އައްޑޫ ސިޓީގެ ހަތަރު އަވަށަކުން ބަންޑާރަ ގޯތި ދޫކުރަނީ

އައްޑޫގެ ތިން ރަށަކުން 500 ބަންޑާރަ ގޯތި ދޫކުރަން ސިޓީ ކައުންސިލުން އިއުލާން ކޮށްފި އެވެ.

ކައުންސިލުންއިންކުރި އިއުލާނެއްގައި ބުނީ، ފޭދޫ އިން 1،500 އަކަފޫޓުގެ 300 ގޯއްޗާއި ހުޅުދު އާއި މީދޫގެ ކޮންމެ ރަށަކުން 2،000 އަކަފޫޓުގެ 100 ގޯތި ދޫކުރަން ނިންމާފައިވާ ކަމަށެވެ

advertisement

90 ޕަސެންޓު ގޯތި ދޫކުރާނީ އެ ރަށެއްގެ މީހުންނަށް ކަމަށާއި އަނެއް 10 ޕަސެންޓް ދޫކުރާނީ އެހެން ރަށްރަށުގެ މީހުންނަށް ކަމަށްވެސް އިއުލާނުގައި ވެ އެވެ.

ކައުންސިލުގެ އިއުލާނާއި އެކު، ކައުންސިލުން ވަނީ ޕޮއިންޓްދޭ އުސޫލު، ގޯއްޗަށް އެދޭ ފޯމު އަދި އެހެން މައުލޫމާތު ހިމެނޭ ލިޔުންތައް ވެސް ގެޒެޓްކޮށްފައެވެ.

ދިރިއުޅުމަށްޓަކައި ދޫކުރާ ބަންޑާރަ ގޯއްޗަށް އެދޭ ފޯމު ބަލައިގަތުމަށް ހަމަޖެހިފައިވަނީ 2023 ފެބުރުއަރީ 02 ވަނަ ދުވަހުން ފެށިގެން 2023 ފެބުރުއަރީ 16 ވަނަ ދުވަހުގެ ރަސްމީ ބަންދު ނޫން ކޮންމެ ދުވަހެއްގެ 09:00 އިން 13:00 އަށެވެ.  ފޯމު ބަލައިގަތުމަށް ހަމަޖެހިފައިވަނީ މީދޫ އަވަށު އޮފީހުންނެވެ. ގޯއްޗަށް އެދި ހުށަހަޅަންޖެހޭނީ އުސޫލާ އެއްގޮތްވާގޮތުގެމަތިން ފޯމުގެ އަސްލެވެ.