ސްޓްރެސް ފިލުވުމަށް ޕެޝަން ފްރުޓް

ޕެޝަން ފުރުޓު ނުވަތަ ޖުމުހޫރީ މޭވާއަކީ ރާއްޖޭގައި ވަރަށް އާންމުކޮށް ހައްދާއުޅޭ ފަސޭހައިން ލިބޭ މޭވާއެކެވެ. ކޮންމެ މޭވާއެއްގައިވެސް އަހަރެމެންގެ ސިއްހަތައް އޭގެ ސަބަބުން ނުހަނު ގިނަގުނަ ފައިދާތަކެއް ލިބެއެވެ. އެގޮތުން ފެޝަން ފުރުޓަކީވެސް އަހަރެމެންގެ ހަށިގަނޑަށް ގިނަ ފައިދާތަކެއް ލިބޭ ފުރުޓެކެވެ.

ދިރިއުޅުމުގެ ވައްޓަފާޅި ހުންނަގޮތުން ގިނަ މީހުންނަކީ ވަރަށް ގިނައިން ސްޓްރެސް ވުމަށް މަގުފަހިވާ ބައެކެވެ. އެހެންކަމުން މާބޮޑަށް ސްޓްރެސްވާ މީހުންނަށް ޕެޝަން ފުރުޓަކީ ބޭނުންކޮށްލެވިދާނެ މޭވާއެކެވެ. ޕެޝަން ފުރުޓުގައި ގިނަ އަދަދަކަށް އެންޓިއޮކްސިޑެންޓް އެކުލެވިގެންވެއެވެ. މިއީ ހަށިގަނޑުގައި އުފެދޭ ސެލްތައް ރައްކާތެރިކޮށްދޭ، ހަށިގަނޑަށް މުހިއްމު މާއްދާއެކެވެ. ހަށިގަނޑުގައި ލޭ ހިނގުން އިތުރުކޮށްދީ، ހާއްސަކޮށް ސިކުނޑިއަށް ލޭ ފޮނުވައިދިނުމަށް މި މާއްދާ އެހީތެރިވެދެއެވެ. މީގެ އިތުރުން، އެންޓިއޮކްސިޑެންޓަކީ ސްޓްރެސް ފިލުވައިދިނުމަށާއި ހަށިގަނޑުގައި އުފެދޭ ބެކްޓީރިއާތަކުން ރައްކާތެރިވެ ހުރުމަށް އެހީތެރިވެދޭ މާއްދާއެކެވެ. އެހެންކަމުން ސްޓްރެސް ފިލުވައިލުމަށާއި އިންފެކްޝަންތަކުން ރައްކާތެރިވެ ހުރުމަށް ޕެޝަން ފުރުޓު ބޭނުންކުރެވިދާނެއެވެ.

advertisement

ޕެޝަން ފުރުޓުގައި ގިނަ އަދަދަކަށް ފައިބަރު އެކުލެވިގެންވެއެވެ. ގިނަ އަދަދަކަށް ފައިބަރު އެކުލެވިގެންވުމުން ކާބޯތަކެތި އަވަހަށް ހަޖަމްކުރުމަށް އެހީވެދީ، ބަނޑުހިކުމުން މި މާއްދާ ރައްކާތެރިކޮށްދެއެވެ. އެހެންކަމުން، ފާހާނާ ކުރުމުގައި ދިމާވާ މައްސަލަތަކަށްވެސް ޕެޝަން ފުރުޓަކީ ހައްލެކެވެ. އަދި ފައިބަރުގެ ސަބަބުން ކޮލެސްޓްރޯލް ދަށްކޮށްދީ ހިތުގެ ދުޅަހެޔޮކަންވެސް އިތުރުކޮށްދެއެވެ. މިއީ ޑައިޓްކުރާ މީހުންނަށްވެސް ވަރަށް ރަނގަޅު މޭވާއެކެވެ. އަދި، މި މޭވާއަކީ ގިނަ އަދަދެއްގެ ވިޓަމިން އެކުލެވިގެންވާ މޭވާއަކަށްވާއިރު، ވިޓަމިން އޭ ގެ ސަބަބުން ހަންގަނޑު ރީތިކޮށް ހުރުމުށާއި ލޮލުގެ ފެނުން ރަނގަޅުކޮށްދެއެވެ.