އެވޮކާޑޯ ގަންނައިރު ބަލަންވީ ކޮންކަމަކަށް؟

އެވޮކާޑޯއަކީ ވަރަށް ގިނައިން ކެއުމުގައި ބޭނުންކުރާ މޭވާއެކެވެ. ނަމަވެސް ބައެއް ފަހަރު އެވޮކާޑޯ ގަނެގެން ގެއަށް އަންނައިރު ހަލާކުވެފައި ހުރެއެވެ. މިހެން މިކަން ދިމާވާ މީހުންނަށް މި ކިޔާދެނީ އެވޮކާޑޯ ގަންނައިރު ބެލިދާނެ ބައެއް ކަންތައްތަކެވެ.

އެންމެ ފުރަތަމަ ބަލަންވީ އެވަކާޑޯގެ ކުލައަށެވެ. އާންމުކޮށް ދޮންވެފައި ހުންނަ އެވަކާޑޯ ހުންނާނީ ކަޅު ޒާތެއްގެ ކުލައިގަ އެވެ. ކޮންމެވެސް ވަރަކަށް ފެހިކަން ފެންނަން ހުރެދާނެ އެވެ. ވަގުތުން ބޭނުންކުރާނަމަ އެންމެ ރަނގަޅީ ހަމަ ބޮޑަށް ކަޅު ކުލައެއްގެ އެވަކާޑޯ އެއް ނެގުމެވެ. އަދި ދެތިންދުވަހެއް ފަހުން ބޭނުންކުރާ ނަމަ ފެހި އެވަކާޑޯއެއް އެންމެ ރަނގަޅުވާނެ އެވެ.

advertisement

އެވޮކާޑޯގެ ކުލައަށް އެކަނި ބެލުމަކުން އަދި ރަނގަޅު އެވޮކާޑޯއެއްކަމެއް ނޭންގޭނެއެވެ. އެހެންކަމުން ކުލައިގެ އިތުރުން މަޑުމަޑުން އެވޮކާޑޯއަށް ފިއްތާލާށެވެ. ކުޑަކޮށް މަޑުނަމަ އެ ވަގުތައް ބޭނުންކޮށްލަން ރަނގަޅުވާނެއެވެ. ނަމަވެސް ގިނަދުވަހަށް ބޭނުމެއް ނުކުރެވޭނެއެވެ.

އެވަކާޑޯގެ ސްޓެމް ނުވަތަ ކޮޅަށބަލާލާއިރު ފެހިކުލައިގައި އޮންނަނަމަ ގަތުމަށް ހަމަ އެންމެ ރަނގަޅެވެ. ނަމަވެސް މުށިކުލައަކަށް ދާނަމަ އެއޮތީ މާބޮޑަށް ދޮންވެ، ހަލާކުވާން ކައިރިވެފަ އެވެ.

އެވޮކާޑޯ ގަނެގެން އައުމަށްފަހު ދޮންވެފައި އޮތް އެވަކާޑޯއެއް ނަމަ ރަނގަޅީ ފްރިޖުގައި ބޭޢްވުމެވެ. އޭރުން އިތުރަށް ދޮންވާން ގިނައިރު ނަގާނެއެވެ. ދޮން ނުވާ އެވަކާޑޯ އެއްނަމަ ޕޭޕަރު ކޮތަޅެއްގައި ސީދާ އަވީގައި ނުޖެހޭހެން ބާއްވަންޖެހެ އެވެ.