ހިޔާ ސަރަހައްދުގައި ޤާއިމު ކުރާ ޕާކްތަކުގެ މަސައްކަތްތައް ބާރު ސްޕީޑްގައި ކުރިއަށް

ހިޔާ ސަރަހައްދުގައި ދިރިއުޅޭ ރައްޔިތުންނަށް ހިތްފަސޭހަ މާހައުލެއް ޤާއިމުކޮށްދިނުމަށް ކުރެވެމުންދާ މަސައްކަތްތަކުގެ ތެރެއިން، ހިޔާ ސަރަހައްދުގައި ކުޑަ ކުދިންނަށް ޙާއްސަ ޕާކްއެއް ތަރައްޤީ ކުރުމުގެ މަސައްކަތް އެޗްޑީސީ އިން މިހާރު ދަނީ ކުރެވެމުންނެވެ. މިގޮތުން، ކުޑަ ކުދިން ކުޅޭނެ ގިނަ އާ ސާމާނުތައް ބެހެއްޓި، އާ ކުޅިވަރުތައް ކުޅެވޭނެ އިންތިޒާމު ހަމަޖެހިފައިވެއެވެ.

މީގެ އިތުރުން، ހިޔާ ޓަވަރުތަކުގެ މެދުގައި ހުންނަ ހުސް ޖާގަތައް އެދެވޭ ގޮތެއްގައި ބޭނުން ކުރުމަށް ޓަވަރުތަކުގައި ދިރިއުޅޭ އާއިލާތަކާއި ގުޅިގެން ޕޮކެޓް ޕާކްތަކެއް ތަރައްޤީ ކުރުމުގެ މަސައްކަތް ވެސް ދަނީ ކުރެވެމުންނެވެ. މިގޮތުން، މި ސަރަހައްދުތަކުގައި ގަސް އިންދާ އަދި، އާއްމުންނަށް ބޭނުން ހިފޭނެ ގިނަ ކަންތައްތަކެއް ހިމެނިފައިވާނެއެވެ. އެޗްޑީސީއިން ނިންމާފައި ވަނީ މި ޕޮކެޓް ޕާކްތައް ސީދާ ރައްޔިތުން ބޭނުންވާ ގޮތަށް ތަރައްޤީ ކުރުމުގެ މަގު ފަހި ކޮށްދިނުމަށެވެ.

advertisement