ސިނގިރޭޓު: ހިތުގެ ބަލިތަކަށް ވެސް ކޮށާދެވޭ މަގެއް!

ސިގިރޭޓު ބުއިމަކީ މިހާރު މުޖްތަމައުގެ އެކި އުމުރުފުރާގެ މެދުގައި އާންމުވެފައިވާ ގޯސް އާދައެކެވެ. ކޮންމެ އަހަރަކު ސިނގިރޭޓު ބުއިމުގެ ސަބަބުން މުޅި ދުނިޔޭގައި 8 މިލިއަން މީހުން މަރުވެއެވެ.

ދާދިފަހުން ކުރި ދިރާސާއަކުން ދައްކާގޮތުގައި ލޭދައުކުރާ ހޮޅިއަށްވެސް ދުންފަތުގެ އިސްތިއުމާލު ކުރުމުގެ ސަބަބުން ގެއްލުން ލިބެއެވެ. ސިނގިރޭޓު ބުއިމުގެ ސަބަބުން މަރުވާ މީހުންގެ ނިސްބަތުން %30 މީހުން މަރުވަނީ ލޭދައުރުކުރާ ނިޒާމަށް ދިމާވާ މައްސަލަތަކުގެ ސަބަބުން ދިމާވާ ހިތުގެ އެކި މައްސަލަތަކުގެ ސަބަބުންނެވެ. ނުވަތަ ސިނގިރޭޓުގެ ދުން ފޯރުމުގެ ސަބަބުންނެވެ.

advertisement

ސިނގިރޭޓުބުއިމަކީ މީހާއަށް ހާޓް އެޓޭކް ޖެހުމުގެ މަގު 2 ގުނަ އިތުރުވެ އަދި ސްޓްރޯލް ޖެހުމުގެ ފުރުސަތު 3 ގުނަ އިތުރުވާ ކަމެކެވެ. ކޯޕެންހޭގަންގެ ހޮސްޕިޓަލަކުން ކުރި ދިރާސާއަކުން ދައްކާގޮތުގައި ސިނގިރޭޓު ބޯނަމަ ހިތުގެ މަސައްކަތް ކުރުމުގެ ނިޒާމުވެސް ވަރަށް ބޮޑަށް ބަލިކަށިކޮށްލައެވެ.

ސިނގިރޭޓު ބުއިމާއި ހިތުގެ މައްސަލަތައް ގުޅޭނީ ކިހިނެތް؟

ސިނގިރޭތުގައި އެކުލެވިގެންވާ ނިކޮޓިންގެ މާއްދާގެ ސަބަބުން ލޭހޮޅިތައް ހިމަވެއެވެ. އަދި މީގެ ސަބަބުން ލޭހޮޅުތަކުން ލޭ ދައުރުކުރުމަށް އުނދަގޫތަކެއް ދިމާވެއެވެ. އަދި ނޮކިޓިންއަކީ މީހާގެ ލޭގެ ޕްރެޝަރުވެސް މަތިވާ އެއްޗެކެވެ.

މި ދިރާސާ ކުރުމަށް އުމުރުން 20 އަހަރާއި 93 އަހަރުގެ 3800 މީހުން ވަނީ ބައިވެރިކޮށްފައެވެ. އަދި ދިރާސާގެ ނަތީޖާ ދައްކާގޮތުން ސިނގިރޭޓު ބޯމީހުންގެ ހިތް ހިމަވެ ހިތުގެ މަސައްކަތްކުރުން ސިނގިރޭޓު ނުބޯމީހުންނަށްވުރެ ދަށްކަމަށް ވަނީ ދައްކާފައެވެ.

ސިނގިރޭޓު ބުއިން ހުއްޓާލުމުން ކުރީގެ ހާލަތައް ދެވިދާނެތަ؟

ދިރާސާއިން ދައްކާގޮތުން ސިނގިރޭޓުބުއިން ހުއްޓާލުމުގެ ހިތުގެ މަސައްކަތް ކުރުން ރަނގަޅުވާކަމަށް ވަނީ ދައްކާފައެވެ. އަދި ގިނަދުވަސް ވާވަރަކަށް މަސައްކަތްކުރުން ރަނގަޅުގެ މީހާގެ ސިއްހަތައް ރަނގަޅު އަސަރުތައް ފެންނަން ފަށައެވެ.