ހާސްވެ ސްޓްރެސް ބޮޑުވާނަމަ ރޫޓީންއެއް ތެރޭގައި އުޅުން މުހިއްމު

ބައެއް މީހުންނަކީ ދިރިއުޅުމުގައި ޑެއިލީ ރޫޓިންއެއްގެ ދަށުން ކަންކަން ހުންނަން ބޭނުންވާ މީހުންނެވެ. ނަމަވެސް އަނެއްބައި މީހުންނަކީ އެއްވެސް ރޫޓިންއެއް ނެތި ކޮންމެ ދުވަހެއްގެ ކަންކަން ހަމަޖައްސާ މީހުންނެވެ. ހާސްވެ ކަންބޮޑުވާ ދަނޑިވަޅުގައި ވަކި ޙާއްސަ ރޫޓިންއެއްގެ ދަށުން ކޮންމެ ދުވަހެއްގެ ކަންކަން ކުރިއަށްގެންދިއުމަކީ މީހާއަށް ލިބޭ ހާސްކަން ކުޑަކޮށްދޭކަމެއްކަމަށް ދިރާސާއިން ދައްކައެވެ. އަދި މިއީ ކަންކަން އޮގަނައިޒްކޮށް ކޮންޓްރޯލްގެ ދަށުގައި ބެހެއްޓުމަށްވެސް އެހީތެރިވެދޭނެކަމެކެވެ.

ވަކި ރޫޓެއްގެ ދަށުން ކަންކަން ކުރުމަކީ މީހާގެ ސްޓްރެސް ލެވެލް މެނޭޖްކުރެވުމުގެ އިތުރުން އެހެން ގިނަ ފައިދާތަކެއްވެސް ލިބޭ ކަމެކެވެ. އެގޮތުން ހެލްތީ ހެބިޓްސް އަށަގަންނުވަން މަސައްކަތް ކުރާ މީހަކަށްވެސް މިކަމުގެ މުހިންމުކަން އިތުރުވެއެވެ.

advertisement

ކޯވިޑްގެ ތެރޭގައިވެސް އަދި މިހާރުވެސް ބައެއް މީހުން ގޭގައި މަސައްކަތްކުރެއެވެ. އަދި ބައެއް މީހުން ވަޒީފާއެއް ލިބޭނެ ވަކި މުއްދަތެއް ނޭންގި ވަޒީފާއެއް ނެތިފައިވެސް ތިބެއެވެ. މިފަދަ ހާލަތްތަކުގައި ކަންކަން އޮގަނައިޒް ނުވުމުގެ ސަބަބުން ނުވަތަ ޑެއިލީ ރޫޓިންއެއް ނެތުމުގެ ސަބަބުން މީހާއަށް ލިބޭ ހާސްކަމާއި އެންޒައިޓީގެ މިންވަރު އިހްސާސް ކުރެވެއެވެ.

ވަކި ރޫޓިންއެއްގައި ކަންކަން ކުރުމުގެ ފައިދާތައް:

• ސްޓްރެސް ލެވެލް ކުޑަވުން
• ރަނގަޅު އާދަތައް އަށަގަތުން
• އަމިއްލަ މީހާގެ ސިއްހަތާއިމެދު ވިސްނުން
• ކޮންމެ ދުވަހެއްގެ ދިރިއުޅުން ޕްރޮޑަކްޓިވްކަމަށް އިހްސާސްވުން
• ކަންކަމަށް ދެވޭ ސަމާލުކަން އިތުރުވުން

ވަކި ރޫޓިންއަކާއި މީހާގެ ސިއްހަތާއި ގުޅެނީ ކިހިނެތް؟

• މީހާ އެކްޓިވްވެ ކޮންމެ ދުވަހަކުވެސް ކަސްރަތުކުރުމަށް މަގުފަހިވުން
• އަމިއްލަ  މީހާއަށް ބޭނުންވާ ރެސްޓް ލިބުން
• ހަށިގަނޑަށް ފައިދާހުރި ކާނާ ވަގުތައް ކެއުން
• ހާސިލްކުރަން ބޭނުންވާ ގޯލްތައް ކަނޑައެޅުން
• ގޮންޖެހުންތައް އަންނާނެކަން އިނގިހުރެ އެކަންކަމަށް ކުރިމަތިލުން
• އާއިލާއާއި ރަހުމަތްތެރިންނާއިއެކު އޮންނަ ގުޅުން ބަދަހިވުން
• ގަޔާވާ ކަންކަން ކުރުމަށް ވަގުތު ހުސްކުރުން