ޑިޕްރެޝަނުން އަރައިގަތުމަށް އެންމެ ފުރަތަމަ ބަލަންވީ ކެވޭ އެއްޗިއްސަށް

ޑިޕްރެޝަންއަކީ މިހާރު ވަރަށް ގިނަ މީހުން ތަހައްމަލް ކުރަމުން އަންނަ ނަފްސާނީ ބައްޔެކެވެ. ޑިޕްރެޝަންއަށް ފަރުވާ ހޯދުމަށް ބޭސްކާ މީހުންވެސް އަހަރެމެންގެ ތެރޭގައި މަދެއްނޫނެވެ. ނަމަވެސް ބޭހާއި ނުލާ ޑިޕްރެޝަންއަށް މޭވާއާއި ތަރުކާރީން ފަރުވާ ހޯދިދާނެކަމަށް ފަހުގެ ދިރާސާއިން ދައްކައެވެ.

ހޯދުންތަކުން އިނގޭގޮތުގައި ތާޒާ މޭވާ އާއި ތަރުކާރީ އާއި މަހުގެ ބާވަތްތައް ކެއުމުން ޑިޕްރެޝަނުން އަަރައިގަތުމަށް މަގުފަހިވެ އެވެ. ދިރާސާގައި ބުނެފައިވަނީ ވީހާ ވެސް ބޮޑަށް ބަލަންވީ ޕްރޮސެސްކުރި ކާނާތަކާ ދުރުމުމަށްކަމަށެވެ.

advertisement

ދިރާސާގައި ފާހަގަކޮށްފައިވާ ގޮތުގައި ނަފުސާނީ އުނދަގޫތަކާ ދުޅަހެޔޮ ޑައިޓާ ގުޅުން ބޮޑެވެ. އެހެންވެ އަބަދު ވެސް ސިއްހަތަށް ފައިދާ ހުރި ކާނާ ކެއުމަކީ ރައްކާތެރިކަމުގެ ފިޔަވަޅެކެވެ. ދިރާސާގައި ބުނީ ޑިޕްރެޝަން ހުންނަ މީހުން ކެއުމުގެ ވައްޓަފާޅި އަށް ގެންނަ ބަދަލުތަކާ އެކު ތިން ހަފުތާގެ ތެރޭގައި ނަތީޖާ ވެސް ފެންނަން ފަށާނެ ކަމަށެވެ.

މި ދިރާސާގައި ވަނީ މީހުން ބައިވެރިކޮށްފައެވެ. އެގޮތުން ހާމަވެފައިވަނީ ގިނައިން މޭވާ އާއި ތަރުކާރީ ކާ މީހުންގެ ނަފުސާނީ ހާލަތު އެ ނޫން މީހުންނާއި އަޅާބަލާ އިރު ބޮޑުތަނުން ރަނގަޅުކަމެވެ.

ދިރާސާގައި ބުނީ ޑިޕްރެޝަން ހުންނަ މީހުން ޑައިޓަށް ގެންނަ ބަދަލުތަކާ ތަރުކާރީ އާއި މޭވާ އާއި މަހާއި ބިހާއި ކިރުގެ އުފެއްދުންތަކާއި އެކި ބާވަތުގެ ނަޓްސް އާއި ރީނދުލާއި ފޮނިތޮއްޓާއި ޒައިތޫނި ތެޔޮ ފަދަ ބާވަތްތައް ކޮންމެ ދުވަހެއްގެ ކެއުންތައް ބެލެންސް ކުރުމުގައި ގެންގުޅުމަކީ ނަތީޖާ ފެންނާނެ ކަމެއް ކަމަށެވެ.