އައު ކަންކަން ކުރަން ކުދިންނަށް ހިތްވަރުދޭނީ ކިހިނެތް؟

ދަރން ލައްވާ އައު ކަންކަން ކުރުވުމަކީ ގިނަ ބެލެނިވެރިންނަށް ވަރަށް އުނދަގޫ ކަމެކެވެ. އޭގެތެރޭގައި އައު އެއްޗެއް ކާންދިނުން، އައު އެކްޓިވިޓީއެއް ނުވަރަ އައު ހުނަރެއް ދަސްކޮށްދިނުމަކީ ގިނަ ފަހަރު ވަރަށް އުނދަގޫކަމެކެވެ. އެހެންކަމުން މި ހިމަނާލަނީ ކުދިން ލައްވައި އައު ކަންކަން ކުރުވާއިރު އެކުދިންގެ އިތުބާރު ހޯދިދާނެ ބައެއް ގޮތްތަކެވެ.

އެކުދިންނަށް އިނގޭ ކަމަކުން ފަށާ

އައު ކަމެއް ދަރިފުޅު ލައްވައި ކުރުވާއިރު އެ ކުއްޖާއަށް އިނގޭ ކަމަކުން ނުވަތަ ކުއްޖާ ގަޔާވާ ކަމަކުން ފަށާށެވެ. އަދި އެއަށްފަހު އެކުރާ ކަމެއް ތަފާތު މާހައުލެއްގައި ކުރުމަށް ބާރުއެޅިދާނެއެވެ. އެގޮތުން ކުއްޖާ މިއުޒިކް އިންސްޓްރޫމަންޓެއް ކުޅޭނަމަ ގޭގައި ކުއްޖާގެ ކޮންފިޑެންސް އަންނަންދެން ކުރުވިދާނެއެވެ. އެއަށްފަހު ގެއިން ބޭރު މާހައުލެއްގައި ކުއްޖާ ލައްވައި އެކަމެއް ކުރުވުމަކީ އައު ކަމެއް ދަރިފުޅު ތަޖުރިބާކުރުމެވެ.

advertisement

ލިސްޓެއް ހެދުން

ދަރިފުޅު އަލަށް ކުރަން ބޭނުންވާ ކަންކަމުގެ ލިސްޓެއް ކުއްޖާ ލައްވައި ހެދިދާނެއެވެ. އެއީ އައު ވައްތަރެއްގެ ކެއުމެއް ކާލުން ނުވަތަ ރަހުމަތްތެރިއަކާއިއެކު ސްލީޕް އޯވަރއެއް ހެދުންކަމަށްވެސް ވެދާނެއެވެ. ދަރިފުޅު ކުރަން ބޭނުންވާ ކަންކަން އަމިއްލައަށް ދެނެގަނެ އެއަށް މަސައްކަތް ކުރުމަކީ ކުއްޖާއަށް އިތުބާރު ލިބިގެންދާނެ ކަމެކެވެ.

ހިތްވަރުދިނުން

ދަރިފުޅު ކުރަން ބޭނުންވާ ކަންކަން ދަރިފުޅަށް ވާނެކަން އަންގާށެވެ. އަދި ދަރިފުޅުގެ އެ ޤާބިލިއްޔަތު ހުރިކަން ބެލެނިވެރިން ދަރިންނަށް ބުނެދިނުމަކީ އައު ކަންކަން ކުރުމަށް ދަރިފުޅަށް އިތުބާރާއި ޔަޤީންކަން ލިބިގެންދާނެ ކަމެކެވެ.