ތާރީހުގެ ތެރެއިން: ބަދަލުވަމުން އަންނަ ދިވެހި ފައިސާ

އެންމެ ކުރީ ޒަމާނުގައި ރާއްޖޭގައި ފައިސާގެ ގޮތުގައި ބޭނުން ކުރީ ދިވެހި ބޮއްޔެވެ. ފައިސާގެ ގޮތުގައި ބޮލި ގެންގުޅެން ފެށީ މީލާދީ ގޮތުން 1200 ވަނަ އަހަރަށް ވުރެ ވެސް ކުރިންނެވެ.

އެންމެ ފުރަތަމަ އަލަށް ލާރި ޖެހުން

ރާއްޖޭގައި އެންމެ ފުރަތަމަ ލާރި ޖަހާފައިވާ ކަމަށް ބެލެވެނީ އައްސުލްތާން އަލް ޣާޒީ މުހައްމަދު ތަކުރުފާނުލް އައުޒަމްގެ ރަސްކަމުގައެވެ. އެއީ ދިގު ލާރިއެވެ. .އޭގެ ފަހުން 1650 ހިސާބުގައި ދިގު ލާރި ވަށް ލާރިއަށް ބަދަލު ކުރިއެވެ

advertisement

.ފުރަތަމަ ފަހަރަށް ރާއްޖޭން ބޭރުން ލާރި ޖަހާފައިވަނީ 1913 ވަނަ އަހަރެވެ. އޭރު ޖެހީ 3 ލާރިއާއި 4 ލާރިއެވެ. އެއް ރުފިޔާގެ ފައިސާ ފޮތި އެންމެ ފުރަތަމަ ނެރުނީ 1983 ވަނަ އަހަރުއެވެ. އަދި ދެ ރުފިޔާގެ ފައިސާ ފޮތި ނެރުނީ 1995 ވަނަ އަހަރުއެވެ.

ކަރުދާސް ނޫޓުގެ ފެށުން

ފުރަތަމަ ފަހަރަށް ކަރުދާސް ނޫޓު ރާއްޖެއަށް ތައާރަފް ކުރީ 1947 ވަނަ އަހަރުއެވެ.

އެ ނޫޓް ސީރީސްގައި ހިމެނެނީ 60 ލާރި، 1 ރުފިޔާ، 2 ރުފިޔާ، 5 ރުފިޔާ އަދި 10 ރުފިޔާއެވެ. 50 ރުފިޔާއާއި 100 ރުފިޔާ އިތުރު ކުރީ 1951 ވަނަ އަހަރުއެވެ.

500 އިގެ ނޫޓާއި 1000ގެ ނޫޓު ތައާރަފްކުރުން

ދިވެހި ރުފިޔާގެ ދެ ވަނަ ނޫޓު ސީރީޒް ނެރުނީ 1983 ވަނަ އަހަރު، އެމްއެމްއޭ ގެ ފަރާތުންނެވެ. ރާއްޖޭގައި އަލަށް 500 ރުފިޔާގެ ނޫޓު ބޭނުންކުރަން ފެށީ 1990 ވަނަ އަހަރުގެ ޖުލައި 26 ވަނަ ދުވަހުއެވެ.

މި ފަހުގެ ތާރީހެއްގައި ދިވެހި ފައިސާއަށް ގެނައި އެންމެ ބޮޑު ބަދަލަކީ 2015 ވަނަ އަހަރު، “ރަން ދިހަ ފަހެއް”ގެ ނަމުގައި ތައާރަފު ކުރި ނޫޓު ސީރީޒްއެވެ. މިހާރު ބޭނުންކުރާ ކަރުދާސް ނޫޓު ސެޓުގައި 5ރ، 10ރ، 20ރ، 50ރ، 100ރ، 500ރ އަދި 1000ރ ނޫޓު ހިމެނެއެވެ.

މިހާރު ވަކި ލާރީގެ ގޮތުގައި ބޭނުން ކުރަމުން އަންނަނީ 25 ލާރި، 50 ލާރި، 1 ރުފިޔާ އަދި 2 ރުފިޔާގެ ފޮއްޗެވެ.