ތުއްތު ދަރިފުޅަށް ހަރު ތަކެތި ދޭންވީ ކޮންއިރަކުން؟

ތުއްތު ދަރިފުޅުގެ ކެއުމުގެ ވައްޓަފާޅި ބަހައްޓާނެ ގޮތަކީ ވަރަށް ގިނަ ބެލެނިވެރިން ކަންބޮޑުވާނެ ކަމެކެވެ. ކުއްޖާއަށް ކާތުން ދިނުމާއި ހަރު ކާނާ ދޭންވީ ކޮންއިރަކުންތޯ ބެލެނިވެރިން ބަލާނެއެވެ. އެންމެ ފުރަތަމަ ތުއްތު ދަރިފުޅަށް ދޭންޖެހެނީ މައިމީހާގެ ގާތުންނެވެ. އެއަށްފަހު ކުއްޖާއަށް 6 މަސްވުމުން ކާނާ ދޭންފެށިދާނެއެވެ.

އެންމެ ފުރަތަމަ ފަށައިގެން އަންނައިރު ދަރިފުޅު މާގިނައިން ކެއުމަކީ މުހިންމު ކަމެއްނޫނެވެ. އެންެމެ ފުރަތަމަ ބޭނުންވަނީ ދަރިފުޅު ކޮންމެވެސް މިންވަރަކަށް ކެއުމެވެ. އެހެންކަމުން ދަރިފުޅު މާގިނައިން ނުކެއުމުން ހާސްނުވާށެވެ. އޭގެބަދަލުގައި ދަރިފުޅު ކޮންމެވެސް ވަރަކަށް ކާނަމަ އެކަން ކުރިއަށްގެންދާށެވެ.

advertisement

ދަރިފުޅަށް 6 މަސްވުމުން ކާނާ ދޭންފެށިނަމަވެސް ކުއްޖާއަށް ބޭނުންވާ ނިއުޓްރިއަންއާއި ހަކަތަ އަދިވެސް ލިބޭނީ މައިމީހާގެ ގާތުން ދިނުމުންނެވެ. ތުއްތު ދަރިފުޅު 6 މަސްވުމުން ކާންފެށުމުން ގާތުން ދިނުމާއިއެކު ތަފާތު އެކި ބާވަތްތަކުގެ ކާނާ ދެވޭތޯ ބަލާށެވެ. އެއިރުން ކުއްޖާ ބޮޑުވެގެންވެސް ސިއްހަތައް ފައިދާހުރި ގޮތައް ކާން އާދަވާނެއެވެ.

6 މަސް ވަންދެން މަޑުކުރަންވީ ކީތްވެ؟

ތުއްތު ދަރިފުޅަށް 6 މަސްވަންދެން ހަމައެކަނި ގާތުން ދީ އިތުރު ކާނާ ނުދިނުމަކީ ވަރަށް މުހިންމު ކަމެކެވެ. ސަބަބަކީ:

• 6 މަސްވަންދެން ދަރިފުޅަށް ބޭނުންވާ ހުރިހައި ހަކަތައަކާއި ނިއުޓްރިޝަންއެއް މައިމީހާގެ ގާތުން ދިނުމުން ލިބޭނެއެވެ.
• ·       6 މަސްވަންދެން ހަމައެކަނި މައިމީހާގެ ގާތުން ދިނުމުގެ ސަބަބުން ދަރިފުޅަށް ބަލިތައް ޖެހުމާއި އިންފެކްޝަންއިން ސަލާމަތްވޭނެއެވެ.
• ކާނާ ކެއުމުގެ ކުރިން ދަރިފުޅަށް އެކަމަށް ތައްޔާރުވުމަށް ވަގުތު ލިބިގެންދާނެއެވެ.
• ކާނާ ކެއުމަށް އަނގަ ހެލުވުމާއި ހެފުމަށް ދަރިފުޅަށް ދަސްވެގެންދާނެއެވެ.

ދަރިފުޅު ކާނާ ކެއުމަށް ތައްޔާރުވެފައިވާކަން ދެނެގަންނާނީ ކިހިނެތް؟

• ތަނެއްގައި އިށީންދެ ކަނދުރާ ހަރުލުން
• އަތާއި، ލޯ އަދި އަނގައިން ކާނާ ކެއުމަށް ހަރަކާތް ކުރެވުން. ނުވަތަ ކާއެއްޗެހި ނަގަން މަސައްކަތްކުރުން.
• އަނގައަށް ލުމަށްފަހު ބޭރުކުރުމުގެ ބަދަލުގައި ހަފަން ނުވަތަ ދިރުވަން މަސައްކަތްކުރުން.

ދަރިފުޅަށް ކާނާ ތައްޔާރުކުރާއިރު ސަމާލުކަންދޭންވީ ކަންކަން:

• އަބަދުވެސް އަތްދޮވުން، އަދި ކާނާ ތައްޔާރުކުރާ ތަން ސާފުކޮށް ބޭއްވުން.
• ހޫނުނަމަ ހިހޫކުރުން އަދި ދަރިފުޅަށް ދިނުމުގެ ކުރިން އަމިއްލައަށް ޓެސްޓުކުރުން
• މޭވާއާއި ތަރުކާރީ ދޮވުމަށްފަހު ތޮށި މެށުން
• ހަރުއެއްޗެހި ނުދިނުން. މިސާލަކަށް ނަޓްސް، ނުކައްކާ ހުންނަ ކެރެޓް، ނުވަތަ އާފަލު
• ·        މޭވާގައި ހުންނަ ހަރު ތަންތަނާއި އޮށް ނެގުން
• ވަށްކޮށް ހުންނަ މޭވާ ކުޑަކޮށް ފަޅާލުން. މިސާލަކަށް މޭބިސްކަދުރު، ޗެރީ، ޓޮމާޓޯ