިގަނޑުގެ ޓެންޕަރޭޗަރ އިތުރުވެއެވެ. މީގެސަބަބުން ދާލިތްލާ މިންވަރު އިތުރުވެއެވެ. ހޯދުންތަކުން ދައްކާގޮތުގައި ކަސްރަތުކުރުމުގެ ސަބަބުން މީހެއްގެ ހަށިގަނޑުން 2 ލީޓަރުގެ ޕްލުއިޑް ދަލުގެ ގޮތުގައި ބޭރުވެއެވެ.

• މޫސުން

މޫސުމަށް އަންނަ ބަދަލުތަކަކީވެސް ލާހިތްލުމަށް މަގުފައިވާ ކަންކަމެވެ. އެގޮތުން ހޫނުމޫސުމުގައި ދާހިތްލާ މިންވަރު އިތުރުވެއެވެ.

• މަސްތުވާތަކެތި ބޭނުންކުރުން

މަސްތުވާތަކެތީގެ ކިތަންމެ ކުޑަ މިންވަރެއް ބޭނުންކުރިނަމަވެސް ދާހިތްލާ މިންވަރު އިތުރުވެއެވެ. މީގެސަބަބަކީ މަސްތުވާތަކެތީގެ ސަބަބުން ހިތުގެ ތެޅުން އަވަސްވެ، ލޭނާރަށް އަންނަ ބަދަލުތަކުގެ ސަބަބުން ދާހިތްލާ މިންވަރު އިތުރުވެއެވެ.

• ބޭނުންކުރާ ބައެއް ބޭސްތައް

ބޭނުންކުރާ ބައެއް ބޭސްތަކުގެ ސަބަބުންވެސް މީހާ ދާހިތްލާ މިންވަރު އިތުރުވެއެވެ. އޭގެތެރޭގައި ޑިޕްރެޝަންއަށް ބޭނުންކުރާ ބޭސްތަކާއި، ބްލަޑް ޕްރެޝަރ އަދި ހަކުރު ބައްޔަށްކާ ބޭސްތައް ހިމެނެއެވެ.

• އެންޒައިޓީ

ސްޓްރެސް ހޯމޯންގެ ސަބަބުން މީހާ ދާހިތްލާ މިންވަރު އިތުރުވެއެވެ. މީގެސަބަބުން ހިތުގެ ތެޅުމާއި، ބްލަޑް ޕްރެޝަރާއި، ހަށިގަނޑުގެ ޓެންޕަރޭޗަރ އިތުރުވެއެވެ. މިއީ ދާހިތްލަން މެދުވެރިވާ ސަބަބުތަކެކެވެ.

• ހުންއައުން

ހުންއައުމުން ފުރަތަމަ ދާނުހިއްލި ނަމަވެސް ހުން މަޑުވާން ފެށުމުން ހަށިގަނޑުން ދާހިތްލަން ފަށައެވެ. މީގެ ސަބަބުން ހަށިގަނޑު ހުރި ފިނިހޫނުމިނަށް ބަދަލުވާން ފެށުމެވެ.

• ކެފެއިން އަދި ކުޅި އެއްޗެހި ކެއުން

ކާއެއްޗެހީގެ ސަބަބުންވެސް މީހާގެ ހަށިގަނޑު ދާހިތްލާ މިންވަރު އިތުރުވެއެވެ. އެގޮތުން މާކުޅިއެއްޗެހި ކެއުމަކީ ދާހިތްލާކަމެކެވެ. އަދި ކޮފީފަދަ ކެފެއިން ހުންނަ ބުއިންތައް ބޭނުންކުރުމަކީވެސް ދާހިތްލާކަމެކެވެ.