މިއަދުގެ ފާހަގަކޮށްލެވޭ ހަބަރުތައް ކުރުކޮށް

ނަޝީދު ބަލި ގަބޫލުކޮށްފި، އެކަމަކު ރައީސް ސާލިހަށް ތާއީދެއް ނުކުރާނެ

ރައްޔިތުންގެ މަޖިލީހުގެ ރައީސް މުހައްމަދު ނަޝީދު، މިދިޔަ ހޮނިހިރު ދުވަހު ބޭއްވި އެމްޑީޕީގެ ރިޔާސީ ޕްރައިމަރީ ނާކާމިޔާބުވެއްޖެކަން ގަބޫލުކުރައްވައިފިއެވެ. ރައީސް ނަޝީދު ވިދާޅުވީ ކުޑަ ތަފާތަކުން ރައީސް ޞާލިހް މި އިންތިޚާބު ކާމިޔާބު ކުރައްވައިފި ކަމަށާއި އެކަމަކު އެމަނިކުފާނަށް ތާއީދުނުކުރައްވާނެ ކަމަށެވެ.

ފުލުހުންގެ ރައްކާ ޕްރޮގްރާމަށް އެލައިޑުން 100 ހެލްމެޓް

މޯލްޑިވްސް ޕޮލިސް ސަރވިސްއިން ކުރިއަށްގެންދާ “ރައްކާ ރޯޑް ސޭފްޓީ” ޕްރޮގްރާމްތަކަށް އެލައިޑުން 100 ހެލްމެޓު ފުލުހުންނަށް ހަދިޔާކޮށްފިއެވެ. ޗީފް އިންސްޕެކްޓާ އޮފް ޕޮލިސް އަޙްމަދު ފަސީހް ވިދާޅުވީ، ރައްކާ ރޯޑް ސޭފްޓީ ޕްރޮގްރާމްގެ ދަށުން ހޭލުންތެރިކަމުގެ ޕްރޮގްރާމްތައް އަމާޒުކޮށްފައިވަނީ ރާއްޖޭގެ އެންމެ ބޮޑެތި ރަށްތަކަށްކަމަށެވެ.

advertisement

މެޖިސްޓްރޭޓަކާއި ގާޟީއެއްގެ ސުލުކީ މައްސަލައެއް

މެޖިސްޓްރޭޓަކާއި ގާޟީއެއްގެ ސުލުކީ މައްސަލައެއް ޖުޑީޝަލް ސަރވިސް ކޮމިޝަނުން ތަހުގީޤުކުރަން ފަށައިފިއެވެ. ބަލަމުން ގެންދަނީ ސ.ހިތަދޫ  ކޯޓުގެ ގާޒީ އަލްއުސްތާޛާ ޒިޔާދާ ޠާހިރު އާއި ސިވިލް ކޯޓުގެ ޤާޟީ އަލްއުސްތާޛު ފައްޔާޒް ޝާތިރުގެ ސުލޫކީ މައްސަލައެކެވެ.

އަމިއްލަ ފަރާތެއްގެ ހިލޭ އެހީގައި ވ. ތިނަދޫގައި މިސްކިތެއް ބިނާކުރަނީ

ތިނަދޫގައި މިސްކިތެއް ބިނާކުރުމަށް މިނިސްޓްރީ އޮފް އިސްލާމިކް އެފެއާޒުން އެއްބަސްވުމެއްގައި ސޮއިކޮށްފިއެވެ. މިއީ އަމިއްލަ ފަރާތެއްގެ ހިލޭ އެހީގައި ބިނާކުރާ މިސްކިތެކެވެ

13 އަހަރުގެ އަންހެން ކުއްޖަކާ ބެހުނުކަމުގެ ތުހުމަތުގައި މީހަކު ހައްޔަރުކޮށްފި

ތިލަދުއްމަތީގެ ރަށެއްގައި 13 އަހަރުގެ އަންހެން ކުއްޖަކަށް ޖިންސީ ގޯނާ ކުރިކަމުގެ ތުހުމަތުގައި މީހަކު ހައްޔަރުކޮށްފިއެވެ. ފުލުހުން ވަނީ އެ މައްސަލައާ ގުޅިގެން 60 އަހަރުގެ ދިވެހި ފިރިހެނަކު ކޯޓު އަމުރެއްގެ ދަށުން ރޭ ހައްޔަރުކޮށްފައެވެ.