ޓިކްކޮޓް ޒުވާން ޖީލެއް ހަލާކު ކުރަނީތަ؟

ޓިކްޓޮކަކީ މިހާރު މަޝްހޫރު ސޯސަލް މީޑިއާ ޕްލެޓްފޯމްއެކެވެ. އެކި އުމުރުފުރާގެ މީހުން ޓިކްޓޮކް އަންނަނީ ބޭނުންކުރަމުންނެވެ. ތަފާތު އެކި ޒާތުގެ ވީޑިއޯތައް ހަދައިގެން ޓިކްޓޮކްގައި އަންނަނީ އާންމު ކުރަމުންނެވެ. ބައެއް ފަހަރު އަހަރެމެންގެ އިސްލާމީ މުޖްތަމައުއާއި ނުގުޅޭ ޒާތުގެ ވީޑިއޯތައްވެސް ޓިކްޓޮކްގައި އަންނަނީ އާންމުވަމުންނެވެ.

ބެލެނިވެރިން ކުދިންއަތައް ޓިކްޓޮކް ބޭނުންކުރަން ދިނުމަކީ މިހާރު ވަރަށް އާންމު ކަމެކެވެ. ނަމަވެސް ވިސްނާލަންޖެހޭ ކަމަކީ ޓިކްޓޮކްއަކީ ކުއްޖާއަށް ނޭދެވޭ އަސަރުފޯރާ ޕްލެޓްފޯމްއެއްކަމެވެ. ޓިކްޓޮކް ބޭނުންކުރަން ކުޑަކުދިންނަށް ދިނުމުގެ ކުރިން ބެލެނިވެރިން ވިސްނާލަންޖެހެއެވެ. ކުޑަކުދިންނާއި ނުގުޅޭ ވީޑިއޯތައް ޓިކްޓޮކްގައި ހުންނާތީއެވެ.

advertisement

ދިރާސާއަކުން ދައްކާގޮތުގައި ޓިކްޓޮކްއަކީ މިހާރުގެ ޒުވާން ޖީލު ހަލާކުކޮށްލާ އެއްޗެކެވެ. މި ދިރާސާގައި ބުނެފައިވާގޮތުން ކުޑަކުދިން ޓިކްޓޮކް ބޭނުންކުރާ މިންވަރު އަންނަނީ ވަރަށް ބޮޑަށްވެސް އިތުރުވަމުންނެވެ. ގޫގުލް ފަދަ އެޕްލިކޭޝަންއަށްވުރެވެސް ކުޑަކުދިންގެ މެދުގައި ޓިކްޓޮކްގެ މަޤްބޫލުކަން ބޮޑުކަމަށް ދިރާސާއިން ދައްކައެވެ.

ދިރާސާއަކުން ދައްކާގޮތުގައި ކުޑަކުދިން ޓިކްޓޮކް ބޭނުންކުރުމަކީ ސިއްހީގޮތުންވެސް ގިނަ ގެއްލުންތަކެއް ކުއްޖާއަށް ލިބޭ ކަމެކެވެ. 2021 ވަނަ އަހަރު ކޮށްފައިވާ ދިރާސާއެއްގައި ބުނެފައިވަނީ ޓިކްޓޮކް ބަލާ ކުޑަކުދިންނަށް ސައިކޮލޮޖިކަލް ޑިސްސްޓްރެސްއާއި މެންޓަލް ހެލްތް ނުވަތަ ނަފްސާނީ މައްސަލަތަކާއި ކުރިމަތިލާންޖެހޭކަމަށެވެ.

އެ ގޮތުން މިހާރު މި ނިކުންނަ ޖީލުގެ އެޓޭންޝަން ސްޕޭން، ނުވަތަ ކަންކަމަށް ސަމާލުކަންދެވޭ މިންވަރު ކުޑަވުން ހިމެނެ އެވެ. މި ޕްލެޓްފޯމުގައި ހުންނަ ވީޑިއޯތަކަކީ 20 ސިކުންތާއި 60 ސިކުންތާއި ދޭތެރޭ ހުންނަ ކުރު ވިޑީއޯތަކެކެވެ. އަދި ހަމަ އެހެންމެ، މި ކުދިންނަށް އިޝްތިހާރު ފަދަ ތަކެތި “ޓްރެންޑް” ގޮތުގައި މާކެޓްކުރާއިރުވެސް ނޭންގޭ ކަން މި ދިރާސާގައި ފާހަގަކޮށްފައިވެ އެވެ.

ދުނިޔޭގެ ބައެއް ޤައުމުތަކުގައި މިހާރުވެސް ކުޑަކުދިން ޓިކްޓޮކް ބޭނުންކުރުން ވަނީ މަނާކޮށްފައެވެ.