އެމްއެމްޑަބްލިއުއެމާއި އޫރިދޫއިން ބޭއްވި މައިގްރެންޓް ވޯކަރސް ކްރިކެޓް ކާނިވަލް ނިންމާލައިފި

މިޝަން ފޯ މައިގްރެންޓް ވޯކަރސް މޯލްޑިވްސް އިން ބާއްވާ 2 ވަނަ މައިގްރެންޓް ވޯކަރސް ކްރިކެޓް ކާނިވަލް ނިންމާލައިފިއެވެ. އެމްއެމްޑަބްލިއުއެމް އިން އުރީދޫ މޯލްޑިވްސްއާ ގުޅިގެން މި އަހަރުގެ ކްރިކެޓް ކާނިވަލްގައި ހެލްތު ކޭމްޕަކާއި ލީގަލް އެވޭރެންސް ކޭމްޕެއް ވެސް ހިމަނާފައިވެއެވެ.

ކްރިކެޓް ކާނިވަލް އެއްދުވަހުގެ މުބާރާތެއްގެ ގޮތުގައި 3 ޑިސެމްބަރު 2022 ވީ ހުކުރު ދުވަހު ބޭއްވިއިރު، މި މުބާރާތް ހުޅުވުމުގެ ރަސްމިއްޔާތުގައި އިންޑިއާގެ ހައި ކޮމިޝަނަރ، ހިޒް އެކްސެލެންސީ ސްރީ މުނޫ މަހާވަރު، ހައިކޮމިޝަނަރ އޮފް ދަ ޑިމޮކްރެޓިކް ސޯޝަލިސްޓް ރިޕަބްލިކް އޮފް ސްރީލަންކާ، ހިޒް އެކްސެލެންސީ އޭ.އެމް.ޖޭ ޞާދިޤު، އުރީދޫ މޯލްޑިވްސްގެ ޗީފް ކޮމާޝަލް އޮފިސަރ، އަލްފާޟިލް ހުސައިން ނިޔާޒް އަދި އުރީދޫ މޯލްޑިވްސްގެ ޑިރެކްޓަރ އޮފް ސޭލްސް އެންޑް ޑިސްޓްރިބިއުޝަން ސަޗިން ސަރްނާ ބައިވެރިވެވަޑައިގަތެވެ.  

advertisement

And it’s a wrap for our 2nd migrant workers’ cricket carnival!

A massive congratulations to Unity Cricket Club for winning runner-up team and to our champions of the year, Friends Club BD! @OoredooMaldives pic.twitter.com/4vTCPgSBJV— Mission for Migrant Workers Maldives (@mmwmaldives) December 3, 2022

ކްރިކެޓް ބޯޑް އޮފް މޯލްޑިވްސްގެ ފަރާތުން ކުރިއަށް ގެންދިޔަ، 20 ޓީމު ބައިވެރިވި ކްރިކެޓް މުބާރާތް ކާމިޔާބުކުރީ ފްރެންޑްސް ކްލަބް ބަންގްލަދޭޝް، ޔުނިޓީ ކްރިކެޓް ކްލަބާ ދެކޮޅަށް ކުޅުނު ފޯރިގަދަ ފައިނަލް މެޗަކުންނެވެ. އަދި މުބާރާތުގެ އެންމެ މޮޅު ބެޓަރާއި ފީލްޑަރ އަދި ބޯލަރަށް ވެސް އެވޯޑްވެސް ވަނީ ދީފައެވެ.

އެކުވެނީ ކްރިކެޓް ދަނޑުގައި ބޭއްވި ނިންމުމުގެ ރަސްމިއްޔާތުގައި އެވޯޑްތައް ހަވާލުކޮށްދެއްވީ ޑިމޮކްރެޓިކް ސޯޝަލިސްޓް ރިޕަބްލިކް އޮފް ސްރީލަންކާގެ ހައިކޮމިޝަނަރު، ހިޒް އެކްސެލެންސީ އޭއެމްޖޭ ސާދިގު، ޕާކިސްތާނުގެ ހައިކޮމިޝަނަރު ހައިކޮމިޝަނަރު ހިޒް އެކްސެލެންސީ ވައިސް އެޑްމިރަލް މުހައްމަދު ފަޔާޒް، ހައިކޮމިޝަނަރު އޮފް ދަ ޕީޕަލްސް ރިޕަބްލިކް އޮފް ބަންގްލަދޭޝް، ހިޒް އެކްސެލެންސީ ރިއަރ އެޑްމިރަލް އަބުލް ކަލާމް އަޒާދު، އުރީދޫ މޯލްޑިވްސްގެ ޗީފް ކޮމާޝަލް އޮފިސަރު އަލްފާޟިލް ހުސައިން ނިޔާޒު އަދި އުރީދޫ މޯލްޑިވްސްގެ ޑިރެކްޓަރ އޮފް ސޭލްސް އެންޑް ޑިސްޓްރިބިއުޝަން، ސަޗިން ސަރްނާގެ އިތުރުން ޕާޓްނަރ އޯގަނައިޒޭޝަންތަކުގެ މަންދޫބުންނެވެ. 

މި އަހަރުގެ ކްރިކެޓް ކާނިވަލް ވެސް ކުރިއަށް ގެންދިއުމުގައި މި އިވެންޓުގެ މައި ޕާޓްނަރު އުރީދޫ މޯލްޑިވްސް އިން ދެއްވި ބޮޑު އެއްބާރުލުމަކަށް އެމްއެމްޑަބްލިއުއެމް އިން ޝުކުރު އަދާކުރެ އެވެ. މީގެ އިތުރުން، ބިދޭސީ މަސައްކަތްތެރިންނަށް ކްރިކެޓް މުބާރާތް ކުރިއަށް ގެންދިއުމުގައި، ކްރިކެޓް ބޯޑް އޮފް މޯލްޑިވްސްގެ ފަރާތުން ލިބުނު ޚާއްޞަ އެހީތެރިކަން އެމްއެމްޑަބްލިއުއެމްއިން ފާހަގަކުރެއެވެ.

ކުރީ އަހަރުގެ ކްރިކެޓް ކާނިވަލާ އެއްގޮތަށް އެމްއެމްޑަބްލިއުއެމް އިން ޑަބްލިއުއެޗްއޯ މޯލްޑިވްސް، ސޮސައިޓީ ފޯ ހެލްތު އެޑިއުކޭޝަން، މެޑިކޯސް، ހެލްތު ޕްރޮޓެކްޝަން އެޖެންސީ އަދި ލައިފް ސަޕޯޓާ ގުޅިގެން ހެލްތު ކޭމްޕެއް މެދުވެރިކޮށް ހިލޭ މެޑިކަލް ސްކްރީނިން ކުރިއަށް ގެންދިޔައިރު، ޓްރާންސްޕޭރެންސީ މޯލްޑިވްސް، ޕަބްލިކް އިންޓަރެސްޓް ލޯ ސެންޓަރ، އިންޓަރނޭޝަނަލް އޮގަނައިޒޭޝަން ފޯ މައިގްރޭޝަން އެންޑް ހިއުމަން ރައިޓްސް ކޮމިޝަން އޮފް މޯލްޑިވްސް އާއި ގުޅިގެން ބޭއްވި ލީގަލް އެންޑް އެވޭރެންސް ކޭމްޕެއް މެދުވެރިކޮށް، ކާނިވަލް ބާއްވި ވަގުތު އެކި ކަންކަމުގައި ބިދޭސީ މަސައްކަތްތެރިންނަށް ހޭލުންތެރިކަން ފޯރުކޮށްދިނެވެ

މީގެ އިތުރުން އެމްއެމްޑަބްލިއުއެމް އިން ވަނީ އަހަރަކު އެއްފަހަރު ބާއްވާ މި އިވެންޓް ބައިވެރިންނަށް ހާއްސަކޮށްދިނުމުގައި އޭސް ޓްރެވަލްސް މޯލްޑިވްސް އިން ފޯރުކޮށްދޭ އެހީތެރިކަމަށް އަލިއަޅުވާލާ އަގުވަޒަންކޮށްފައެވެ. މީގެ އިތުރުން ބުއިންތަކާއި ފަސްޓް އެއިޑް އެސިސްޓެންސް އަދި މީޑިއާ އެންޑް ފޮޓޯގްރަފީގެ ހިދުމަތް ފޯރުކޮށްދިނުމުގައި ހެޕީ މާކެޓް، މޯލްޑިވިއަން ރެޑް ކްރެސެންޓް އަދި ވަން އޮންލައިން އިން ވެދެއްވި އެހީތެރިކަމަށްޓަކައި އެމްއެމްޑަބްލިއުއެމް އިން އެކަން ފާހަގަ ކޮށް ޝުކުރު އަދާކުރިއެވެ.

މި ކާނިވަލަކީ އަހަރަކު އެއްފަހަރު ބިދޭސީ މަސައްކަތްތެރިން ކުޅިވަރުގައި ބައިވެރިކޮށް، ބިދޭސީ މަސައްކަތްތެރިންގެ ބޮޑު އާބާދީއަކާ ހަމައަށް ވާސިލްވުމަށް ޕްލެޓްފޯމެއްގެ ގޮތުގައި ބޭނުންކޮށްގެން ހޭލުންތެރިކަން އިތުރުކޮށް، ބޭނުންވާ އެކިއެކި ހިދުމަތްތައް ފޯރުކޮށްދިނުމަށްޓަކައި ބާއްވާ ކާނިވަލެކެވެ.

ބިދޭސީ މަސައްކަތްތެރިންގެ ހައްގުތަކަށް ވަކާލާތު ކުރުމުގެ މަޤްސަދުގައި އުފެއްދި ޖަމިއްޔާއެއްގެ ގޮތުގައި ކްރިކެޓް ކާނިވަލަކީ ޖަމްޢިއްޔާއަށް 2 އަހަރު ފުރުން ފާހަގަކުރާ އެމްއެމްޑަބްލިއުއެމްގެ އަހަރީ ދުވަސް ފާހަގަކުރުމުގައި ބިދޭސީ މަސައްކަތްތެރިން ހިމެނޭ ގޮތަށް ބާއްވާ ޚާއްސަ ހަރަކާތެއްވެސް މެއެވެ. 

އެމްއެމްޑަބްލިއުއެމް އިން އުންމީދު ކުރަނީ މުޖުތަމަޢުގައި ބިދޭސި މަސައްކަތްތެރިންގެ ބައިވެރިވުން އިތުރުކުރުމަށް މިފަދަ ހަރަކާތްތަކާއި ޕްރޮގްރާމްތައް ވީހާވެސް ގިނައިން އިންތިޒާމު ކުރަމުން ގެންދިއުމަށެވެ.