ކަންކަމާއިމެދު ޕޮޒިޓިވްކޮށް ވިސްނާ ނަމަ ސިއްހީ ގިނަ ކަންކަމަށް ހައްލު ލިބޭނެ!

ކަންކަމާއި ދޭތެރޭ ޕޮޒިޓިވްކޮށް ދެކުމަކީ ވަރަށް ގިނަ ބަޔަކަށް ކުރަން އުނދަގޫ ކަމެކެވެ. ނަމަވެސް ޕޮޒިޓިވްކޮށް ދެކުމަކީ ވަރަށް މުހިންމު ކަމެކެވެ. މިއީ މީހާގެ ސިއްހަތައްވެސް އޭގެ ސަބަބުން އެތަކެއް ފައިދާތަކެއް ލިއްބައިދޭ ކަމެއްކަމަށް ދިރާސާއިން ދައްކައެވެ. އެގޮތުން ދާދިފަހުން ކުރި ދިރާސާއަކުން ދައްކާގޮތުގައި ކަންކަމާއިމެދު ޕޮޒިޓިވްކޮށް ދެކޭ މީހުންނަށް ހާޓްއެޓޭކް ޖެހުމުގެ ފުރުސަތު ކުޑައެވެ.

ޖަމާ އޯޕެން ނެޓްވޯކް ޖާނަލްގައި ޝާއިއުކޮށްފައިވާ ދިރާސާގައި ބުނިގޮތުގައި ދިރިއުޅުމުގައި ކުރިމަތިވާ ކަންކަމާ ދޭތެރޭ އަބަދުވެސް އީޖާބީ ނަޒަރިއްޔާތަކުން ދެކޭ މީހުންނަށް އެ ނޫން މީހުންނާ އަޅާބަލާ އިރު ހާޓްއެޓޭކާއި ސްޓްރޯކް ޖެހުން ފަދަ ސިއްހީ ބޮޑެތި މައްސަލަތައް ކުރިމަތިވުމުގެ ފުރުސަތު ތިން ގުނަ ކުޑަ އެވެ.

advertisement

މި ދިރާސާ ހަދާފައި ވަނީ 14 އަހަރު ތެރޭ 230،000 މީހުންގެ ސިއްހީ ރެކޯޑްތައް ބަލައިގެންނެވެ. އެގޮތުން ފާހަގަކުރެވުނު ކަމަކީ ކަންކަމާ ދޭތެރޭ ޕޮޒިޓިކްކޮށް ދެކޭ މީހުންނަށް ހާޓްއެޓޭކާއި ސްޓްރޯކް ޖެހުނު މިންވަރު ދަށްކަމާއި އެފަދަ މީހުންނަށް ހިތުގެ އެކި މައްސަލަތައް ކުރިމަތިވުމުގެ ފުރުސަތު ވެސް 35 ޕަސެންޓަށް ދަށްވި ކަމެވެ. އަދި ހަމައެއާ އެކު އެފަދަ މީހުންނަށް ކެންސަރާއި ހަކުރު ބައްޔާއި ޑިމެންޝިއާ (ހަނދާން ނެތޭ ބަލި) ގެ އިތުރުން ހިތަށް ދިމާވާ ސިއްހީ އެހެން މައްސަލަތައް ވެސް 14 ޕަސެންޓަށް ދަށްވެފައިވާކަން ފާހަގަވެފައިވެ އެވެ.

ދިރާސާ އިން ފާހަގަކުރެވުނު ކަންކަމުގެ ތެރޭގައި ޕޮޒިޓިވްކޮށް ވިސްނާ މީހުންނަކީ ކޮންމެ ކަހަލަ ކަމެއް ދިމާވިޔަސް، އެކަމެއް ހައްލުކުރާނެ މަގުތައް ހޯދައި، ކަންކަމާ ކުރިތިމަތިލާ މީހުންކަން އެނގުނެވެ.