ވެލާނާ އެއާޕޯޓްގެ އާ ރަންވޭ ހުޅުވައިފި

ފަންސާހަކަށް ވުރެ ގިނަ އަހަރު ވެފައިވާ ކުރީގެ ރަންވޭ ބޭނުންކުރުން ހުއްޓާލައި އަލަށް ތަރައްގީކުރި އެއަރޕޯޓު ހުޅުވައިފިއެވެ. އަލަށް ތަރައްގީކުރި ރަންވޭ އަކީ އެންމެ ބޮޑެތި މަތިންދާ ބޯޓު ޖެއްސޭ ފެންވަރަށް ތަރައްގީކޮށްފައިވާ ރަންވޭއެކެވެ. އަދި މި ރަންވޭ ހުޅުވުމުގެ ތާރީހީ ބަދަލު އިފުތިތާހުކޮށް ދެއްވީ ނައިބު ރައީސް ފައިސަލް ނަސީމެވެ. 

ނައިބު ރައީސް ވިދާޅުވީ އެއީ އެމަނިކުފާނަށް ލިބުނު ވަރަށް އުފާވެރި ދުވަހެއް ކަމަށެވެ. ދިވެހި ތާރީހުގައި އެންމެ ޖޯޝާއެކު ކުރެވިފާވައި މަސަތްކަތަކީ މީގެ 60 އަހަރު ހުޅެލޭ އެއާޕޯޓް ތަރައްގީކުރުމުގެ މަސައްކަތް ކަމަށްވެސް ނައިބު ރައީސް ވިދާޅުވި އެވެ. 

advertisement

އަދި ނައިބު ރައީސް ވިދާޅުވީ އާ ރަންވޭއާއެކު ވަރަށް ބޮޑު ފަސޭހަތަކެތް ލިބިގެންދާނެކަމަށެވެ. އަދި އަލަށް ތަރައްގީކުރާ އެއާޕޯޓްތަކާއި މިހާރު ފަށާފައިވާ އާރުޓީއެލްގެ ހިދުމަތާއެކު ދަތުރުފަތުރުގެ ނިޒާމް ފުރަހަމަވެގެންދާނެ ކަމަށެވެ. 

ވެލާނާ އެއާޕޯޓް އެންމެ ފުރިހަމަ ވެގެންދާނީ މިހާރު ބިނާކުރަމުން އަންނަ ޕަސެންޖާ ޓާމިނަލް ނިމެމުން ކަމަށް ވެސް އެމަނިކުފާނު ވިދާޅުވިއެވެ. 

އާ ރަންވޭ ހުޅުވަން ތައްޔާރުމުވައްޓަކައި ދަތުރުފަތުރުގެ ހަރަކާތްތައް އަށް ގަޑިއިރަށް މެދުކަނޑާލިއެވެ. ކުރީގެ ރަންވޭއިން އެންމެ ފަހުން ފުރީ ޓާކިޝް އެއާލައިން އެވެ. އަދި އާ ރަންވޭއަށް އެންމް ފުރަތަމަ ޖެއްސި އެމިރޭޓްސް އެއާލައިންގެ ފްލައިޓެވެ. 

އާ ރަންވޭގެ ދިގުމިނަކީ 3,400 މީޓަރު އަދި ފުޅާމިނުގައި 60 މީޓަރެވެ.