އަމިއްލަ ޕީރިއަޑްގެ ސައިކަލް ދެނެގަތުން މުހިއްމު

ޕީރިއަޑް ނުވަތަ މައްސަރު ކަންތަކަކީ ކޮންމެ އަންހެނަކަށް ވެސް ދިމާވާ ކަމެކެވެ. މިކަމަކީ ބައެއް އަންހެނުންނަށް އާދައިގެ ކަމަކަށް ވިއަސް ނިސްބަތުން ގިނަ އަންހެނުން ކޮންމެ މަހަކު ތަހައްމަލް ކުރަމުން އަންނަ ވޭނެކެވެ.

ޕީރިއަޑް ތަދު ނުވަތަ މެޑިކަލް ގޮތަށް ބުނާނަމަ ޑިސްމެނޯރިއާއަކީ އާއްމުކޮށް ކޮންމެ މަހެއްގެވެސް ޕީރިއަޑްގެ ފުރަތަމަ ދެތިން ދުވަހު ތަހައްމަލުކުރަން ޖެހޭ ވޭނެކެވެ. ޕީރިއަޑްގެ ސަބަބުން، ބޮލުގަ ރިއްސުމާއި މިނޫންވެސް އެހެނިހެން އުނދަގޫތައް ކުރިމަތިވަނީ، ބަނޑުގައި އަޅާ ވޭނުގެ ސަބަބުންނެވެ. 

advertisement

ޕީރިއަޑްވުމާއި ޕީރިއަޑްގައި ހޭދަކުރާ ދުވަހުގެ އަދަދަކީ ކޮންމެ އަންހެނަކަށްވެސް ތަފާތު ކަމެކެވެ. 2 އަންހެނަކަށް މިކަން އެއްގޮތަކަށް ދިމައެއް ނުވެއެވެ. އެހެންކަމުން ކޮންމެ މީހަކުވެސް އެމީހެއްގެ ޕީރިއަޑް ސައިކަލް އަމިއްލައަށް އެނގުމަކީ ވަރަށް މުހިންމު ކަމެކެވެ. އެއިރުން ކުއްޖަކު ހޯދުމަށް މަސައްކަތް ކުރުމަށްވެސް ފަސޭހަވެގެންދާނެއެވެ.

ޕީރިއަޑް ވުމަށްފަހު އާންމުގޮތެއްގައި ބްލީޑްވަނީ 3 ދުވަހާއި 8 ދުވަހާއި ދޭތެރޭގެ މުއްދަތެއްގައެވެ. ބައެއް މީހުންނަށް މިއަށްވުރެ އިތުރުވުމަކީވެސް އެކަށީގެންވާ ކަމެކެވެ. އާންމުގޮތެއްގައި ޕީރިއަޑްވަނީ ކޮންމެ 21 ނުވަތަ 35 ދުވަހަކުންނެވެ.

ޕީރިއަޑް ތަދަކީވެސް އެކި މީހުންނަށް އެކި ވަރަށް އަދި އެކި ގޮތައް ތަހައްމަލްކުރަންޖެހޭ ތަދެކެވެ. ޕީރިއަޑް ތަދަކީ ބޭސްނުކައި ވެސް ރިހުން ކެނޑުވޭނެ ތަދެކެވެ. ތަދު ކެނޑުވުމަށް ކުރެވިދާނެ ބައެއް ކަންތައްތަކުގެ ތެރޭގައި:

ރަނގަޅަށް ފެންބުއިން                                         

ބަނޑުގައި ވައި ހެދުމުގެ ސަބަބުން ޕީރިއަޑް ދުވަސްވަރު ބަނޑުގައި ރިހުން އިތުރުވެއެވެ. އެގޮތުން ގިނައިން ފެންބުއިމުގެ ސަބަބުން ބަނޑުގައި ވައިހެދުން ކުޑަކޮށްދީ ޕީރިއަޑް ތަދަށް ލުޔެއް ލިބިގެން ދެއެވެ.

ހާބަލް ޓީ

ބައެއް ކަހަލަ ހާބަލް ސައިން ވެސް ޕީރިއަޑް ރިހުމަށް ލުއި ލިބެ އެވެ. މައްސަރު ކަންތައް ތަހައްމަލު ކުރަމުން އަންނަ މީހުންނަށް ކެމޮމައިލް އާއި ޕެޕަމިންޓް ސަޔަކީ ހަށިގަނޑަށް ހަމަޖެހުން ލިބޭނެ އެއްޗެކެވެ.

ކަސްރަތު ކުރުން

އެރޮބިކް ކަސްރަތު ކުރުމުން ވެސް ބަނޑުގައި ރިހޭ ރިހުމަށް ލުއިތަކެއް އަންނާނެ އެވެ. ހަފްތާ އަކު ތިން ދުވަހު މި ކަސްރަތުތައް ކުރުމުން، އެންމެ ދެ މަސް ދުވަހުގެ ތެރޭގައި ޕީރިއަޑް ރިހުމަށް ވަރަށް ބޮޑު ލުޔެއް ލިބެ އެވެ.

ހޫނު ފެނުން ބޮނޑިތާން ކުރުން

ބަނޑުގައި ރިހުން ހުންނަ ހިސާބުގައި ހޫނު ފެނުން ބޮނޑިތާން ކުރުމުން މަސްލްސްތަކަށް އަރާމުވެ، ރިހުން ކަނޑުވައިލަ އެވެ. ހީޓިން ޕެޑް އަކީ އެކަމަށް ވަރަށް ރަނގަޅު އެއްޗެކެވެ.