އެމް އައި ކޮލެޖް އިން ދަނޑުވެރިކަމުގެ ދުވަހުގެ ހާއްސަ ހަނދާނީ ލިޔުމެއް ހާސިލްކޮއްފި

އިއްޔަ ކ.ކާށިދޫގައި ބޭއްވުނު ދަނޑުވެރިކަމުގު ދުވަހުގެ ޖަލްސާގައި އެމް އައި ކޮލެޖްއަށް ވަނީ ހަނދާނީފިލާ ލިބިފައެވެ.

މި ހަނދާނީ ފިލާއަކީ ރާއްޖޭގައި ދަނޑުވެރިކަން ކުރުމުގައި ފާހަގަކޮށްލެވޭ ޚިދުމަތްތައް ކުރައްވަމުންގެންދަވާ ފަރާތްތަކުގެ އަގު ވަޒަން ކުރުމުގެ ގޮތުން ދީފައިވާ ހަނދާނީ ފިލާއެކެވެ.

advertisement

ހަދާނީ ލިޔުން ހާސިލްކޮށްފައިވަނީ އެމް އައި ކޮލެޖްގެ ޗެއަރމަން އަހްމަދު މޮއްޓަކި އެވެ. ހަނދާނީފިލާ ހަވާލުކޮށްދެއްވީ ރައީސުލްޖުމްހޫރިއްޔާ އިބްރާހީމް މުޙައްމަދު ޞާލިޙެވެ.

އެމް އައި ކޮލެޖްއަކީ ދަނޑުވެރިކަމުގެ ތައުލީމާއި ތަމްރީންގެ މުހިންމުކަން ދެނެގަނެ ރާއްޖޭގައި މިރޮގުން މަތީ ތައުލީމު ދިނުމަށް މަސައްކަތް ކުރާ ތަނެކެވެ. އެގޮތުން އެމް އައި ސީ ގެ ސްކޫލް އޮފް އެގްރިކަލްޗަރ އައްޑޫގައި ގާއިމްކޮށް ދަނޑުވެރިކަމުގެ ކޯސް ހިންގަން ފަށައިފައިވެއެވެ. އޭގެ އިތުރުން އައްޑޫ އިންޓަނޭޝަނަލް ސްކޫލުގެ ކަރިކިއުލަމްގައިވެސް ދަނޑުވެރިކަން ހިމެނުން މިއީ އެމް އައި ކޮލެޖް ދަނޑުވެރިކަމަށް ދޭ އަހައްމިއްޔަތު ދައްކުވައިދޭ ކަމެކެވެ.

އެމް އައި ކޮލެޖެއިން ޝައުގުވެރިވާ ފަރާތްތަކަށް ހާއްސަކޮށް ސެޓިފިކޭޓް 3 އިން ގާޑަނިން ގެ ނަމުގައި ކުރު ޓްރެއިނިން ޕްރޮގްރާމް އެއްވެސް ކުރިއަށް ގެންދެއެވެ.

ދަނޑުހެއްދުމަކީ ދިވެހިން އަބަދުވެސް ޝައުގުވެރިވާ ކަމެއްކަމަށް އެމް އައި ކޮލެޖްއިން ދަނެ އެމީހުންގެ ކޮންސެޕްޓްއަކީ ރައްކާތެރި ކާނާ ހަދަން ދަސްކޮށްދިނުމެވެ. ސްކޫލު ދަރިވަރުންނާއި ކޮލެޖް ދަރިވަރުން ގެ އިރުތުން އައްޑޫ ރައްޔިތުންގެ ޝައުގުވެރިކަން ހުނަން ކަމަށް މި ކޮލެޖެއަށް ފާހަގަވެފައިވެއެވެ. އެގޮތުން އައްޑުގެ ވިމެން ޑިވެލޮޕްމަންޓް ކޮމިޓީ އަދި މީދޫގެ ވިމެން ޑިވެލޮޕްމަންޓް ކޮމިޓީ އާއި ގުޅިގެން އެމް އައި ކޮލެޖްއިން ވނީ ކުރު ޓްރެއިންން ޕްރޮގްރާމް ތަކެއް ހިލޭ ކުރިއަށްގެންގޮސްފައެވެ.

މީގެ އިތުރުން ހުޅުމާލެ އެޗެޑީސީ އާއި ގުޅިގެން ހިލޭ ޓްރެއިނިންގް ޕްރޮގްރާމް ތަކެއް ހުޅުމާލޭގައިވެސް ވަނީ ބާއްވާފައެވެ.

 އޮކްޓޫބަރުމަހުގެ 15 ވަނަ ދުވަސް ދަނޑުވެރިންގެ ދުވަހުގެ ގޮތުގައި ފާހަގަކުރުމަށް، ރައީސުލްޖުމްހޫރިއްޔާ އިބްރާހީމް މުޙައްމަދު ޞާލިޙް ނިންމަވައިފިއެވެ. ދަނޑުވެރިންގެ ދުވަހުގެ ނަމުގައި ދުވަހެއް ފާހަގަކުރެއްވުމަށް ނިންމެވި މައިގަނޑު މަޤްޞަދުތަކުގެ ތެރޭގައި، ދިވެހިރާއްޖޭގެ ކާނާގެ ޔަޤީންކަން ކަށަވަރުކުރުމުގެ ގޮތުން ދަނޑުވެރިންކުރާ ބުރަ މަސައްކަތުގެ އަގު ވަޒަންކުރުމާއި، ދަނޑުވެރިކަމުގެ މަސައްކަތް ރާއްޖޭގެ އިޤްތިޞާދުގައި ޙިއްސާކުރާ މިންވަރު އިތުރުކުރުމަށްޓަކައި ޒުވާނުންނާއި މަސައްކަތްކުރާ ޢުމުރުގެ މީހުން ދަނޑުވެރިކަމަށް ޝައުޤުވެރިކުރުވުން ހިމެނެއެވެ. މީގެ އިތުރުން ރާއްޖޭގެ އެކި ކަންކޮޅުތަކުގައި ދަނޑުވެރިކަމުގެ އެކި މަސައްކަތްތަކުގައި ޙަރަކާތްތެރިވާ ފަރާތްތައް އެއްތަނަކުން ބައްދަލުވެ، އެފަރާތްތަކަށް ކުރިމަތިވަމުންދާ ހުރަސްތަކާއި ދަތި ކަންކަން ފާހަގަކޮށް އެ ކަންކަން ޙައްލުކުރުމަށް ކުރެވިދާނެ ކަންކަމާމެދު މަޝްވަރާކުރުމުގެ ފުރުޞަތު ހޯދައިދިނުމާއި، ތިމާވެށްޓަށް އަންނަމުންދާ ބަދަލުތަކުގެ ސަބަބުން ދަނޑުވެރިކަމަށް ހުރި ގޮންޖެހުންތަކަށް ހައްލު ހޯދުމަށްޓަކައި އެކަމަށް އެންމެ އެކަށޭނަ އައު ފަންނުތައް ދަނޑުވެރިންނަށް ތަޢާރަފުކުރުންވެސް ހިމެނެއެވެ.