ގިނަ އަހަރުތަކެއް ވަންދެން ހިދުމަތް ކުރުމަށްފަހު އެޗްޑީސީގެ މެނޭޖިންގ ޑިރެކްޓަރ ސުހައިލް ރިޓަޔަރ ކުރައްވައިފި

އެޗްޑީސީގެ މެނޭޖިންގ ޑިރެކްޓަރ ސުހައިލް އަހުމަދު، 25 އޮގަސްޓް 2022 އިން ފެށިގެން ވަނީ މަގާމުން ރިޓަޔަރކުރެއްވުމަށް ނިންމަވާފައެވެ. މިވޭތުވެދިޔަ އަހަރުތަކުގައި އެޗްޑީސީއަށް ގިނަގުނަ ހިދުމަތްތަކެއް ސުހައިލް ވަނީ ކޮށްދެއްވާފައެވެ.

Today we have appointed Mr.Suhail Ahmed,Ma.Ever bright as the Managing Director of Housing Development Corporation Limited (HDC) pic.twitter.com/ZoOBKnPlmF

advertisement

— Privatization & Corporatization Board (@pcb_gov) December 30, 2018

އެޗްޑީސީގެ މެނޭޖިންގ ޑިރެކްޓަރު ކަމުގެ މަގާމުގައި ހުންނެވި ސުހައިލް އަހުމަދު އެ ކޯޕަރޭޝަނާއި ގުޅިވަޑައިގަތީ 2001 ވަނަ އަހަރު ހުޅުމާލޭގެ ބިން ހިއްކުމާއި ތަރައްޤީ ކުރުމުގެ މަސައްކަތްތަކަށް ވަކި އިދާރާއެއް އުފެއްދުމާއި އެކުގައެވެ.

VP Faisal Naseem visited Hulhumalé to see the progress on development of social amenities this afternoon.

A presentation was given at HDC exhibition center followed by a site visit accompanied by our MD Suhail Ahmed to Preschools, CHSC, Mosques, and Hiya bus stop in Hulhumale’. pic.twitter.com/tRXUG8mzcn— HDC (@hdcmaldives) October 11, 2021

އެގޮތުން، ހުޅުމާލެއަށް 200 އާއިލާ އެންމެ ފުރަތަމަ އާބާދުވިއިރުވެސް ސުހައިލް ދިޔައީ އެ ކުންފުނީގެ އިސް މަގާމުތަކުގައި މަސައްކަތްކުރަމުންނެވެ. މީގެ އިތުރުން، ސުހައިލް އަކީ ހުޅުމާލެއަށް މީހުން ވަޒަންވެރިވަމުން ދިޔައިރު، ރައްޔިތުންނަށް އިތުރު ބޯހިޔާވަހިކަމަށް ބޭނުންވާކަން ފާހަގަކުރެވި، ހުޅުމާލޭގެ ދެވަނަ ފިޔަވަހި ހިއްކުމުގެ މަޝްރޫއު ކުރިޔަށް ގެންދިޔުމުގެ މަސައްކަތް ކުރުމުގައި އެންމެ އިސްކޮށް ހަރަކާތްތެރި ވަމުންއައި ބޭފުޅެކެވެ. އަދި ބިޔޯންޑް ހުޅުމާލެގެ ނަމުގައި އަތޮޅުތަކަށްވެސް އެޗްޑީސީގެ ތަޖުރިބާ ގެންދިއުމުގެ މަސައްކަތްވެސް ވަނީ ފައްޓަވައި ދެއްވާފައެވެ.

Our MD Suhail Ahmed celebrated Vice President @FaisalNasym’s birthday this evening with a small cake cutting ceremony. It was our pleasure to be part of this joyous occasion.
The management and team HDC wish you many happy returns of the day. pic.twitter.com/numrVojuYk— HDC (@hdcmaldives) July 20, 2022

ސަރުކާރުގެ އެންމެ ބޮޑު އެއް އެސް.އޯ.އީ އަކަށް އެޗްޑީސީ ވީއިރު، ސުހައިލްއަކީ ފާއިތުވެދިޔަ 4 ވެރިކަމުގައިވެސްއެޗްޑީސީގެ އިސް މަގާމުތަކެއް ފުރުއްވާ އެކޯޕަރޭޝަނަށް ގިނަގުނަ ޙިދުމަތްތަކެއް ކޮށްދެއްވާފައިވާ ބޭފުޅެކެވެ. ސުހައިލްއަކީ އެންމެނާއި ގުޅިގެން މަސައްކަތްކުރާ ހިތްހެޔޮ، މަޑުމައިތިރި މިޒާޖެއްގެ ބޭފުޅެކެވެ. އެޗްޑީސީން ވަނީ މި ފުރުޞަތުގައި އެޗްޑީސީގެ އިސްވެރިންނާއި ހުރިހާ މުވައްޒަފުންގެ ނަމުގައި ކޮށްދެއްވި ޙިދުމަތްތަކާއި ބެހެއްޓެވި ގާތްކަމަށް ނިހާޔަތަށް ޝުކުރު ދަންނަވާފައެވެ.