ޚަބަރު

އިންޓަވިއުތަކަށް ގޮސް ވަރުބަލިވެއްޖެ، ވަޒީފާއެއް ނުލިބޭ. ހަދާނީ ކިހިނެއް؟

14 މެއި 2022 - 17:45

ވަޒީފާއެއްގެ އިންޓަވިއުއަކަށް ގޮސް އެވަޒީފާއެއް ނުލިބުމަކީ ގިނަ މީހުން ވަރަށް ދެރަވާ ކަމެކެވެ. އެކަމުގެ މާޔޫސްކަމުގައި ވަރަށް ގިނަ ދުވަސް ހޭދަކުރާ ތަންވެސް ފެނިގެންދެއެވެ. ނަމަވެސް އިންޓަވިއުއަކަށް ގޮސް ވަޒީފާ ނުލިބުމަކީ މައްސަލައެއް ނޫނެވެ. އަދި މިފަދަ ހާލަތްތަކުގައި ކަންކަން ކުރެވިދާނެ ރަނގަޅު ގޮްތްތައްވެސް ހުރެއެވެ. އެގޮތުން މި އާޓިކަލްގައި މި ހިމަނާލަނީ ވަޒީފާ ނުލިބުމުން އަމަލުކުރެވިދާނެ ބައެއް ގޮތްތަކަށެވެ.

ކްލެސީކޮށް އެކްޓްކުރުން

ވަޒީފާއެއް ނުލިބުމުން އެކަމުގައި ކްލެސީކޮށް އެކްޓްކުރުމަކީ އެންމެ ބުއްދިވެރިގޮތެވެ. އެތެރެއިން ކިތަންމެ ދެރަވިކަމުގައިވިއަސް ތިއީ ޕްރޮފެޝަނަލް މީހެެއްކަން ހަނދާން ނައްތާނުލާށެވެ. ވަޒީފާ ނުލިބިގެން ފޯނުން ނުވަތަ މެއިލްއަކުން އެކަން އެންގިނަމަވެސް މެނޭޖަރަށްއ ނުވަތަ އެޗްެއާރު އަށް މެއިލް ކުރެވިދާނެއެވެ. އިންޓަވިއުއަށްކީތީ ޝުކުރު އަދާކުރާށެވެ. އަދި މުސްތަގުބަލްގައި އިތުރު ފުރުސަތެއް އޮތްނަމަ އަންގާލަން ބުނާށެވެ. އަދި ތިމާއަކީ އެ ކުންފުންޏަށް ކިހާ ބޭނުންތެރި މީހެއްކަން ބުނެދޭށެވެ.

advertisement

ސުވާލުކުރޭ

އިންޓަވިއު ޕެނަލްގައި ހިމެނޭ މީހަކާއި ސުވާލުކޮށްލެވިދާނެއެވެ. ވަޒީފާއަށް ތިމާ ނުހޮވުނީ ކީތްވެތޯ ނުވަތަ ތިމާއަށްވުރެ އަނެއް ކެނޑިޑޭޓްގެ ހުރީ ކޮންމެ ރަނގަޅު ކަމެއްތޯ ސުވާލުކޮށްލާށެވެ. އެއިރުން ވަޒީފާ ނުލިބުމުން ލިބޭ މާޔޫސްކަމަށް ކޮންމެވެސް ހައްލެއް ލިބޭނެއެވެ. އަދި ކުރިއަށްއޮތް ތަނުގައި ރަނގަޅު ކުރަންވީ ކަންކަން އެނގިގެންދާނެއެވެ.

ގުޅުން ބޭއްވުން

މިފަހަރު ވަޒީފާ ނުލިބުނު ނަމަވެސް ކުންފުނީގެ މީހުންނާއި ގުޅުން ބާއްވާށެވެ. ދޭތެރެއަކުން ވަޒީފާއަކަށް ހުޅުވާލާތޯ ސުވާލުވެސް ކޮށްލެވިދާނެއެވެ. އެއިރުން އެ ކުންފުންޏާއިއެކު ތިބާ މަސައްކަތްކުރަން ބޭނުންވާކަން އެމީހުންނަށް ހާމަވާނެއެވެ.

ބަދަލަކަށް މަސައްކަތް ކުރާ

ވަޒީފާއަށް ތިބާ ނުހޮވުނީ ކީތްވެތޯ އަހާ އޮޅުންފިލުވާށެވެ. އަދި ތިބާގެ ކިބައިގައި މަދުވަނީ ކޮންކަމެއްތޯ ބަލާ ހޯދާށެވެ. އެއީ ތައުލީމު ކަމަށްވާނަމަ އޭރުން އެކަން ހަސިލްކުރެވޭނެއެވެ.

ތަޖުރިބާއިން ދަސްކުރޭ

އިންޓަވިއުއަކަށްގޮސް އެ ވަޒީފާ އަދި ނުލިބުމަކީ އެއީ ބޭކާރު ކަމަކަށް ވުމެއްނޫނެވެ. އިންޓަވިއުގެ ތެރެއިންވެސް ތިމާއަށް ގިނަ ކަންތައްތަކެއް ދަސްވާނެއެވެ. އެހެން އިންޓަވިއުއަކަށް ދާއިރު އެކަންކަމުގެ ބޭނުންވެސް ހިފޭނެއެވެ.

އެހީތެރިކަން ހޯދާ

އިންޓަވިއުއަށް ގޮސްގެންވެސް ތިމާއަށް ވަޒީފާއެއް ނުލިބޭނަމަ އެކަމުގައި ތަޖުރިބާކާރުންގެ އެހީތެރިކަން ހޯދާށެވެ. އިންޓަވިއުގައި ޖަވާބުދޭނެ ގޮތްތަކާއި އަމަލުތައް ބަހައްޓާނެ ގޮތްތައް ހޯދާށެވެ. އަދި ވަޒީފާއަށް އެޕްލައިކުރާ ވަނަވަރު ލިޔެފައިވާ ގޮތައް ބަދަލުގެނެވިދާނެއެވެ. އެއީ ޝައުގުވެރި އެއްޗަކަށް ހެދިދާނެއެވެ. އެއިރުންވެސް ވަޒީފާ ލިބުމަށް އެހީއަކަށް ވެދާނެއެވެ.

ރިއެކްޝަންސް
4
1
4
1
3
1
1