އަންހެނުން ދުވަސްވީ އުމުރު ފުރައަށް އަޅައި، މައްސަރުން ވީއްލުމުން އަންނަ ޖިސްމާނީ ބަދަލުތައް

މެނޮޕޯސްއަކީ އަންހެނުން މައްސަރުން ވީއްލުމުން އިނގިރޭސިބަހުން ކިޔާ ނަމެވެ. މިއީ އަންހެނުން ވަކި އުމުރަކަށް ދިއުމުން މައްސަރުން އެއްކޮށް ވީއްލުމެވެ.

އާންމުކޮށް އަންހެނުން މައްސަރުން ވީއްލެނީ އުމުރުން 40 އަހަރާއި 58 އަހަރާއި ދެމެދުގައެވެ. ނަމަވެސް ބައެއް އަންހެނުންނަށް ސިއްހީ ސަބަބަކާއިހެދި މިއަށްވުރެ އަވަސްވުމަކީވެސް އެކަށީގެންވާ ކަމެކެވެ. އެގޮތުން އޯވަރީ ނެގުން ފަދަ ހާލަތްތައް ހިމެނެއެވެ.

advertisement

މައްސަރުން ވީއްލެން އުޅޭއިރު އަންހެނުންނަށް އާންމުކޮށް ފެންނަ ބައެއް އަލާމާތްތައް ހުރެއެވެ. އޭގެތެރޭގައި ރެގަނޑު ދާހިތްލުން، އަންހެނާގެ ޖިންސީ ގުނަވަން ހިކުން، ޖިންސީ ގުނަވަނުގެ ބާރު ދަށްވުން ފަދަ ކަންކަން ހިމެނެއެވެ. މިއީ ޖިސްމާނީގޮތުން އަންހެނާއަށް ކުރިމަތިވެދާނެ ބައެއް އަލާމާތްތަކެވެ. މީގެއިތުރުން ނަފްސާނީގޮތުންވެސް ގިނަ ކަންތައްތަކާއި އަންހެން މީހާއަށް ކުރިމަތިލާންޖެހެއެވެ. އޭގެތެރޭގައި އެންޒައިޓީއާއި މޫޑަށް ބަދަލުއައުން ހިމެނެއެވެ.

އެކި މީހުންނަށް މިކަމުގައި ދިމާވާ އަލާމާތްތަކާއި މުއްދަތު ތަފާތުވެގެންވެއެވެ. އަންހެން މީހާއަށް މައްސަރުން ވީއްލުމުން ދިމާވާ އުނދަގޫތައް ކުޑަކުރުމަށް ކުރެވިދާނެބައެއް ކަންތަައްތައްވެސް އެބަހުއްޓެވެ. އެގޮތުން ސިއްހަތައް ރަނގަޅު ކާނާ ކެއުމާއި، ކަސްރަތުކުރުމަކީ ކުރެވިދާނެ ކަމެކެވެ.

މައްސަރުން ވީއްލާއިރު ފެންނާނެ ބައެއް އަލާމާތްތައް:

• މާބނޑުވުމުގެ ފުރުސަތު ކުޑަވުން
• ޤަވައިދުން ޕީރިއަޑް ނުވުން
• ޖިންސީ ގުނަވަން ހިރުވުން ނުވަތަ ޑްރައިވުން
• ދާހިތްލުން
• ނިދަން އުނދަގޫވުން (އެންޒައިޓީ، ދާހިތްލުން ފަދަ ކަންކަމުގެ ސަބަބުން)
• އެމޯޝަންއަށް ބަދަލުއައުން
• ކަންކަމަށް ސަމާލުކަންދޭން އަދި ކަންކަން ދަސްކުރަން އުނދަގޫވުން
• ޖިސްމާނީގޮތުން ބަދަލުއައުން (ބަރުދަން އިތުރުވުން، އިސްތަށިގަނޑުގެ ކުލައަށް ބޯމިނަށް ބަދަލުއައުން)
• ބައެއްކަހަލަ ސިއްހީ މައްސަލަތައް ދިމާވުން ( ހިތުގެ ބަލިތައް، ބްރެސްޓް ކެންސަރ)