މިއަދުގެ ފާހަނގަކޮށްލެވޭ ހަބަރުތައް ކުރުކޮށް

ތިމާވެށީގެ ޕްރޮޖެކްޓްތަކަށް ބީއެމްއެލްއިން ދޫކުރާ ހިލޭ އެހީއަށް އެދުމުގެ ފުރުސަތު މި މަހު 15ގެ ނިޔަލަށް

ތިމާވެށްޓާއި ގުޅުންހުރި ޕްރޮޖެކްޓްތައް ހިންގުމަށް ޖަމިއްޔާތަކަށް އަމާޒުކޮށް ބޭންކް އޮފް މޯލްޑިވްސްއިން ތައާރަފްކުރި ސްމޯލް ގްރާންޓްސްއަށް ހުށަހެޅުމުގެ މުއްދަތު މި މަހުގެ 15 ވަނަ ދުވަހުގެ ނިޔަލަށް ހުޅުވިފައިވާކަމަށް އެ ބޭންކުން ބުނެފި.

advertisement

މި ފަންޑަށް ހުށަހެޅޭ ޕްރޮޖެކްޓް ތަކުގެ ތެރެއިން 8 ޕްރޮޖެކްޓް ހޮވައި ކޮންމެ ޕްރޮޖެކްޓެއް ހިންގުމަށް 250،000 ރުފިޔާގެ ހިލޭ އެހީ ދިނުމަށް ވަނީ ހަމަޖެހިފައި.

ކުޑަކުދިންގެ ޙައްޤުތަކަށް ފުރިހަމައަށް އިޙްތިރާމުކުރުމަށް ރައީސުލްޖުމްހޫރިއްޔާ އިލްތިމާޒްކުރައްވައިފި

ކުޑަކުދިންނަށް ރައްކާތެރިކަމާއި އަމާންކަން ހޯދައިދިނުމަކީ މުޅި މުޖްތަމަޢުގެ ޒިންމާއެއްކަމަށާއި އެގޮތުން ކޮންމެ މީހަކީވެސް ކުޑަކުދިންގެ ޙައްޤުތަކަށް ފުރިހަމައަށް އިޙްތިރާމްކުރާ، އެކުދިންގެ ކަރާމާތާއި ޢިއްފަތްތެރިކަމާއި އަބުރުވެރިކަން ރައްކާތެރިކޮށްދޭ މީހަކަށްވާން ޖެހޭކަމުގައި ރައީސުލްޖުމްހޫރިއްޔާ އިބްރާހީމް މުޙައްމަދު ޞާލިޙް ވިދާޅުވެއްޖެ.

ރައީސުލްޖުމްހޫރިއްޔާ މިހެން ވިދާޅުވީ ދިވެހިރާއްޖޭގެ ކުޑަކުދިންގެ ދުވަހުގެ މުނާސަބަތުގައި މިއަދު ފޮނުއްވި ތަހުނިޔާގެ ޚިޠާބުގައި..

ފާތިހުއާ ގުޅޭގޮތުން ދައްކާ ވާހަކަތައް ފުލުހުން ދޮގުކޮށްފި

2021 މެއި 6 ވަނަ ދުވަހު ރައްޔިތުންގެ މަޖިލީހުގެ ރައީސް، ރައީސް މުޙައްމަދު ނަޝީދަށް އަމާޒުކޮށް ދިން ޓެރަރިސްޓް ހަމަލާއާ ގުޅިގެން ހައްޔަރުކުރި އަޙްމަދު ފާތިހު، މެއި 6 ވަނަ ދުވަހުގެ ހަމަލާ ދިން އިރުވެސް ހުރީ ފުލުހުންގެ ވަޒީފާގައިކަމަށް ބުނެ ފަތުރަމުންދާ ވާހަކަތައް ފުލުހުން ދޮގުކޮށްފި.

އަޙްމަދު ފާތިހު ފުލުހުންގެ ވަޒީފާއާ 2018 ނޮވެމްބަރ 25 ވަނަ ދުވަހު ގުޅުމަށްފަހު، 2021 ފެބްރުއަރީ 3 ވަނަ ދުވަހު އަމިއްލައަށް އެދިގެން ފުލުހުންގެ ވަޒީފާއިން ވަކިވެފައިވާ މީހެއްކަމަށް ފުލުހުން މައުލޫމާތުދެއްވި.

މިއަހަރު ރާއްޖެއަށް 6 ލައްކައަށްވުރެ ގިނަ ފަތުރުވެރިން ޒިޔާރަތްކޮށްފި

އަހަރުގެ މިހާތަނަށް ރާއްޖެއަށް 6 ލައްކައަށް ވުރެ ގިނަ ފަތުރުވެރިން ޒިޔާރަތްކޮށްފައިވާ ކމަށް ޓުއަރިޒަމް މިނިސްޓްރީގެ ތަފާސްހިސާބުތަކުން ދައްކައިފި.

• ޖެނުއަރީމަހު – 131764 ފަތުރުވެރިން
• ފެބްރުއަރީ – 149008 ފަތުރުވެރިން
• މާރޗު – 150739 ފަތުރުވެރިން
• އޭޕްްރީލް – 145279 ފަތުރުވެރިން
• މޭމަހުގެ 8ވަނަ ދުވަހާ ހަމައަށް- 40929 ފަތުރުވެރިން

ހުޅުމާލޭގައި ޢިމާރާތްކުރާ އެސްއެމްއީ ޕާކު ހަދަން ބީސީސީން ބަޔަކު ހޯދަނީ

ބިޒްނަސް ސެންޓަރ ކޯޕަރޭޝަނުން ހުޅުމާލޭގައި ތަރައްޤީކުރާ “އެސްއެމްއީ ޕާކް” ޑިޒައިން އެންޑް ބިލްޑް އުސޫލުން ޢިމާރާތްކޮށްދޭނެ ބަޔަކު ހޯދަން އިއުލާންކޮށްފި.

ހުޅުމާލޭ އެސްއެމްއީ ޕާކް އިމާރާތަކީ 5006 އަކަފޫޓުގެ ބިމެއްގައި ޢިމާރާތްކުރާ ތަނެއް.