ކޮލެސްޓްރޯލްއާއި ހިތުގެ މައްސަލަތަކަށް ކެޝޫނަޓް

ނަޓްސްގެ ކޮންމެ ބާވަތަކީ ވެސް ސިއްހީ އެތައް ފައިދާތަކެއް ލިއްބައިދޭ އެއްޗެކެވެ. ނަޓްސްގެ ވަކިވަކި ބާވަތްތަކަށް ބަލާއިރު ކެޝޫ ނަޓަކީ ވެސް ސިއްހީ އެތައް ފައިދާއެއް އެކުލެވޭ އެއްޗެވެ.

ކެޝޫ ނަޓަކީ ހަކުރުގެ މިންވަރު ވަރަށް ދަށް އަދި ކޮޕާ އިން މުއްސަނދި އެއްޗެކެވެ. މި ބޭނުންކުރުމުން ހަށިގަނޑުގެ ދިފާއީ ނިޒާމު ވެސް ރަނގަޅުކޮށް ސިކުނޑީ ތަރައްގީކޮށްދެ އެވެ. ކެޝޫ ނަޓްސްގައި އެކުލެވޭ މުހިއްމު މާއްދާތަކުގެ ތެރޭގައި ފައިބަރާއި މެގްނީޒިއަމާއި ޕްރޮޓީނާއި ޒިންކާއި ފޮސްފޮރަސް އާއި ހެލްދީ ފެޓްގެ އިތުރުން އެންޓިއޮކްސިޑަންޓްސް ހިމެނެ އެވެ. ހަކުރުބަލީގެ މީހުންނަށް ކެޝޫ ނަޓަކީ ވަރަށް ފައިދާ ހުރި އެއްޗެކެވެ. މި ކެއުމުން ލޭގެ ހަކުރު ކޮންޓްރޯލްކޮށްދޭން ބާރު އަޅަ އެވެ.

advertisement

ކޮލެސްޓްރޯލް ހަމައަކަށް އަޅުވަން ބޭނުން ނަމަ ކެޝޫ ނަޓަކީ ކޮންމެ ދުވަހަކު ބޭނުންކުރަން ވަރަށް ރަނގަޅު އެއްޗެކެވެ. މީގެ ސަބަބުން ހަށިގަނޑުގައި އުފެދޭ ނުރަނގަޅު ކޮލެސްޓްރޯލުން ސަލާމަތްކޮށްދޭނެ އެވެ.

ހިތުގެ މައްސަލަތަކާ ދެކޮޅަށް ކެޝޫ ނަޓް ބޭނުންކުރެވިދާނެ އެއްޗެކެވެ. މީގައި އެކުލެވޭ މެގްނީޒިއަމްގެ ސަބަބުން ހިތުގެ ވަރަށް ގިނަ މައްސަލަތަލުން ރައްކާތެރިކޮށްދޭން ބާރަކަށްވެ އެވެ. ހަމަމިއާ އެކު ހިތަށް ބޭނުންވާ މުހިއްމު އިންޕްލަމޭޓަރީ ޕްރޮޕަޓީތަކުގެ އިތުރުން ކެޝޫ ނަޓުން ވިޓަމިނާއި މިނެރަލާއި ފައިބަރު ވެސް ލިއްބައިދޭތީ މިއީ ހިތުގެ ދުޅަހެޔޮ ކަމަށް ވަރަށް މުހިއްމު އެއްޗެކެވެ.

ބަރުދަން ލުއިކޮށް ހިކެން ބޭނުންވާ ނަމަ ޑައިޓްގެ ތެރެއަށް ކެޝޫ ނަޓްސް އިތުރުކުރެވިދާނެއެވެ. މީގައި އެކުލެވޭ އޮމެގާ-3 ފެޓީ އެސިޑްސްގެ ސަބަބުން މެޓަބޮލިޒަމް ރަނގަޅުކޮށްދެ އެވެ. ނަތީޖާ އަކީ ބަރުދަން ލުއިވާން މަގުފަހިވުމެވެ.