މަސްދޯނި ފަހަރުގައި އާރް.އެސް.ޑަބްލިއު އަދި ސޯލަ ޕަވަރ ސިސްޓަމް ހަރުކުރުމަށް ހުޅުވާލައިފި

ސަރުކާރުގެ ނޫ އިޢްތިސާދު ސިޔާސަތުގެ ދަށުން މަސްވެރިން ބާނާ މަސް ތާޒާކަންމަތީ ގިނަ ވަގުތު ބެހެއްޓޭނެ އިންތިޒާމު ފަހިކޮށްދިނުމުގެ ގޮތުން އަދި މަސްވެރިކަމުގެ ފަހި މޫސުމުގައި އައިސް ނުލިބުމުގެ ސަބަބުން ދިމާވާ ދަތިތަކަށް ހައްލޔ ހޯދައިދީ، މަސްވެރިކަމުން ލިބޭ ނަފާ އިތުރުކުރުމުގެ މަޤްސަދުގައި އިސްލާމިކް ޑިވެލޮޕްމަންޓް ބޭންކް (އައި. އެސް.ޑީ.ބީ) އާއި އެކު ދިވެހި ސަރުކާރުން ވަނީ ޕްރޮޖެކްޓެއްގައި ސޮއިކޮއްފައެވެ.

މި ޕްރޮޖެކްޓުގެ ދަށުން މަސްވެރި އުނޅަދުތަކުގައި ރެފްރިޖެރޭޓަށް ސީ-ވޯޓަރ (އާރް.އެސް.ޑަބްލިޔު) ސިސްޓަމް ނުވަތަ ވަތުގައި ފެންފިނިކުރާ ނިޒާމު ޤާއިމްކުރުމަށާއި، އިއާދަކުރަނިވި ހަކަތަ އުޅަނދުތަކުގައި ބޭނުންކުރުމަށް ސޯލަރ ޕަވަރ ސިސްޓަމް ގާއިމްކުރުމަށް ބޭނުންވާ ފައިނޭންސިންގ ފޯރުކޮށްދިނުމަށް ޕްރޮގްރާމެއް ހިންގުމަށް ހަމަޖެހިފައިވެއެވެ. މި ފައިނޭންސިންގ ހަމަޖެހިގެންދާނީ އެސް.އެމް.އީ ޑިވވެލޮފްމަންޓް ކޯޕަރޭޝަން (އެސް.ޑީ.އެފް.ސީ( އިން ހުޅުވާލާ ފައިނޭންދިންގ ސްކީމް މެދުވެރިކޮށެވެ.

advertisement

މިނިސްޓްރީ އޮފް ފިޝަރީޒް، މެރިން ރިސޯސަސް، އެންށް އެގްރިކަލަޗަރ އާއި މިނިސްޓްރީ އޮފް އިކޮނޮމިކް ޑިވެލޮފްމަންޓުން ގުޅުގެން ކުރިއަށް ގެންދިއުމަށް ރާވާފައިވާ މި ޕްރޮޖެކްޓުގެ ދަށުން 2 ފިޔަވައްސަކަށް ބަހާލައިގެން ޖުމްލަ 200 މަސްވެރި އުޅަނދުގައި މިސިސްޓަމްތައް ހަރުކުރުމަށް ރާވާފައިވެއެވެ. ފުރަތަމަ ފިޔަވަހީގައި 100 މަސްވެރި އުޅަނދުގައި އާރ.އެސް.ޑަބްލިޔު ސިސްޓަމާއި ސޯލަރ ޕަވަރ ސިސްޓަމް ހަރުކުރެވެގެންދާނެއެވެ. މި ފިޔަވަހި ކުރިއަށް ދާނީ 2022 އަދި 2023 ގައެވެ.

ޕްރޮގްރާމްގައި ބައިވެރިވުމުގެ ޝަރުތުތައް

މި ޕްރޮގްރާމުގައި ބައިވެރިވެވޭނީ އަންނަނިވި ޝަރުތުރައް ފުރިހަމަވާ މަސްވރިކަންކުރާ އުނޅަދުފަހަރަށެވެ.

• ރަޖިސްޓަރ ކުރެވިފައިވާ އުނޅަދަކަށް ވުމާއި މަސްވެރިކަން ކުރުމަށް މިނިޓްރީ އޮފް ފިޝަރީޒް، މެރިން ރިސޯސަސް އެންޑް އެގްރިކަލްޗަރ އިން ދޫކޮށްފައިވާ މުއްދަތު ހަމަނުވާ ލައިސެންސެއް އޮތުން
• އުޅަނދު މިހާރުވެސް ބޭނުންކުރެވެނީ މަސްވެރިކަންކުރުމަށް ކަމުގައިވުން.
• –       50 ފޫޓަށް ވުރެއް ދިގު އުޅަނދަކަށްވުން އަދި މަދުވެގެން 15 ޓަނުގެ ޕިޝް ހޯލްޑިންގ ކެޕޭސިޓީ ހުރުން.
• އާރް.އެސް.ޑަބްލިޔު ސިސްޓަމް ގާއިންކުރުމަށް ބޭނުންވާ ޖާގަ އުނޅަދުގައި ހުރުން.

މީގެ އުތުރުން، ލޯނަށް އެދި ހުށަހަޅާ ފަރާތްތަކުން އެއްވެސް ލޯނެއް ނަގާފައިވާނަމަ، އެ ފެސިލިޓީއަކަށް ފައިސާ ދައްކަމުންދާ ގޮތް ނުވަތަ ދައްކާފައިވާ ގޮތަށް ރިއާޔަތްކުރެވޭނެކަމަށް މިނިސްޓީއިން ބުނެއެވެ. މި ޕްރޮގްތާމް ކުރިއަށް ގެންދިއުމަށް ހަމަޖެހިފައިވަނީ އަންނަނިވި ގޮތުގެ މަތިންނެވެ.

މަރުހަލާ 1- ޕްރޮގްރާމުގައި ބައިވެރިވުމަށް ޝައުގު ހުށައެޅުން

މި މަރުހަލާގައި އެޕްލިކޭޝަންގައި ހުށަހަޅާ މިނިސްޓްރީގައި ރިކޯޑްކުރެވިފައިވާ މައުލޫމާތުގެ މައްޗަށް ރިއާޔަތްކޮށް އުޅަނދާއި ބެހޭ މައުލޫމާތާއި އެއުޅަނދަށް ބޭނުންވާ އާރް.އެސް.ޑަބްލިޔު އަދި ސޯލަރ ޕަވަރ ޕެކްގެ ކެޕޭސިޓީ ދެނެގަނެވޭނެއެވެ.

މި މަރުހަލާގައި ޝައުގުވެރިކަން ފާޅުކޮށްފައިވާ ފަރާތްތަކުގެ ތެރެއިން ޓެކްނިލަ ސްޕެސިފިކޭޝަން ބެލުމަށްފަހު، ފައިނޭންސިންގ ސްކީމްގައި ބައިވެރިވުމަށް ދެވަނަ މަރުހަލާއަށް ހުޅުވާލެވޭނެއެވެ.

މަރުހަލާ 2- ފައިނޭންސިންގ ސްކީމްގައި ބައިވެރިވުން

މި މަރުހަލާގައި އެއުޅަނދަކަށް ބޭނުންވާ ސިސްޓަމް، އެސް.ޑީ.އެފް.ސީގައި އިން ލިސްޓުކޮށްފައިވާ (އެމްޕެނަލްކޮށްފައިވާ) ސްޕަލަޔަރުންނަށް ލިސްޓުން ހިޔާރު ކުރުމުގެ ފުރުސަތު އެޕްލިކޭޓަރުންނަށް އެރުވޭނެއެވެ. މި މަރުހަލާގައި ހިޔާރު ކުރާ ސިސްޓަމްއަކަށް ބިނާކޮށް، ފައިނޭންސިންގ ފެސިލިޓީގެ އަނގު ކަނޑައެޅޭނެއެވެ.

މި މަރުހަލާ ނިމުނުން ސިސްޓަމް ހަރުކޮށްދުނުމާއި ސިސްޓަމް ހިންގުމާއި ގުޅޭގޮތުން ބޭނުންވާ ތަމްރީން ފޯރުކޮށްދިނުމުގެ މަސައްކަތް ފެށޭނެއެވެ.

މި ޕްރޮގްރާމްގައި ބައިވެރިވުމަށް އެދި އެޕްލިކޭޝަން ހުޅައެޅުމުގެ ފުރުސަތު މިއަދުން ފެށިގެން އާއްމުކޮށް ވަނީ ހުޅުވާލާފައެވެ. އެޕްލިކޭޝަން ހުޅައެޅޭނީ އެސް.އެމް.އީ ޑިވެލޮޕްމަންޓް އެންޑް ފައިނޭންސިންގ ކޯޕަރޭޝަން (އެސް.ޑީ.އެފް.ސީ) ގެ ޕޯޓަލް (https://portal.sdfc.mv/) މެދުވެރިކޮށެވެ.

މި ޕްރޮގްރާމްގައި ބައިވެރިވުމަށް ފޯމް ހުށައެޅުމުގެ ސުންގަޑިއަކީ 31 ޑިސެމްބަރ 2022 ވަނަ ދުވަހުގެ 12:00 އެވެ. އެހެންނަމަވެސް ސުންގަޑީގެ ކުރިން ހުށައަޅާ އެޕްލިކޭޝަންތައް ވަޒަންކޮށް އެއުޅަނދެއްގައި ސިސްޓަމް ގާއިމްކުރުމަށް ބޭނުން ފައިސޤ ހަމަޖެއްސުމުގެ މަސައްކަތް ކުރިއަށް ގެންދެވޭނެކަމަށް މިނިސްޓްރީއިން ބުނެއެވެ.