ދަތުގައި ރިއްސާނަމަ ގޭގައި ދެވިދާނެ ބައެއް ފަރުވާ

ދަތެއްގައި ރިއްސުމަކީ ވޭން ހުރި ކަމެކެވެ. މިކަން ތަހައްމަލްކޮށްފައިވާ މީހަކަށް މެނުވީ މިކަމުގައި ހުރި ވޭނެއް ނޭންގޭނެއެވެ. އެހެންކަމުން ދަތުގައި ރިއްސަފާނެ ކަންކަމުން ދުރުވުމަކީ ވަރަށް މުހިންމު ކަމެކެވެ. މި އާޓިކަލްގައި މި ބަލާލަނީ ދަތުގައި ރިއްސުމަށް ގޭގައި ދެވިދާނެ ބައެއް ފަރުވާއަށެވެ.

ލޮނުފެން

ފެން ތައްޓެއްގެ ތެރެއަށް ލޮނުކޮޅެއް އަޅައި އަނގަ ދޮންނާށެވެ. އަނގައިގެ ތެރޭގައި ފެން ދައުރުކުރުން ރަނގަޅުވާނެ އެވެ. މިގޮތަށް ތަރާރުކޮށް ހެދުމުން ރިހުން ކުޑަކޮށްދެ އެވެ.

advertisement

ކަރަންފޫ ފެން

ދަތެއްގައި ރިއްސާ ނަމަ އަނގަޔަށް ކަރަންފުލެއް ލުމަކީ ހައްލަކަށްވާކަން ގިނަ ބަޔަކަށް އެނގޭނެ އެވެ. ހިރުގަނޑުގައި އިންފެކްޝަން އުފެދުމުގެ ފުރުސަތު ކަރަންފުލުގެ ސަބަބުން ކުޑަކޮށްދޭނެ އެވެ. ދަތެއްގައި ރިއްސާ ނަމަ ކަރަންފޫ ބޭނުންކުރުމުން، ދަތުގެ ރިހުމުގެ ސަބަބުން އަންނަ އައްސިކަން ވެސް ކަނޑުވައިދޭނެ އެވެ.

ލޮނުމެދު

ދަތުގައި ރިއްސާ ނަމަ ލޮނުމެދަކީ ވެސް އަވަސް ހައްލަކަށް ބޭނުންކުރެވިދާނެ އެއްޗެކެވެ. ލޮނުމެދެއް ޗިސްކޮށްފައި ކުޑަކުޑަ ލޮނުކޮޅާ މިކްސްކޮށް، ރިއްސާ ދިމާލުގައި ހާކާލުމުން ވެސް ލުއިވާން ފަށާނެ އެވެ.

އައިސްޕެކް

ދަތުގެ ރިއްސާ ދިމާލުގައި ޕެކް ޖައްސާގައިގެން އިނުމުން ލުއިވާން ފަށާނެ އެވެ. ހަމަ މިގޮތަށް އައިސް ކިއުބް ވެސް ބޭނުންކޮށްލެވިދާނެ އެވެ. އެ އެއްޗެހި ބޭނުން ކުރާ އިރު ކޯމައްޗާއި ދަތްދޮޅި މަސާޖް ވެސް ކޮށްލެވިދާނެ އެވެ. އޭރުން، ދުޅަވެފައި ހުންނަ ތަންތަން ވެސް ރަނގަޅުކޮށްދޭނެ އެވެ.

އެލޯވެރާ ޖެލް

އެލޯ ވެރާ ޖެލް އިން އަނގަތެރެ ސާފުކޮށްލައި ހިރުގަނޑު ވެސް ވަރުގަދަކޮށްލަން ބޭނުންކުރެވިދާނެ އެއްޗެކެވެ. މީގެ ސަބަބުން ދަތަށް ދިމާވާ މައްސަލަތައް ވެސް ކުޑަކޮށް ދޭނެ އެވެ.