މިއަދުގެ ފާހަގަކޮށްލެވޭ ހަބަރުތައް ކުރުކޮށް

ޑިންގީއަކުން ޖެހި ފަތުރުވެރިއަކު މަރުވެއްޖެ

ކ.ތުލުސްދޫ ކައިރިއަށް މޫދަށް އެރިއުޅުމުގެ ތެރޭގައި 52 އަހަރުގެ ޕޮލެންޑު ފިރިހެނެއްގެ ގައިގައި ޑިންގީއަކުން ޖެހި މަރުވެއްޖެއެވެ. ތުލުސްދޫ ކައިރިއަށް ސްނޯކްލިންއަށް ގޮސްއުޅުނު ފަތުރުވެރިއެއްގެ ގައިގައި ދަތުރުކުރި ޑީންގީއެއްޖެހި  ހާދިސާއެއް ހިނގާފައިވާކަމަށް ފުލުހުންނަށް ރިޕޯޓްކޮށްފައިވަނީ 11:10 ހާއިރުއެވެ.

އަލީ ޞާލިޙު ޓްރާންސްޕޯޓުގެ ސްޓޭޓް މިނިސްޓަރަކަށް ބަދަލުކޮށްފި

އެންވަޔަރަމެންޓް މިނިސްޓްރީގެ ސްޓޭޓް މިނިސްޓަރުގެ މަގާމުގައި ހުންނެވި އަލީ ޞާލިޙު، ޓްރާންސްޕޯޓް މިނިސްޓްރީގެ ސްޓޭޓް މިނިސްޓަރެއްގެ މަގާމަށް ބަދަލުކޮށްފި އެވެ. އަލީ ޞާލިޙު އެންމެ ފުރަތަމަ ހުންނެވީ ކުރިން ހިންގި ޓެކްނޮލޮޖީ މިނިސްޓްރީގެ ސްޓޭޓް މިނިސްޓަރު ކަމުގެ މަގާމުގައެވެ.

advertisement

ބީއެމްއެލް ރަސްދޫ ބްރާންޗްގެ އާ އިމާރާތް ހުޅުވައި އޭޓީއެމްގެ ހިދުމަތް ފަށައިފި

We’re continuing to expand banking services to our communities and today, we are pleased to open a new Self-Service Banking ATM Centre at the newly relocated A.A. Rasdhoo branch. pic.twitter.com/8dX2txf6IN— Bank of Maldives (@bankofmaldives) January 29, 2023

ރަސްދޫގައި އެ ހިދުމަތް ދޭން ފަށާފައިވަނީ ރަސްދޫ ބްރާންޗުގެ އާ އިމާރާތުގައި ގާއިމުކޮށްފައިވާ އޭޓީއެމް ސެންޓަރު މެދުވެރިކޮށެވެ. އަމިއްލަ ފަރުދުންނާއި ވިޔަފާރިތަކަށް 24 ގަޑިއިރު ފައިސާ ނެގުމުގެ އިތުރުން ފައިސާ ޖަމާކުރުމާއި ބިލަށް ފައިސާ ދެއްކުމާއި ޓްރާންސްފާ ކުރުމުގެ ހިދުމަތް ލިބިގެންދާނެ އެވެ.

މިދިޔަ ކުއާޓަރުގައި މައިގަނޑު ހުރިހާ ސިނާޢަތްތަކަށް ކުރިއެރުން

ރާއްޖޭގެ އިޤްތިޞާދުގައި މައިގަނޑު ގޮތެއްގައި ހިއްސާވާ ސިނާޢަތްތައް މިދިޔަ އަހަރުގެ 4 ވަނަ ކުއާޓަރުގައި ކުރިއަރާފައިވާކަމަށް އެމް.އެމް.އޭއިން ހާމަކޮށްފި އެވެ. އެމް.އެމް.އޭގެ ރިޕޯޓުގައިވާގޮތުން މިދިޔަ އަހަރުގެ 4 ވަނަ ކުއާޓަރުގައި އިޤްތިޞާދު ހިއްސާވާ މައިގަނޑު ހުރިހާ ސިނާޢަތްތައްތައްވެސް ކުރިއަރައިފިއެވެ.

ފަޔަރ އިވެކުއޭޝަން ޑްރިލެއް ބާއްވައިފި

އެމްއެންޑީއެފް ސަދަން އޭރިއާ ކޮމާންޑް، ސ. ހިތަދޫ ފަޔަރ ސްޓޭޝަނުން އައްޑޫ ސިޓީ ދިރާގު އޮފީހުގެ މުވައްޒަފުންނަށް ފަޔަރ އިވެކުއޭޝަން ޑްރިލެއް ބާއްވައިފި އެވެ. މިއަދު ކުރިއަށްގެންދިޔަ މި ފަޔަރ އިވެކުއޭޝަން ޑްރިލްގައި އަލިފާނުގެ ހާދިސާއެއް ހިނގައިފިނަމަ ޢަމަލުކުރަން ޖެހޭނެ ގޮތްތައް ޢަމަލީގޮތުން ވަނީ ފަރިތަކޮށްފައެވެ.