ހިތުގެ ބަލިތަކުގެ އަލާމާތް އަންހެނުންގެ ތަފާތު

ހިތުގެ ބަލިތަކަކީ މިހާރު ވަރަށް އާންމު ބަލިތަކެކެވެ. ހިތުގެ އެކިއެކި ބަލިތަކުގައި ދުނިޔޭގައި ކޮންމެ އަހަރަކުވެސް ގިނަ ބަޔަކު މަރުވެއެވެ. ހިތުގެ ބައެއް ބަލިތަކުގައި އަންހެނުންނާއި ފިރެހެނުންގެ އަލާމާތްތައް ތަފާތެވެ. އެހެންކަމުން މި އާޓިކަލްގައި މި ބަލާލަނީ ހިތުގެ ބައެއް ބަލިތަކުގައި އަންހެނުންނަށް ކުރިމަތިވާ އަލާމާތްތަކަށެވެ. އަލާމާތްތައް ކުރިން އެނގިފައި ހުރުމުގެ ސަބަބުން ބަލި ވުމުގެ ކުރިން އެކަންކަން ދެނެގަންނަން ފަސޭހަވާނެއެވެ.

ހާޓް އެޓޭކްގައި އަންހެނުންނަށް ދިމާވާ އަލާމާތްތައް:

ހާޓް އެޓޭކްގައި އަންހެނުންނާއި އަދި ފިރެހެނުންނަށްވެސް ދިމާވާ އެންމެ ބޮޑު އަލާމާތަކީ މެއަށް ތަދުވުމެވެ. ނަމަވެސް އަންހެނުންނަށް ހާޓް އެޓޭކް ޖެހޭއިރު މެއަށް ތަދުވުމަކީ އެންމެ އާންމު އަލާމާތެއް ނޫނެވެ. ބައެއް ފަހަރު އަންހެނުން މެއަށް ތަދުނުވެވެސް ހާޓް އެޓޭކް ޖެހެއެވެ. އޭގެ ބައެއް އަލާމާތްތަކުގެ ތެރޭގައި ހިމެނެނީ:

advertisement

• ކަރަށް، އަތުގެ މައްޗަށް، އުނަގަނޑަށް، ބަނޑަށް ތަދުވުން
• ނޭވާކުރުވުން
• 2 އަތައް ތަދުވުން
• ހޮޑުލެވުން
• ދާހިތްލުން
• ބޯއެނބުރުން
• ގަޔައް ތަދުވުން ނުވަތަ ވަރުބަލިވުން
• މޭއެންދުން

އަންހެނުންނަށް ދިވާމާ އަލާމާތްތައް ތަފާތުވުމުގެ ސަބަބުން ހާޓް އެޓޭކެް ޖެހުނަސް ބައެެއް ފަހަރު ފިރެހެނުންނަށްވުރެ ބޮޑަށް އަންެހެނުންގެ ނޭންގުމަކީ އެކަށީގެންވާ ކަމެކެވެ.

ޑޮކްޓަރަށް ދައްކަންވީ ކޮންެއިރަކުން؟

މަތީގައިވާ އަލާމާތްތަކުގެ ތެރެއިން އަލާމާތެއް ފެންނަނަމަ ސިއްހީ އެހީތެރިކަން ހޯދުމަކީ ވަރަށް މުހިންމު ކަމެކެވެ.

ހިތުގެ ބަލިތައް އަންހެނުންނަށް ޖެހެން ދިމާވާ ބައެއް ސަބަބުތައް:

ހަކުރުބަލި

އަންހެނުން ހަކުރު ބަލި ހުންނަނަމަ ހަކުރު ހިތުގެ ބައްޔަށް ހުށައެޅުމުގެ ފުރުސަތު ބޮޑެވެ. ހަކުރު ބަލި ހުންނަ ފިރެހެނުންނަށްވުރެ އަންހެނުންނަށް ހިތުގެ ބަލިތައް ޖެހުން ގާތްކަމަށް ދިރާސާއިން ދައްކައެވެ. އެހެންކަމުން ހަކުރުބަލި ހުންނަ އަންހެނުން މިކަންކަމަށް ސަމާލުވުމަކީ ވަރަށް މުހިންމު ކަމެކެވެ.

ސްޓްރެސް އަދި ޑިޕްރެޝަން

ސްޓްރެސް އަދި ޑިޕްރެޝަންގައި އުޅޭ ފިރެހެނުންނަށްވުރެ އަންހެނުންނަށް ހިތުގެ ބަލިތައް އަދި ހާޓް އެޓޭކް ޖެހުން ގާތެވެ. ސަބަބަކީ ސްޓްރެސް އަދި ޑިޕްރެޝަންގެ ސަބަބުން ދުޅާހެޔޮ ކާނާއާއި އަންހެނުން ދުރުވެ އެހެން ސިއްހީ ކަންކަމަށް ފަރުވާ ކުޑަކުރެވޭތީއެވެ.

ދުންފަތުގެ އިސްތިއުމާލުކުރުން

ސިނގިރޭޓުބޯ ފިރެހެނުންނަށްވުރެ އަންހެނުންނަށް ހިތުގެ ބަލިތައް ޖެހުން ގާތެވެ.

ހެލިފެލިވެ ނޫޅުން

ކަސްރަތުލިބޭ ފަދަ ހެލިފެލިވެ އުޅޭ ކަމެއް ނުކުރާނަމަ އަންހެނުންނަށް ހިތުގެ ބަލިތައް ޖެހުން ގާތެވެ. އެހެންކަމުން ދުވަހުގެ ކޮންމެވެސް ވަގުތެއްގައި ކަސްރަތުލިބޭ ފަދަ ކަމެއް ކުރުމަކީ ވަރަށް މުހިންމު ކަމެކެވެ.

ވިހެއުމުގެ ތެރޭގައި ދިމާވާ ކަންކަން

ވިހެއުން ނުވަތަ މާބަނޑުއިރު އަންހެނުންނަށް ލޭމައްޗަށް ދިއުން ނުވަތަ ހަކުރު ބަލިު ފަދަ ކަަންކަން ކުރިމަތިވާނަމަ މިއީ ދިގުމުއްދަތެއްގައި މީގެ އަސަރު ހަށިގަނޑަށް ކުރާނެ ކަންކަމެވެ. އަދި އޭގެ ސަބަބުން ހިތުގެ ބަލިތައް ޖެހުން ގާތްވެއެވެ.

އާއިލާގައި ހިތުގެ ބަލި ހުރުން

އާއިލާގައި ހިތުގެ ބަލި އާންމުނަމަ ފިރެހެނުންނަށްވުރެ ބޮޑަށް އަންހެނުންނަށް ހިތުގެ އެކިއެކި ބަލިތައް ޖެހުން ގާތެވެ.