ހޫނުސައިން ގިނަ ފައިދާތަކެއް

ސަޔަކީ ކޮންމެ ދުވަހެއްގެ ބުއިމުގައި އަހަރެެމެން ވަރަށް ގިނައިން ބޭނުންކުރާ އެއްޗެކެވެ. ސައިތައްޓަކާއި ނުލައި ގިނަ މީހުންގެ ދުވަސް ފުރިހަމަވެސް ނުވެއެވެ. ހެނދުނުގެ ނާސްތާގައިވެސް ގިނަ މީހުންނަށް ސަޔަކީ ކޮންމެހެން ހުންނަންޖެހޭ އެއްޗެކެވެ.
ދިރާސާ އަކުން ދައްކާ ގޮތުގައި ކަޅު ސައި ބޯނަމަ އެންމެ ރަނގަޅީ ހޫނުކޮށް ބުއިމެވެ. ސަބަބަކީ ހޫނުކޮށް ސައި ބުއިމުގެ ސަބަބުން ހަށިގަނޑަށް އެތަކެއ ފައިދާތަކެއް ލިއްބައިދޭތީއެވެ.
ހޫނު ކޮށް ސައި ބޯމީހުންގެ ބަރުދަން ލުއިވާ ކަމަށް ހޯދުންތަކުން ދައްކައެވެ. އަދި ހޫނު ސައި ބޯމީހުންގެ ލޮލުގެ ފެނުން ރަނގަޅުވާ ކަމަށާއި ސްޓްރޯކް އަދި ހާޓް އެޓޭކް ފަދަ ބަލިތައް ޖެހުމުން ދުރުކޮށްދިނުމުގެ އިތުރުން ވިސްނުން ތޫނުކޮށްދޭ ކަމަށް ވެސް ދިރާސާއިން ދައްކައެވެ.
ހޫނު ސަޔަކީ ހަޖަމުގެ މައްސަލަތަކަށް ހައްލު ލިބުމާއި، ދަތް ފަނިކެއުމުން ދުރުކޮށްދިނުމާއި، ލޭގެ ޕްރެސަރު ދައްކޮށްދިނުމާއި، އެންޒައިޓީ އަދި ސްޓްރެސް ވުން ފަދަ ކަންކަމުން ދުރުކޮށްދޭ ކަމަށް ވެސް މި ދިރާސާ ރިޕޯޓުގައި ބުނެފައިވެއެވެ. އަދި ހަށިގަނޑުގެ އެކި ތަންތަނުގައި ޓިއުމަރު އުފެދުމު ފުރުސަތު ކުޑަކޮށްދިނުމާއި ބައެެއް ކަހަލަ ކެންސަރު ޖެހުމުންވެސް ދުރުކޮށްދެއެވެ. އޭގެތެރޭގައި އުރަމަތީގެ ކެންސަރާއި ފުއްޕާމޭގެ ކެންސަރާއި ހަމުގެ ކެންސަރު ހިމެނެއެވެ.
މިހުރިހައި ސަބަބުތަކާއިހުރެ ކޮންމެ ދުވަހަކުވެސް ކެއުމުގައި ސައި ބޭނުންކުރާށެވެ. މިއީ ނުބެއި ދޫކޮށްލާވަރުގެ ބުއިމެއް ނޫނެވެ. ސައިގައި މިހާރު ތަފާތު ޕްލެވަރތައްވެސް ހުރެއެވެ. އެހެންކަމުން އެމީހަކު ބޭނުން ޕްލެވަރއެއްގެ ސަޔެއް އިހްތިޔާރުކުރެވިދާނެއެވެ.

advertisement